Lagale Lavavang At Ne Iesu Karisito Jon Ga Malagan I 7:37 - Madak

³⁷ At laaleng kavaxap ap mo leluxa ni laaleng silok. At mo laaleng, ne Iesu ga ru upana la ga xup lolos keretna, “Do tara go i minu, neni na vosiga ia la na inin.

Lagale Lavavang At Ne Iesu Karisito Jon Ga Malagan I 7:37 ပူးပေါင်းရင်းမြစ်များ

Sam 143:6

A song aurut mi lukngak tu keneng at lisingising tarak; la labalak ik minu ru ngan ta loxongkangka vatmang.

Sam 42:2

Nu ne Moroa Luntoo, labalak i ngaongao amisik tu. Ningisa ba, uba siam ka ia xusu anat pas uto at loogu ram la ana lotu saparav u ro melamgo ram?

Sam 63:1

O Moroa, nenu ne Moroa rak. Labalak i ngaongao ru. Lorooro axap tarak i vavara ru, ngan laxangka i vat dexes, la i soso vavagam ngan lasa mes. Lorooro rak ik minu ru.

Metiu 11:28

Nemi axap mik sak saaban mi laxanaknixip keneng at lorooro atnimi, mina vosiga ia, la aba raba nimi mi loklox amas.

Metiu 3:3

Leeme vapaase alii ne Aisaia ga paase mumu ne Jon mi levelinga xeretna, ‘Lara mo ip kup to at lamatbin keretna, mina lox agagas li langas ti Leeme Silok; mina lox akmokso langas tin!’ Ais 40:3

Metiu 5:6

Luvukat mo ik lok tinedi di ngaongao ri loklok mokmokso, mila ne Moroa naba lox epovo mo lavavara atdi.

Lagale Lavavang At Ne Iesu Karisito Jon Ga Malagan I 1:23

Jon ga vorang i ridi mi levelinga at leeme vapaase alii ne Aisaia, ni ga lok keretna, ‘Nenia mo lara ip kup to at lamatbin keretna, mina lox akmokso langas ti Leeme Silok.’ Ais 40:3

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lagale Lavavang At Ne Iesu Karisito Jon Ga Malagan I 4:10

La ne Iesu ga vorang i rin, “Do uklen laramtaba at ne Moroa la mo laradi i sing u ri toxondan, i epovo do una sing i ri laxadan too, la ni naba raba u min.”

Lagale Lavavang At Ne Iesu Karisito Jon Ga Malagan I 4:11

La nom latkin ga lok tin, “Leeme Silok, uxo ruuna tavat buxom silok kusu rintu dan la ladan no xa ik lok kopok. Uba lok ka rinotno nom laxadan too ua?

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Lagale Lavavang At Ne Iesu Karisito Jon Ga Malagan I 5:40

Ketla nemi xa mi xopara na nuunu rak kusu miba lok ka lorooro.

Lagale Lavavang At Ne Iesu Karisito Jon Ga Malagan I 6:35

Iesu ga lok tidi, “Nenia lakde at lorooro. Mo do tara na vosiga ia, neni noxo roxo bok ba; la neni do i nuunu rak, neni noxo minu bok ba.

Lagale Lavavang At Ne Iesu Karisito Jon Ga Malagan I 6:37

Nedi axap ne Tamak i raba ia midi, dinaba vosiga ia. La do tara na vosiga ia, nenia noxo sok tixirixes i.

Lagale Lavavang At Ne Iesu Karisito Jon Ga Malagan I 6:55

Levenuut tarak ni leveluxa ruturun, lada rak ni laxadan tuturun ti inin.

Lagale Lavavang At Ne Iesu Karisito Jon Ga Malagan I 7:28

La at loxonaleng ne Iesu ga anasa ro at loogu laplavang, neni ga vaase lolos keretna, “I ruturun do nemi miklen ia, la miklen i do nia aga laa meva. Ketla agoxot pas ude at lavavara axa rak. Mo lara ga riki ia, neni luruturun. La nemi mixoklen i.

1 Korin 10:21

La kerepmo ixo epovo do mina inin at lakap at Leeme Silok, la at lakap bok at lubunggas. La kopmen tinotno na epovo do mina anan at leveluxa at Leeme Silok la minam tebeng alis bok loklok at lotu saparap lubunggas.

1 Korin 10:4

la diga inin at legesa dan, ne Moroa ga raba di min at langas petpes. Diga inin at ladan boro ap mo luat na roonan mo ga emu midi; la mo luat neni ne Iesu Karisito.

1 Korin 11:25

Melemu at laanan, neni ga lok kaka lakap vaen la ga lok box i ngan loxongkide; neni ga lok ti luvuttadi loklok ka anasa ren keretna, “Ana lakap vaen ni lekabus maxat at ne Moroa ga lox i mi lada rak eburu minimi. Mina lox amisix i na xusu ri doxoma ia, mo do mina in i.”

1 Korin 12:13

Nedik axap limixin, ne Moroa gara suxuna vam dik mi mo legeso Roonan Kaala ren, kuren mun la nedik at legesa bantuxu; mila nedik axap ataga lok ka vam legeso Roonan Kaala ne Moroa ga raba nedik min. Keke i do buaang atnedik limixin, la nedik at levengkot petpes, leventaba at leme Judaia, la leventaba xopmen di me Judaia, la leventaba nedi levenasaxaruki, la leventaba nedi luvuttadi mene xuren.

Epesas 5:18

La nemen mita inin tangtangku mi laxadan lolos; mo loklok naba lok kapmek nimi. Ketla mina umsu mi Loroonan Kaala,

Lisilimet 21:6

La ni ga lok bok, “Ara lox empampana vam lugugu rak; nenia Lurutu Kaxat la Lumumupit. Aba vaxain nedi limixin do di minu mi mo ladan i puvut su boro at lavatturunen at ladan at lorooro la kopmen di noxo un i.

Lisilimet 22:1

La laangelo ga lox ase ia mi ladan at lorooro ga xasep aleng. La ga puvut su boro at loxot kitkis at ne Moroa la Lanasip;

Lisilimet 22:17

Loroonan Kaala eburu mi latkin epot maxat du lok keretna, ‘Ude nimi.’ La nedi di ronga i na, dina lok bok keretna, ‘Ude nimi.’ Do nege i minu, i epovo do neni na rupot, la nege i vara ladan tooro, neni na lok ka i, mila kopmen tuunun teren.”