Lagale Lavavang At Ne Iesu Karisito Jon Ga Malagan I 7:39 - Madak

³⁹ Iesu ga vaase i na mumu Loroonan Kaala. Nedi diga nuunu at ne Iesu, diga ruuna ka i. Ap mo levenaleng ne Moroa goxovisi raba Loroonan Kaala, mila ne Iesu goxovisi urut uto vana ri lixitkis orong teren.

Lagale Lavavang At Ne Iesu Karisito Jon Ga Malagan I 7:39 ပူးပေါင်းရင်းမြစ်များ

Sam 68:18

Ni ga lam kaka buaang limixin kokoxo la ga urut eburu midi uto vana at lakaana Saion. Ni ga ruuna ka leventamtaba atdi mo limixin tongtonga xepe diga esev eburu min. Leeme silok ne Moroa naba nemen go.

Metiu 16:14

La diga vorang i rin keretna, “Lentaba di lok do nenu ne Jon laradi sep susu. Lentaba di tong i do nenu ne Elaisa, la lentaba di tong i do nenu ne Jeremia kopla lara leeme vapaase alii me gano.”

Metiu 21:11

La mo buaang limixin diga emu mi ne Iesu diga vorang i ridi xeretna, “Na ne Iesu, leeme vapaase alii boro Galili at lemenemen Nasaret.”

Lagale Lavavang At Ne Iesu Karisito Luk Ga Malagan i 24:49

La nenia xa anaba riki mo laramtaba rinimi, mo ne Tamak gara xaape vam min do tinimi. Ketla miba nemen ngangais i ro Jerusalem se at loxonaleng lololos boro vana naba suxuna nimi.”

Lagale Lavavang At Ne Iesu Karisito Luk Ga Malagan i 3:16

Kuren la ne Jon ga lok tidi axap, “Nenia a sep susu nimi mi ladan, ketla lara naba vot. Lololos teren i volo lololos tarak. Axo epovo xusu ana soxomus luvanga vatpas teren mila neni i silok aleng tia. Neni naba sep susu nimi mi Loroonan Kaala la naba lok kepe laxakapmek atnimi kerekngan laxao i rin kepe levenboobong.

Lagale Lavavang At Ne Iesu Karisito Luk Ga Malagan i 7:16

Limixin axap diga lingun la diga emi asu mi ne Moroa, la diga lok, “Langsangan leeme vapaase alii ira vot pam kantubu atdik! La ne Moroa ira vot pam kusu na lox arooro limixin teren!”

Lagale Lavavang At Ne Iesu Karisito Jon Ga Malagan I 1:21

La diga sue manga i, “Nenu nege? Kereva, nenu mo leeme vapaase alii megano, ne Elaisa?” Jon ga vorang i ridi xeretna, “Nenia xopmen.” La diga sue manga i xeretna, “Kereva, nenu leeme vapaase alii, ne Moroa ga xaape min at levelinga at ne Moses?” La ni ga vorang i ridi xeretna, “Kopmen.”

Lagale Lavavang At Ne Iesu Karisito Jon Ga Malagan I 1:25

Diga sue i xeretna, “Do nenu xopmen Lanarong, kopla ne Elaisa, kopla mo leeme vapaase alii, la tila u sep susu limixin?”

Lagale Lavavang At Ne Iesu Karisito Jon Ga Malagan I 1:33

Nia xovisi goxoklen i, ketla ne Moroa ga riki ia xusu anap sep susu limixin mi ladan la neni ga lok tia xeretna, ‘Uba ven Loroonan Kaala naba si boro vana la nasga taradi; neni mo laradi naba sep susu limixin mi Loroonan Kaala.’

Lagale Lavavang At Ne Iesu Karisito Jon Ga Malagan I 12:16

Ap mo laaleng na lavanga ga ravasu, luvuttadi loklok ka anasa di goxo xasep at lavasuun ap mo levelinga; ketla se at laaleng ne Iesu ga rooro xat amlong digaklen ba i do Lovoang Kaala ga tong asu na lavanga, la mo limixin diga lox i na ri ne Iesu.

Lagale Lavavang At Ne Iesu Karisito Jon Ga Malagan I 12:23

La ne Iesu ga lok tidu xeretna, “Loxonaleng mo ia epovo vam kusu ne Moroa na lox asilox ia, Laradi Mevana.

Lagale Lavavang At Ne Iesu Karisito Jon Ga Malagan I 14:13

La do mina sing ti tevempanga xeneng at laasen tarak, anaba lox epovo i, xusu nenia Nitna ne Moroa, anaba lox asilok laasen at ne Tamak.

Lagale Lavavang At Ne Iesu Karisito Jon Ga Malagan I 14:26

Ketla laradi loklok tooro, ni Loroonan Kaala ne Tamak naba riki i xeneng at laasen tarak. Neni naba anasa nimi mi levempanga vipis axap la naba vaase aronga nemi ri levempanga agara tong pam i rinimi.

Lagale Lavavang At Ne Iesu Karisito Jon Ga Malagan I 16:14

Neni naba lox asilok laasen tarak mi lugugu ren, mila neni naba lok kaka levelinga rak la na anasa nimi min.

Lagale Lavavang At Ne Iesu Karisito Jon Ga Malagan I 16:7

Ketla a tong tuturun i rinimi. I lox avukat do nenia ana on basinge nimi. Do nenia a noxo onon, laradi loklok tooro noxo vot pasa nimi. Ketla do ana onon, nenia aba riki aonon i ude saparap nimi.

Lagale Lavavang At Ne Iesu Karisito Jon Ga Malagan I 17:1

Melemu at na levelinga Iesu ga milik aurut uto vana at laxalibet la ni ga sing keretna, “Tamak. Laaleng ira vot pam kusu una lox asilok laasen tarak, ne Nurum, la kusu nenia, ne Nurum, anaba lox asilok laasen taram.

Lagale Lavavang At Ne Iesu Karisito Jon Ga Malagan I 17:5

La mo nga, Tamak, una lox asilok laasen tarak to melamgo ram, la kerepmo una lox asuusu lisisixam tarak aga ruuna avor i ri luruntudum li at na lavatbung menemen, at levenaleng aga nemen eburu minu.”

Lagale Lavavang At Ne Iesu Karisito Jon Ga Malagan I 20:22

La ni ga mas asu lamamas teren tidi la ga lok tidi, “Mina lok kaka Loroonan Kaala.

Lagale Lavavang At Ne Iesu Karisito Jon Ga Malagan I 6:14

Mo limixin go diga ven mo lavanga sangsangu ne Iesu ga lox i, la diga lok, “I ruturun aleng; neni mo leeme vapaase alii diga tong i do naba vot at na lavatbung menemen!”

Lagale Lavavang At Ne Iesu Karisito Jon Ga Malagan I 7:12

Buaang atnedi limixin diga paase siksikma mu ne Iesu. La leventaba luvuttadi diga lok, “Neni lagale laradi.” Leventaba diga lok, “Kopmen, neni i sasar asoogong buaang limixin.”

Lagale Lavavang At Ne Iesu Karisito Jon Ga Malagan I 8:54

Iesu ga vorang i ridi xeretna, “Dola nenia ana lok asilox ia, levelinga rak naba lok ngan lavanga gamasa. Ketla ne Tamak ik lox asilox ia. Nemi mi tong i do neni ne Moroa atnimi.

Leven Gugu 19:2

La ni ga sue di, “Kereva, miga lok kaka bok Loroonan Kaala at loxonaleng nemi miga nuunu?” Diga vorang i xeretna, “Nema xovisi mana ronga i do Loroonan Kaala mo i nemen.”

Leven Gugu 2:17

Moroa ga lok keretna, ‘Auret ti laaleng kavaxap at lavatbung menemen nia anaba lox i na; anaba riki asi Loroonan Kaala rak uto xantubu at limixin axap. Laxamdak mi laxaalik atnimi dinaba paase alii tempanga; luvuraau maxat atnimi dinaba silimet tangarang ka tempanga; la luvuttadi asioxo atnimi dinabam tobo teventomtobo.

Leven Gugu 2:33

Ni ga lam kaka i uto vana at laxalibet la ga vaxaxis li i ro at lixitkis orong la ne Moroa xa ga raba i mi lololos kusu ni na riki Loroonan Kaala ren tinama, kerekngan tai mo nemi mi ven i la mi ronga i.

Leven Gugu 2:38

Pita ga lok tidi, “Nemi getgesara mina leeng basinge leveloklok kakapmek atnimi, la mina lok kaka lesep susu at laasen at ne Iesu Karisito kusu ne Moroa naba doxoma xepe leveloklok kakapmek atnimi la nemi minaba ruuna ka na laramtaba at Loroonan Kaala.

Leven Gugu 2:4

Loroonan Kaala ga vubeles atnedi axap la diga lox epovo i do dina paase mi lempapaase petpes, i ngan Loroonan Kaala ga raba di min.

Leven Gugu 3:13

Moroa at ne Abaram, Aisak, la ne Jakop, Moroa at lavalabat atdik, neni ga lox asilok laasen at ne Iesu, lasaxaruki ren. Nemi miga song araba limixin kapmek min kusu dina sev amer i; la miga sok tixirixes i ro melamgo at ne Paelat, ap mo loxonaleng ne Paelat ga lok do na soxomus asu i.

Leven Gugu 4:31

Melemu at lisingising atdi, mo loxot nedi diga vot eburu ren gang nengne. Diga umsu mi lolos at Loroonan Kaala la diga vaxaru ka i xusu dina paase asu levelinga at ne Moroa la kopmen bok ba teanmarat.

Lovoang At Ne Pol Ti Limixin Nunu to Rom 8:9

Ketla nemi xopmen mina rooro at lavavara at labantuxu; ketla mi rooro mu mun lavavara at Loroonan Kaala, mo do Loroonan Kaala at ne Moroa i nemen keneng atnimi. La do nege di, dixo ruuna Loroonan Kaala at ne Karisito, nedi xopmen limixin at ne Karisito.

2 Korin 3:8

i ruturun tinotno do lugugu at Loroonan naba lox asuusu lisisixam silok aleng.

Epesas 4:30

Nemen mita lox abulu Loroonan Kaala at ne Moroa. Loroonan Kaala neni loklok katling ne Moroa ga raba vam nimi min, i ngan lampinebeng ti loklox arooro atdik.