Lagale Lavavang At Ne Iesu Karisito Jon Ga Malagan I 20:17 - Madak

¹⁷ Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Lagale Lavavang At Ne Iesu Karisito Jon Ga Malagan I 20:17 ပူးပေါင်းရင်းမြစ်များ

Sam 22:22

Do una lok tooro ia, anaba tong asu i ri limixin tarak. Anaba emi asu minu ro at lovotpot buru atnedi.

Sam 43:4

Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.

Sam 48:14

Mina tong i ridi do na ne Moroa atnedik, neni ne Moroa atnedik at levenaleng axap i tu melamgo. Ni nabam gomgonga dik at levenaleng axap naba vot melemu.

Sam 68:18

Ni ga lam kaka buaang limixin kokoxo la ga urut eburu midi uto vana at lakaana Saion. Ni ga ruuna ka leventamtaba atdi mo limixin tongtonga xepe diga esev eburu min. Leeme silok ne Moroa naba nemen go.

Sam 89:26

La neni naba vaase ria xeretna, “Nenu ne Tamak la ne Moroa rak. Nenu Lurutu See Pe rak la Laradi Loklox Arooro rak.”

Metiu 12:50

Neni mun i mu asu lavavara at ne Tamak no vana at laxalibet, neni netak, kopla neinuk, kopla ne naga.”

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Metiu 28:7

Muna vas kaxat soso la muna tong i ri luvuttadi loklok ka anasa ren dola neni ira roo xat amlong pam basinge lanmet la no nga iramgo vam tidi uto Galili la dinaba ven ba i ve. La mo nga nia a tong pam i rinumu.”

Lagale Lavavang At Ne Iesu Karisito Mak Ga Malagan I 12:26

Mumu laxakatu kaxat amlong ne Moses ga vaase axasep tuturun i do luvuttadi met diba rooro xat amlong. Ni ga lox asuusu i at levelinga mumu luuna laxao gak lok teren. Moroa ga lok tin keretna, ‘Nenia ne Moroa at ne Abaram, Moroa at ne Aisak, la Moroa at ne Jakop.’ Pas 3:6

Lagale Lavavang At Ne Iesu Karisito Mak Ga Malagan I 16:19

Se Leeme Silok ne Iesu ga vaase axap, Moroa ga lam ka i uto vana at laxalibet la neni ga xis taba ro at lenep at lekngen tino at ne Moroa.

Lagale Lavavang At Ne Iesu Karisito Luk Ga Malagan i 10:4

Nemen mita xip kaka tengkon tonomka, kopla teventat, kopla tempanga vatpas; nemen gat mita ru at langas kusu mina paase aleng mi tara.

Lagale Lavavang At Ne Iesu Karisito Jon Ga Malagan I 13:1

At laaleng avot ti leluxa at Lovovolo Pe, Iesu gaklen pam i do loxonaleng ga epovo vam kusu rin ti on basinge na lavatbung menemen la nat pas uto saparap ne Temen. Amisik ne Iesu ga balamu limixin axa ren. La ni ga lox asuusu labalamu ren tidi at laaleng neni ga met teren.

Lagale Lavavang At Ne Iesu Karisito Jon Ga Malagan I 13:3

Iesu gaklen pam i do ne Temen ga lok li levempanga axap maxopok at loklok tatao ren, la gaklen box i do neni ga si boro vana at ne Moroa la nabamlong bok tin.

Lagale Lavavang At Ne Iesu Karisito Jon Ga Malagan I 14:2

Buaang lengkontaugu lixilik mo i nemen at loogu at ne Tamak. Mo dola kopmen, nia gita ba tong i rinimi. Anat pas ugo xusu ana lox agagas li lengkot tinimi.

Lagale Lavavang At Ne Iesu Karisito Jon Ga Malagan I 14:28

Mia ronga vam levelinga rak keretna; ‘ana on basinge nimi, ketla anabamlong bok ude saparap nimi.’ Do mina balamu ia, miba momo aleng do nenia anat pas uto at ne Tamak; mila neni i silok aleng tia.

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lagale Lavavang At Ne Iesu Karisito Jon Ga Malagan I 16:28

Agat pas boro at ne Tamak la aga vot nade at na lavatbung menemen; la mo nga ana on basinge na lavatbung menemen la anamlong manga uto at ne Tamak.”

Lagale Lavavang At Ne Iesu Karisito Jon Ga Malagan I 17:11

Nia noxo nemen nade at na lavatbung menemen, ketla nedi diba nemen de, la nia aba vosiga u. Tamak, nenu u melemelengan. Una lok tatao di mi lololos at laasen taram, neni mo laasen uga raba ia min, kusu nedi diba lok ngan legesara kerekngan neda ta lok ngan legesara.

Lagale Lavavang At Ne Iesu Karisito Jon Ga Malagan I 17:25

Tamak. Luruptuvuk taram ik mokso, la limixin at na lavatbung menemen kopmen dinaklen u, ketla nenia aklen u, la nedi na diklen i do uga riki ia ude.

Lagale Lavavang At Ne Iesu Karisito Jon Ga Malagan I 17:5

La mo nga, Tamak, una lox asilok laasen tarak to melamgo ram, la kerepmo una lox asuusu lisisixam tarak aga ruuna avor i ri luruntudum li at na lavatbung menemen, at levenaleng aga nemen eburu minu.”

Lagale Lavavang At Ne Iesu Karisito Jon Ga Malagan I 20:27

La ni ga lok ti ne Tomas, “Una long tu de, una ven lukngak. Una song asu mi lakngam la una long tu at labangbaangis tarak. Nemen lodoxoma ram na sixit ekarakat, ketla una nuunu rak.”

Lagale Lavavang At Ne Iesu Karisito Jon Ga Malagan I 7:33

Iesu ga lok, “A noxo nemen abao eburu minimi la melemu ba anat pas ba uto saparap mo lara ga riki ia.

Lovoang At Ne Pol Ti Limixin Nunu to Rom 8:29

Avot ti luruntudum li at na lavatbung menemen ne Moroa gakleklen limixin teren la ga soxolik ka di kusu dina ravasu ngan ne Nitna ne Moroa, la neni naba lok ngan lamgomgo ri laxanneton solo.

2 Korin 6:18

La nia aba ngan ne Temen nimi, la nemi miba lok ngan luvutnuruk; nenia Leeme Silok ne Moroa a lolos aleng la a tong na levelinga.”

Galesia 3:26

Nemi axap luvutnitna ne Moroa mumu mene lunuunu atnemi saparap ne Iesu Karisito.

Ibru 11:16

Ketla lodoxoma atdi move ga vara ri temenemen avukat tinotno, mo lemenemen ik lok to vana at laxalibet. Kuren la ne Moroa i lok momo xusu dina soxor i do ne Moroa atdi mila neni ga lox agagas lemenemen tidi.

Ibru 8:10

Nenia ne Moroa, mina ronga na levelinga. Melemu nia anaba lok lekabus maxat mi limixin me Israel. Mo lekabus naba lok keretna; nia anaba lox adoxoma di mi levelinga rak, la anaba buradong levelinga rak keneng at lebelen di. Nia anabat kis esogo midi la anabak lok tatao di ngan limixin tarak.

1 Pita 1:3

Ata emi asu mi ne Moroa neni ne Temen, Leeme Silok atnedik ne Iesu Karisito, mumu mun lebelemumu silok teren tinedik, la neni ga lox arooro xaka amlong ne Iesu Karisito basinge lanmet kusu ri raba nedik mi lorooro maxat. La nai, ik suxa nedik mi lodoxoma voovo ri lorooro avolo.

1 Jon 3:2

Larapen tangas orong tarak. Mo nga nedik luvutnitna ne Moroa, ketla kovisi bok ata xasep do nedik taba lok tinotno xereva. Ketla nedik takleklen i do at laaleng ne Iesu na ru asuvos, nedik taba lok ngan i mila ataba epen etang tinotno ba min.

Lisilimet 21:3

La aga ronga luxupkup silok boro at loxonin orong at ne Moroa ga lok, “Mina ven ba i, lemenemen aulis at ne Moroa monga ira si vam la neni nak lok eburu mi limixin. La ne Moroa naba nemen eburu minedi, la nedi diba lok ngan limixin teren, la ni naba nemen ngan ne Moroa atdi.

Lisilimet 21:7

Dola nege na vas asi lololos at laxakapmek, neni naba ruuna na leveloklox anarong keretna; nenia aba nemen ngan ne Moroa ren la neni naba nemen ngan ne nuruk.