Lagale Lavavang At Ne Iesu Karisito Jon Ga Malagan I 3:3 - Madak

³ Iesu ga vorang i rin keretna, “A tong tuturun i na ru; do tara noxo lok kaka livipisik amaxat, neni noxo vubeles at Linintoo at ne Moroa.”

Lagale Lavavang At Ne Iesu Karisito Jon Ga Malagan I 3:3 ပူးပေါင်းရင်းမြစ်များ

Metiu 16:17

Iesu ga lok tin, “Luvukat tu, ne Simon lamdak at ne Jona, mila kopmen taradi ga tong asu i na ru, ketla ne Tamak no vana at laxalibet.

Metiu 19:24

Ana tong box i xeretna. I lolos aleng do lavatkamel na vubeles at lamamara at linil, la kerepmo i lolos aleng bok ti laradi nopnovos kusu ri beles at Linintoo at ne Moroa.”

Metiu 21:31

Ua lara atdu na ga lok lugugu ne temen du ga tong i?” La diga lok, “Mo lara avot.” Kuren la ne Iesu ga lok tidi, “A tong tuturun i rinimi do; luvuttadi loklok ka pilas la lavakin ngarangat mo dibam gomgo avot tinimi uto at Linintoo at ne Moroa.

Metiu 5:18

A tong tuturun i rinimi. Laxalibet mi lavatbung menemen naba nemen at laxanaleng solo, la ap mo levenaleng kopmen tamangkot lixilik at levelinga keneng at Lenavolo naba xap asonao, i se ap mo laaleng levelinga ren naba sorun.

Lagale Lavavang At Ne Iesu Karisito Mak Ga Malagan I 10:14

La ne Iesu ga ven i nom la ga vaase sok luvuttadi loklok ka anasa ren la ga lok tidi xeretna, “Mina ke laxamdak mi laxaalik kakalik dina vot pasa ia; la nemen mita sep pepe di, mila Linintoo at ne Moroa i epovo ridi na.

Lagale Lavavang At Ne Iesu Karisito Mak Ga Malagan I 9:47

Mo do legesa xatli ram na lox asubu lunuunu ram, una lik gogo su min la una lu xepe min. I lox avukat una vubeles to at Linintoo at ne Moroa mi legesa xatli mene nga. Lavanga ne Moroa na lu arup minu eburu mi luxatli ram uto xeneng at lemenemen songsongot.

Lagale Lavavang At Ne Iesu Karisito Jon Ga Malagan I 1:13

Di goxo ravasu ngan luvutnitna ne Moroa at loklok at na lavatbung menemen, i ngan ta do laxamdak mi laxaalik at lenasun, kopla at lavavara at latlok, kopmen; ne Moroa xa, neni ne Temen di.

Lagale Lavavang At Ne Iesu Karisito Jon Ga Malagan I 1:5

La laxasep i soosoo ri limixin at lamain la mo limixin kopmen di goxo lox epovo i do gita lox asi i.

Lagale Lavavang At Ne Iesu Karisito Jon Ga Malagan I 1:51

La ni ga lok bok tidu, “A tong tuturun i rinumu do muba ven laxalibet na rem suang la muba ven lubung angelo at ne Moroa dinat pas si la dinat pas urut uto saparav ia Laradi Mevana.”

Lagale Lavavang At Ne Iesu Karisito Jon Ga Malagan I 12:40

“Moroa ira lox amain pam lengkatli atdi, la ira vipe vam levendoxoma atdi xusu lengkatli atdi noxo reven la levendoxoma atdi noxokleklen. La di noxo vosiga ia xusu nenia aba lox arooro di.” Ais 6:10

Lagale Lavavang At Ne Iesu Karisito Jon Ga Malagan I 3:4

Nikodimas ga sue i, “Naba lok kereva la laradi mukun dina visik amu box i? Neni xopmen na epovo xusu na beles at lavatpaasa at nenen la nenen na visik amu manga i.”

2 Korin 4:4

Dixo nuunu mila levendomdoma atdi, lomoroa at na lavatbung menemen iram tu kobot pe vam i. La neni i tu kobot pe mo laxasep at Lagale Lavavang kusu noxo soosoo axasep di, mo laxasep i susu boro at lisisixam at ne Karisito, neni lampenaxa at ne Moroa.

2 Korin 5:17

Do tara i nuunu at ne Karisito, neni i ngan laradi maxat at loroonan teren; levempanga xapmek at lorooro maut ira xap pam, la lorooro maxat mo ira vot ta.

Galesia 6:15

Ixo lok petpes tinotno xantubu at taradi diga vit kepe toxontuxu ren, la tara di goxo vit kepe toxontuxu ren; mo loklok kopmen lavanga silok. Ketla lavanga mene nga i silok keretna, laradi i ba gili lorooro ren kusu na lok ka lorooro maxat.

Epesas 2:1

Ganoxa nemi miga lok ngan laxampanga met mene, mumu laxakapmek,

Taitas 3:5

la neni ga lox arooro dik. Neni goxo lox arooro dik mumu leven gugu nunuan atdik; ketla neni ga balamu gamasa mun dik. Lebelemumu ren ni lavasuun at loklox arooro ren. Moroa ga lox arooro dik keretna; Loroonan Kaala ren ga gos kepe vam leveloklok kakapmek atdik la ga raba dik mi livipisik amaxat.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.

1 Jon 2:29

Nemi mi xasep do ne Iesu neni Leeme Mokmokso, la kerepmo nemi mi xasep bok do laradi ik lok leveloklok nunuan, i lox asuusu i do neni i ruuna ka vam livipisik amaxat.

1 Jon 3:9

Do tara i ruuna livipisik amaxat at lorooro ren keneng at ne Moroa, ni noxok lox amisik laxakapmek, atla lorooro maxat at ne Moroa i nemen keneng teren. Do tara i ruuna ka vam livipisik amaxat at ne Moroa, neni ixo epovo ri lox amisik laxakapmek.

1 Jon 5:1

Do tara i nuunu do ne Iesu neni Lanarong at ne Moroa, i lox asuusu i do i ruuna ka vam livipisik amaxat at lorooro ren keneng at ne Moroa; la do tara i balamu ne Temen, i balamu bok limixin at ne Moroa.

1 Jon 5:18

Nedik takleklen i do mo tara i ruuna ka vam livipisik amaxat at lorooro ren keneng at ne Moroa, neni noxo lok bok ba laxakapmek. La ne Nitna ne Moroa i lok tatao i kusu laradi kapmek ne Satan noxo lok kapmex i.

1 Jon 5:4

Do tara i ruuna ka vam livipisik amaxat at lorooro ren keneng at ne Moroa, i lox asuusu i do neni ira on basinge vam leveloklok at na lavatbung menemen. Do tara i nuunu at ne Iesu, na i lox asuusu i do neni ira on basinge vam loklok at na lavatbung menemen.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.