Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lagale Lavavang At Ne Iesu Karisito Jon Ga Malagan I 5:18 - Madak

18 Na levelinga at ne Iesu ga lox axatu levendoxoma at luvuttadi amgomgo la diga puke ngas kusu dina sev amer i; lavasuun teren do ne Iesu ga lox aroo laradi at laaleng kaala, la neni ga tong i do ne Moroa ni ne Temen, la at na mun i neni ga tong i do neni i epovo mun mi ne Moroa.

အခန်းကိုကြည့်ပါ။ ကော်ပီ




Lagale Lavavang At Ne Iesu Karisito Jon Ga Malagan I 5:18
21 ပူးပေါင်းရင်းမြစ်များ  

Mina domangke at levelinga at Lenavolo i tong i do at laaleng kaala lavamaasa di los polo Lenavolo mila di gugu ro xeneng at loogu laplavang ap mo laaleng. Ketla kopmen taxapmek atdi mumu i nom.


Limixin amgomgo ro Jerusalem diga riki aonon lentaba lavamaasa la lentaba luvuttadi gugu at loogu laplavang uto ri ne Jon la diga sue i do, “Nenu nege?”


Diga vorang i rin keretna, “Maxo lok do mana luvar u mumu mo levempanga sangsangu, ketla u tong i do nenu ne Moroa. Nenu mun laradi, ketla uk lok tong pen i do una lox axa u xerekngan ne Moroa la u paase vupu rin.”


Iesu ga vorang i rin keretna, “Do nege i balamu ia, neni naba ronga res at levenanasa rak. Ne Tamak naba balamu i, la nema’ mi ne Tamak, maba esuxun min la mana nemen eburu min.


Iesu ga lok tin keretna, “Pilip, aga nemen amisik eburu minu la nu xovisi unaklen ia do? Do lara ira ven pam ia, neni ira ven pam ne Tamak. Ixo epovo do una tong i do, una lox ase nama mi ne Tamam.


Luvuttadi amgomgo diga lok tin keretna, “I epovo do neni na met mila ni ga los polo Lenavolo atnama, i lok do neni ne Nitna ne Moroa.”


Melemu mo laradi ga vas kaxat la ga tong i ri luvuttadi amgomgo at limixin me Judaia, do ne Iesu vam mo ga lox avukar i.


Kuren la luvuttadi amgomgo diga ru ka i xusu dina munepen mi ne Iesu, mila neni ga lox aroo mo laradi at laaleng kaala.


Iesu ga lok tidi, “Ne Tamak i gugu at levenaleng amisik se lingina, la nenia bok a gugu.”


kusu limixin diba lok ngangao rak ne Nitna kerekngan mun di lok ngangao at ne Tamak. Do tara noxo lok ngangao rak ne Nitna, i lok ngan ta do ixo lok ngangao at ne Tamak, mo ga riki ia, ne Nitna ude.


Melemu at nai, Iesu gat pas at levenmenemen to Galili; ni goxo vara i xusu nat pas to Judaia, mila luvuttadi amgomgo diga vara i xusu dina sev amer i.


Moses ga raba nemi mi Lenavolo. Ketla kopmen teta atnimi ik lox epovo na Lenavolo. La tila ba mik lok tong pen i do mina sev amer ia?”


Iesu ga vorang i ridi xeretna, “Dola nenia ana lok asilox ia, levelinga rak naba lok ngan lavanga gamasa. Ketla ne Tamak ik lox asilox ia. Nemi mi tong i do neni ne Moroa atnimi.


Iesu ga vorang i ridi xeretna, “A tong tuturun i rinimi. Gano ne Abaram goxovisi vot, nenia mo aga nemen pam.”


Neni gat pas mi lamakmaran at ne Moroa, ketla neni goxo doma i do mi lololos axa ren la neni naba silok ngan ne Moroa.


La laangelo ga lox ase ia mi ladan at lorooro ga xasep aleng. La ga puvut su boro at loxot kitkis at ne Moroa la Lanasip;


La mo lasaxaek ik lok mavana at na lavatbung menemen noxok lox ap moi lemenemen silok. Loxonin orong at ne Moroa eburu mi Lanasip naba nemen go la lavasaxaruki ren diba lotu parav i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ