Lagale Lavavang At Ne Iesu Karisito Jon Ga Malagan I 8:36 - Madak

³⁶ Do nenia, ne Nitna na lox asepmus nemi, nemi miba sepmus tuturun.

Lagale Lavavang At Ne Iesu Karisito Jon Ga Malagan I 8:36 ပူးပေါင်းရင်းမြစ်များ

2 Korin 3:17

Loroonan, neni nom Leeme Silok la nedi limixin ua Loroonan at ne Moroa ik lok atnedi, diba sepmus basinge lololos at laxapmek.

Galesia 5:1

Nedik di sepmus tinotno, mila ne Karisito gara lox asepmus pam nedik basinge leveloklok la leventaangas at Lenavolo. Kuren la mina tu lolos at lunuunu atnimi, la mi guta ke xepe bok ba lorooro atnemi la nak lok ngan manga lavaanat saxaruki at Lenavolo.

Lovoang At Ne Pol Ti Limixin Nunu to Rom 8:2

atla keneng at ne Iesu Karisito, Loroonan Kaala ga raba dik mi lorooro la gara lox asepmus pam dik basinge lololos at laxapmek eburu mi lanmet.

Lagale Lavavang At Ne Iesu Karisito Luk Ga Malagan i 4:18

‘Loroonan Kaala at ne Moroa i nemen tarak, mila ira soxolik ka vam ia xusu ana vavang mi Lagale Lavavang tinedi limixin banbalo. Ira sak tiki vam ia xusu ana tong asu langas ti soxomus asu limixin di nemen at loxokoxo, la ana lox arepalas lengkatli atnedi luvuttadi mi lengkatli atdi i main; la ana soxomus asu limixin di baava mi laxanmumuat at na lavatkangka;

Sam 119:133

Unam lam aratao ia at lavatpas tarak, kerekngan levelinga ram; nemen uta ke xepe libilinga nak sak tup minia.

Sam 119:32

A lolos aleng kusu ana mumu asu mo levempapaase ali ram, mila uba suxa amu manga ia mi lodoxoma avukat.

Sam 19:13

Una lok tooro ia xusu nia noxo lok laxapmek ua nenia a vara i. Nemen uta ke xepe i na sak pava ia xusu nia anabak mokso la anaba sepmus basinge lolos at libilinga.

1 Korin 7:22

Lasaxaruki, Leeme Silok gara ro xaka vam i, neni i lok ngan laradi sepmus at Leeme Silok. La kerepmo bok laradi sepmus, ne Karisito gara ro xaka vam i, neni i lok ngan lasaxaruki at ne Karisito.