Lagale Lavavang At Ne Iesu Karisito Jon Ga Malagan I 7:28 - Madak

²⁸ La at loxonaleng ne Iesu ga anasa ro at loogu laplavang, neni ga vaase lolos keretna, “I ruturun do nemi miklen ia, la miklen i do nia aga laa meva. Ketla agoxot pas ude at lavavara axa rak. Mo lara ga riki ia, neni luruturun. La nemi mixoklen i.

Lagale Lavavang At Ne Iesu Karisito Jon Ga Malagan I 7:28 ပူးပေါင်းရင်းမြစ်များ

Sam 9:10

Leeme Silok, nedi dikleklen u, dinaba nuunu saga ram. La uxo raba arulu tara do lebelen i ngaongao ru.

Metiu 11:27

La ne Iesu ga lok ti mo limixin, “Tamak, ira raba vam ia mi lempanga axap. Kopmen teta naklen ia, ketla ne Tamak kusuk mun; la kopmen teta naklen ne Tamak, ketla nenia ne Nitna xusuk mun, la tinedi mun nenia a vara i kusu ana lox ase di min.

Metiu 2:23

La diga nemen to Nasaret. La levelinga at lavaeme vapaase alii ga sorun. Mo levelinga ga lok keretna, ‘Diba so asen i do neni lanat me Nasaret.’

Metiu 26:55

Ap mo loxonaleng ne Iesu ga lok ti mo limixin, “Tila mi vot de mi levemparise sepsep la levempukup sepsep kusu mina ranga alis ia? Nenia xopmen ana vaxaru kaxat ka teesep. Buaang levenaleng nia agat kis to xeneng at loogu laplavang kusu ana anasa limixin, ketla nemi xopmen mi goxo ranga alis ka be ia go.

Lagale Lavavang At Ne Iesu Karisito Luk Ga Malagan i 10:22

Tamak. Ura raba vam ia mi lempanga axap. Kopmen teta naklen nege Lamdak taram, ketla Tamak kusuk; la kopmen teta naklen nege ne Tamak, ketla Lamdak kusuk mun, la tinedi mun Lamdak i vara i kusu na lox ase di min.”

Lagale Lavavang At Ne Iesu Karisito Luk Ga Malagan i 2:11

Lingina at na laaleng to at lemenemen at ne Devit, Laradi Loklox Arooro atnimi dira visik pam i; neni Lanarong la Leeme Silok!

Lagale Lavavang At Ne Iesu Karisito Luk Ga Malagan i 2:39

Se ne Josep mi ne Maria duga lox axav i mo lempanga kerekngan Lenavolo at ne Moroa ga tong i, digamlong uto Nasaret lemenemen atdi gak lok at lenep silok Galili.

Lagale Lavavang At Ne Iesu Karisito Luk Ga Malagan i 2:4

La ne Josep ga nemen at lemenemen Nasaret at lenep silok Galili. Ni ga ronga na levelinga la at lara laaleng ni ga vas kaxat uto at lemenemen, laasen teren, Betilem mo gak lok at lenep silok Judaia; mo lemenemen at loorong silok ne Devit. Josep gat pas ugo, mila ga neni livisik li at ne Devit,

Lagale Lavavang At Ne Iesu Karisito Luk Ga Malagan i 2:51

La ne Iesu gamlong eburu midu uto Nasaret, la neni gang tonga res amisik atdu. La nenen gam doma amisik na levelinga at ne Iesu la goxo domampe i.

Lagale Lavavang At Ne Iesu Karisito Jon Ga Malagan I 1:46

La ne Natanael ga sue i, “I epovo xusu tempanga avukat naba vot boro Nasaret?” Pilip ga lok, “Ata onon la una ven ba i.”

Lagale Lavavang At Ne Iesu Karisito Jon Ga Malagan I 10:36

La ne Tamak ga soxolik ka ia la ga riki ia ude at na lavatbung menemen. Tila ba la, mia tong i do nenia a paase vupu ri ne Moroa mila a tong i do nenia Nitna ne Moroa?

Lagale Lavavang At Ne Iesu Karisito Jon Ga Malagan I 12:49

Anai i ruturun aleng, mila kopmen nenia xusuk mo a paase mi lololos axa rak, ketla ne Tamak neni ga riki ia, ni ga tong lolos mo levelinga ria do nia aba tong i, la langas salai nia aba mu i ri vaase axasev i.

Lagale Lavavang At Ne Iesu Karisito Jon Ga Malagan I 14:10

Kereva, uxo nuunu do nia a nemen at ne Tamak, la ne Tamak i nemen tarak? Levelinga a paase i rinimi kopmen atarak axa. Ketla at ne Tamak axa, i nemen tarak neni gak lok mo leven gugu.

Lagale Lavavang At Ne Iesu Karisito Jon Ga Malagan I 14:31

Ketla limixin at na lavatbung menemen dinabaklen ka i do a balamu aleng ne Tamak, la nia ak lok levempanga axap kerekngan neni ga tong i ria. Dik ta mo, ata vas kaxat basinge na lenep.”

Lagale Lavavang At Ne Iesu Karisito Jon Ga Malagan I 16:3

Dinaba lok na levempanga rinimi mila nedi xa xopmen dinaklen nema mi ne Tamak.

Lagale Lavavang At Ne Iesu Karisito Jon Ga Malagan I 17:25

Tamak. Luruptuvuk taram ik mokso, la limixin at na lavatbung menemen kopmen dinaklen u, ketla nenia aklen u, la nedi na diklen i do uga riki ia ude.

Lagale Lavavang At Ne Iesu Karisito Jon Ga Malagan I 17:3

Lorooro avolo i lok keretna; do dinakleklen u, legesa Moroa ruturun kusuk mun la dinakleklen ia, ne Iesu Karisito, nenu ga riki ia ude.

Lagale Lavavang At Ne Iesu Karisito Jon Ga Malagan I 3:2

At lara laxanimin neni ga mu bung ti ne Iesu la ga lok tin, “Rabai. Maklen i do nenu laradi loklox ase, la ne Moroa ga riki u; kopmen tara na epovo xusu na lok nom lempanga sangsangu, mo do ne Moroa noxo lok tooro i.”

Lagale Lavavang At Ne Iesu Karisito Jon Ga Malagan I 3:33

Do tara na siam ka levelinga ren, neni i lox asuusu i do levelinga at ne Moroa i ruturun.

Lagale Lavavang At Ne Iesu Karisito Jon Ga Malagan I 5:32

Ketla ne Moroa i paase aru ia, la aklen i do mo levelinga ni i paase mu ia min, i ruturun.

Lagale Lavavang At Ne Iesu Karisito Jon Ga Malagan I 5:43

Agara vot eburu vam mi lololos at ne Tamak, ketla kopmen mina siam ka ia. Do tara na paase mi lololos axa ren, nemi miba siam ka i.

Lagale Lavavang At Ne Iesu Karisito Jon Ga Malagan I 6:42

Diga lok, “Neni mun ne Iesu, nitna ne Josep la ne Maria. Nedik taklen ne temen mi nenen. I lok kereva la neni i tong i do ni ga si boro vana at laxalibet?”

Lagale Lavavang At Ne Iesu Karisito Jon Ga Malagan I 7:14

At laaleng sev avanuet ap mo leluxa, Iesu ga beles to xeneng at loogu laplavang la ga ru ka i xusu na anasa limixin.

Lagale Lavavang At Ne Iesu Karisito Jon Ga Malagan I 8:14

Iesu ga vorang i ridi xeretna, “Keke i do nia a paase aru axa ia, ketla levelinga rak i ruturun, mila nenia aklen lemenemen nenia aga vas kaxat meve la anabat pas bok uve. Kopmen minaklen lemenemen nenia aga vas kaxat teren la ti lenep nenia abat pas tin.

Lagale Lavavang At Ne Iesu Karisito Jon Ga Malagan I 8:16

Ket do nia ana ila mumu loklok at tara, levelinga rak naba ruturun; mila kopmen nenia xusuk a tong mo levelinga, ketla ne Tamak ga riki ia, neni ik lox amumuat levelinga rak.

Lagale Lavavang At Ne Iesu Karisito Jon Ga Malagan I 8:19

Diga sue i, “Ne Tamam ua?” La ne Iesu ga lok, “Mixoklen ia la ne Tamak. Mo do minaklen ia, mibaklen bok ne Tamak.”

Lagale Lavavang At Ne Iesu Karisito Jon Ga Malagan I 8:26

At laaleng ete nenia aba ruuna laxampapaase solo mumu laxakapmek atnimi. Mo lara ga riki ia ude, neni luruturun, la mo levelinga ni ga raba ia min, nia a tong asu i ri limixin axap at na lavatbung menemen.”

Lagale Lavavang At Ne Iesu Karisito Jon Ga Malagan I 8:42

Iesu ga lok tidi xeretna, “Dola ne Moroa ne Temen nimi, nemi minaba balamu ia mila nenia aga laa boro at ne Moroa la monga nenia ak lok de. A goxo vas kaxat mi lodoxoma axa rak, ketla ne Moroa ga riki ia.

Lagale Lavavang At Ne Iesu Karisito Jon Ga Malagan I 9:29

Maklen i do ne Moroa ga paase ri ne Moses; ketla ti nom laradi maxoklen tinotno i do neni ga laa meva.”

Leven Gugu 17:23

mila nia at pas tangtagap at levengkot at lemenemen silok atnemi la a ven lengkot nemi mi lotu ren. A long lenger i do loxonin laplavang mo, miga malagan i do ‘Ti lomoroa kopmen dinakleklen i.’ Nemi mi lotu saparav i, ketla nemi xopmen minakleklen i la nenia na ana tong asu i rinimi.

Lovoang At Ne Pol Ti Limixin Nunu to Rom 1:28

La limixin di goxopara i do dinam tebeng lakleklen tuturun mumu ne Moroa, kuren la ni ga ke xepe di ri mumu asu levendoxoma atdi xa i ekarakat, kerepmo la diga lok levempanga ixo epovo do dina lox i.

Lovoang At Ne Pol Ti Limixin Nunu to Rom 3:4

Kopmen tinotno! Moroa neni naba ruturun amisik la keke i do limixin axap laxampanga xaxarang. I ngan Lovoang Kaala i vaase i xeretna, “Una lox asuusu i do nenu uk mokso at loxonaleng una paase; unaba vas asi levelinga i ru ram at loxonaleng di sok taba u min.” Sam 51:4

2 Korin 1:18

Levelinga at ne Moroa i paase asu i, i ruturun la kerepmo levelinga rak tinimi xopmen loxolinga mene do tuturun kopla kopmen.

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

Taitas 1:2

la dinam doma voovo ri lorooro avolo. Na lorooro avolo ne Moroa ga tong alii i ganoxa at lereot. La levelinga ren i ruturun tinotno, neni xopmen laradi xaxarang.

Ibru 6:18

Legepu vanga mo ik lok kusu na lox amuat levelinga ren, i lok keretna; lavapaase alii ren la lavangpangpe ren, la ixo epovo do ne Moroa na xarang limixin. Kuren la ne Moroa ga lox i na xusu na lox alolos lunuunu atnedi diga on basinge laxakapmek kusu dina rebeng kaka mo levempanga nunuan ne Moroa ga vaase alii min.

1 Jon 5:10

Do tara i nuunu at ne Nitna ne Moroa, neni i ruuna ka vam mo levelinga keneng at lorooro ren. Do tara kopmen na nuunu at ne Moroa, i lok ne Moroa ngan laradi xaxarang, atla ni kopmen na nuunu ap mo levelinga ne Moroa ga vaase i mumu ne Nitna.