Lagale Lavavang At Ne Iesu Karisito Jon Ga Malagan I 21:15 - Madak

¹⁵ Se diga an axap pam, Iesu ga sue ne Simon Pita, “Simon, lamdak at ne Jon. Kereva, labalamu ram tia i silok aleng ti labalamu ram ti na luvuttadi?” Ni ga vorang i rin keretna, “Laaba, Leeme Silok. Uklen i do a balamu u.” La ne Iesu ga lok tin, “Una raba luxa laxannat sipsip tarak.”

Lagale Lavavang At Ne Iesu Karisito Jon Ga Malagan I 21:15 ပူးပေါင်းရင်းမြစ်များ

Metiu 10:37

Do nege i balamu aleng ne temen kopla nenen la ixo balamu aleng ia, neni xopmen na epovo do na ravasu ngan laradi rak. Do nege i balamu aleng ne nitna xopla ne nitnono, la ixo balamu aleng ia, neni xopmen na epovo do na lok ngan laradi rak.

Metiu 16:17

Iesu ga lok tin, “Luvukat tu, ne Simon lamdak at ne Jona, mila kopmen taradi ga tong asu i na ru, ketla ne Tamak no vana at laxalibet.

Metiu 18:10

La ne Iesu ga lok bok tidi, “Nemen mita sok tixirixes kepe tara at na laxamdak kakalik mila lubung angelo atdi dit pot pasa amisik ne Tamak to vana at laxalibet. Nia a tong tuturun i.

Metiu 26:33

La ne Pita ga lok tin, “Keke i do nedi axap dina subu basinge u, nenia xopmen tinotno noxo subu.”

Metiu 26:35

La ne Pita ga vaase lolos tin keretna, “Do dina lok do dina sev amer ia, nenia noxo sok tixirixes u.” La luvuttadi loklok ka anasa axap diga tong box i xuren.

Lagale Lavavang At Ne Iesu Karisito Mak Ga Malagan I 14:29

La ne Pita ga lok tin, “Keke i do nedi axap dina subu basinge u, nenia xopmen tinotno a noxo subu.”

Lagale Lavavang At Ne Iesu Karisito Luk Ga Malagan i 12:32

La ne Iesu ga lok bok, “Limixin tarak, nemen mita marat, mila ne Temen nemi, i momo xusu naba raba nemi mi Linintoo ren.

Lagale Lavavang At Ne Iesu Karisito Luk Ga Malagan i 22:32

Ketla ara sing pam tu, ne Simon, kusu lunuunu ram noxo subu. La do una leeng basinge laxakapmek taram, una lox alolos luvutnetam.”

Lagale Lavavang At Ne Iesu Karisito Jon Ga Malagan I 1:42

Melemu neni ga lam ka ne Simon uto saparap ne Iesu. Iesu ga ven tin la ga lok tin keretna, “Nenu, ne Simon, nitna ne Jon. Laasen ta ru ne Kepas.” Na laasen i lok ngan mun ne Pita la lavasuun teren do Luat Kis.

Lagale Lavavang At Ne Iesu Karisito Jon Ga Malagan I 13:37

Pita ga sue box i, “Ua lavasuun teren la monga nia axo epovo na mumu asu u? Nia aba met nov u.”

Lagale Lavavang At Ne Iesu Karisito Jon Ga Malagan I 16:27

Nemi xa mina sing ne Tamak mila ne Tamak axa i balamu aleng nimi. I balamu nemi mila nemi mi balamu ia la mira nuunu do nenia aga vas kaxat boro at ne Moroa.

Lagale Lavavang At Ne Iesu Karisito Jon Ga Malagan I 21:12

La ne Iesu ga lok tidi, “Ude nimi la mina anan be.” Kopmen tara atdi luvuttadi loklok ka anasa gita sue i do neni nege mila digaklen i do neni Leeme Silok.

Lagale Lavavang At Ne Iesu Karisito Jon Ga Malagan I 21:7

La mo laradi loklok ka anasa ne Iesu ga vavara aleng i, ga lok ti ne Pita, “Leeme Silok mo.” Pita ga ronga i nom la soso mun ni ga etara lavanga singsiga ren, no ni ga lok kepe i, la ga los si uto at ladan la ga xobok uto loxon.

Lagale Lavavang At Ne Iesu Karisito Jon Ga Malagan I 8:42

Iesu ga lok tidi xeretna, “Dola ne Moroa ne Temen nimi, nemi minaba balamu ia mila nenia aga laa boro at ne Moroa la monga nenia ak lok de. A goxo vas kaxat mi lodoxoma axa rak, ketla ne Moroa ga riki ia.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Leven Gugu 20:29

Aklen i do melemu at loxonaleng nia ana onon, limixin kapmek diba rupot kantubu atnimi, diba lok ngan lubungman atat la diba lok kapmek lunuunu at lentaba atnimi.

Lovoang At Ne Pol Ti Limixin Nunu to Rom 14:1

Mina siam abeles kaka mo laradi keneng at lotu atnimi, lunuunu ren kopmen na lolos, ketla nemen gat miguta etep mi levelinga eburu min mumu mo leveloklok ik paxaru kaxat lekarakat.

Lovoang At Ne Pol Ti Limixin Nunu to Rom 15:1

Nedik lunuunu atnedik i lolos, ata xip tooro nedi dixo lolos mi levenaknixip atnedi. La nemen gat dik guta doma xusuk mene nedik la ata lox amomo dik.

1 Korin 8:11

Kuren la na laradi, lunuunu ren kopmen na lolos, ne Iesu Karisito ga uu nop bok loklok teren, neni naba subu atla nemi limixin akleklen mi anan mo leveluxa diplavang min ti laxampoovo moroa.

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.

Ibru 4:13

Kopmen tevempanga at na lavatbung menemen axap i epovo na nemen alipe at lemeren ne Moroa. Neni ne Pen Axasep la i reven leveloklok axap at limixin dim doma i xopla dim suma i, la neni naba lok li limixin at lavapaase mumu mo leveloklok.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

1 Pita 2:2

Minak lok ngan laxamdak mumulum, no di vavara inin amisik levendan tus at loroonan, atla do mina inin amisix i, minaba vee mukun at lunuunu atnimi la mina roo suu.

1 Pita 2:25

Nemi miga lok ngan laxasipsip diga soronga, ketla ana nga, migaramlong pam kusu mina mumu asu Lamgomgo atnemi la neni laradi loklok tatao bok at lorooro at loroonan atnemi.

1 Jon 4:19

Nedik ta umsu mi labalamu atla ne Moroa ga balamu avot dik.

1 Jon 5:1

Do tara i nuunu do ne Iesu neni Lanarong at ne Moroa, i lox asuusu i do i ruuna ka vam livipisik amaxat at lorooro ren keneng at ne Moroa; la do tara i balamu ne Temen, i balamu bok limixin at ne Moroa.

Lisilimet 2:23

La aba sev amet bok laxamdak teren. La limixin axap di nuunu dibaklen i do nenia ne Penasiak, aklen lorooro at limixin axap la aba vorang laxakapmek atnemi mi levesongsongot i epovo at loklok at legetgesa radi.