Lagale Lavavang At Ne Iesu Karisito Jon Ga Malagan I 20:19 - Madak

¹⁹ Ga ukantinao at laaleng avot ap mo luik luvuttadi loklok ka anasa digak lox eburu ro xeneng at lara loogu la diga soxoba pe axap levenmusaragu mila diga e amarat at luvuttadi amgomgo. La ne Iesu ga vot la ga ru go xantubu atdi, la ga lok, “Limila nak lox eburu minimi.”

Lagale Lavavang At Ne Iesu Karisito Jon Ga Malagan I 20:19 ပူးပေါင်းရင်းမြစ်များ

Sam 122:8

Nia a lok lisingising mumu lemenemen Jerusalem keretna, “Limila nak lok keneng teren.” Ak lox i xerepmo kusu lentaba rak la larapentangas tarak dinaban tuuna lorooro nunuan.

Metiu 10:13

Do limixin ap mo loogu di siam ka nimi, mina ke limila atnimi nak lox eburu midi. Ket do dixo siam ka nimi, mina ke limila namlong mu nimi.

Metiu 18:20

mila do legepura xopla lavantun di vot buru xusu dina sing ia xeneng at laasen tarak, nenia mo ak lox eburu midi.”

Lagale Lavavang At Ne Iesu Karisito Mak Ga Malagan I 16:14

La melemu ne Iesu ga vot pasa lasangaun mi legesara luvuttadi loklok ka anasa ren at loxonaleng diga anan; la neni ga vaase lolos tidi mila lunuunu atdi goxo lolos la di goxo nuunu atnedi diga ven pam i.

Lagale Lavavang At Ne Iesu Karisito Jon Ga Malagan I 14:27

Lenmila rak na nemen maxeneng atnimi; limila rak ana raba nimi min. Axo raba i na i ngan limixin at na lavatbung menemen dim taba i xuren. Nemen mita bulu la mina marat.

Lagale Lavavang At Ne Iesu Karisito Jon Ga Malagan I 16:22

I lok kuren mun tinimi; monga nemi mi bulu, ketla aba ven bok ba nimi la minaba umsu mi lomomo, la kopmen tara naba lok pes mo lomomo basinge nimi.

Lagale Lavavang At Ne Iesu Karisito Jon Ga Malagan I 16:33

Agara tong pam i na rinimi xusu miba ruuna ka limila. Nemi minaba suma losongsongot boro at limixin at na lavatbung menemen. Ketla mina tu tuxuruxun. Ara los kimit pam laxakapmek at na lavatbung menemen.”

Lagale Lavavang At Ne Iesu Karisito Jon Ga Malagan I 20:21

La ne Iesu ga lox amu manga ridi, “Limila nak lox eburu minimi. Ne Tamak ga riki ia, kuren la nenia bok, ana riki nimi.”

Lagale Lavavang At Ne Iesu Karisito Jon Ga Malagan I 20:26

Melemu at lavanuti aleng, luvuttadi loklok ka anasa diga nemen manga ap mo loogu, Tomas bok mo gak lok. La diga soxoba pe axap levenmusaragu, ketla ne Iesu ga vot la ga ru xantubu atdi la ga lok tidi xeretna, “Limila na nemen eburu minimi.”

Lagale Lavavang At Ne Iesu Karisito Jon Ga Malagan I 21:1

Melemu ne Iesu ga ru asuvos ti luvuttadi loklok ka anasa ren to saparap lavatdan kis, Tiberias. Ga ravasu xeretna.

Lagale Lavavang At Ne Iesu Karisito Jon Ga Malagan I 21:14

Na lovotpot sev avantun at ne Iesu saparap luvuttadi loklok ka anasa ren melemu at laxakatu kaxat amlong teren at lanmet.

Lagale Lavavang At Ne Iesu Karisito Jon Ga Malagan I 7:13

Ketla kopmen teta goxo paase mumu i at lasaxaven, mila diga marat at luvuttadi amgomgo.

Leven Gugu 1:3

At lavanuet sangaun aleng melemu at lanmet teren, ni ga ru asuvos tinedi luvuttadi vavang teren ti lox asuusu i do ni i ruturun mo gara roo xat amlong pam basinge lanmet, la nedi axap diga ven i; la ni ga paase axasep mumu Linintoo at ne Moroa.

Lovoang At Ne Pol Ti Limixin Nunu to Rom 15:33

A vara i do ne Moroa at limila nak lox eburu minemi axap. I ruturun.

1 Korin 15:5

La ni ga ru asuvos ti ne Pita la melemu rinedi lasangaun mi legepura luvuttadi vavang.

Epesas 2:14

Iesu, neni lavasuun at lumulum atdik la ga lox axis eburu leme Judaia la limixin kopmen di me Judaia. Ni ga das asi laxapla no gak lox epeseves di la neni ga lok kepe lekarakat kantubu atdi.

Epesas 6:23

Moroa ne Temen dik la Leeme Silok ne Iesu Karisito duna raba nemi luvutneton nama mi lenmila, la labalamu eburu mi lunuunu,

Pilipai 1:2

Letaba nabalamu la lenmila rinemi boro at ne Moroa ne Temen nedik la ne Iesu Karisito, Leeme Silok atdik.

2 Tesalonia 3:16

A sing Leeme Silok at limila do neni xa na raba nimi mi limila ren at levenaleng axap la at leventaangas axap. Leeme Silok na nemen eburu amisik minemi axap.

Ibru 7:2

La ne Abaram ga raba ne Melkisedek mi loxot i sev asangaun ap mo levempanga neni ga lok kaka i ap mo lavaorong silok. Avot, lavasuun at laasen ne Melkisedek do, “Loorong silok at loklok mokmokso;” la laasen bok do loorong silok boro Salem i epovo mi levelinga xeretna, “Loorong silok at lenmila.”

3 Jon 1:14

Am doma alii i do aba ven ba u melemu la ataba epentu la ata epaase.

Lisilimet 1:4

Nenia ne Jon, a malagan na levelinga tinemi lavanuti leventaugu lotu mik lok at lenep silok Asia. Letaba nabalamu la lenmila at ne Moroa nak lox eburu minimi. Neni ga nemen gano, i nemen lingina la naba vot bok melemu. La lavapaase momo bok tinemi boro at lavanuti leventoonan, mo di tu to melamgo at loxonin orong at ne Moroa,