Lagale Lavavang At Ne Iesu Karisito Jon Ga Malagan I 19:34 - Madak

³⁴ Ketla lara laradi esep ga bo rup mi lososo ro at labangbaangis at ne Iesu la soso mun lada eburu mi ladan ga sen su.

Lagale Lavavang At Ne Iesu Karisito Jon Ga Malagan I 19:34 ပူးပေါင်းရင်းမြစ်များ

Sam 51:7

Una lok kepe libilinga rak, kusu nia aba dadat; una gos amaxar ia, kusu nia anaban bun tino ngan lusugao.

Metiu 27:62

Ap mo laaleng melemu, ni laaleng kaala, lavamaasa eburu mi lubung Parisi diga vot pasa ne Paelat.

Lagale Lavavang At Ne Iesu Karisito Jon Ga Malagan I 19:33

Ketla se diga vot go at ne Iesu, diga ven i do neni ga met pam; kuren la di goxo sep pit luxangkedek teren.

Lagale Lavavang At Ne Iesu Karisito Jon Ga Malagan I 20:20

Melemu at levelinga ren, neni ga vaxase luvuttadi loklok ka anasa ren mi lukngen la labangbaangis teren. La diga umsu mi lomomo ap mo loxonaleng diga ven Leeme Silok.

Leven Gugu 22:16

La nemen utat kis gamasa. Katu kaxat la una lok ka lesep susu la ne Moroa naba doxoma xepe leveloklok kakapmek taram, mo do una sing ti loklok tooro at Leeme Silok.”

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

1 Korin 6:11

Lentaba atnimi digak lok kerepmo. Ketla ne Moroa ga gos nemi axap basinge laxakapmek atnimi; la nemi xa ga ravasu ngan limixin dadat at ne Moroa; la at laasen mun at Leeme Silok ne Iesu Karisito la mi Loroonan mun at ne Moroa, neni ga lox asepmus nimi basinge loklok kakapmek.

Epesas 5:26

Neni ga lox i xuren kusu ri lox adadat di basinge laxakapmek. Ni ga lox adadat di mi levelinga ren i ngan ladan.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 9:13

Lada at laxanme la laxanbulumaxao la laxakup at lanat bulumaxao diga kotos i, lamaasa gomgo ga sep susu limixin min, nedi nom diga lok laxakapmek kusu dina dadat to maxamang mun.

Ibru 9:22

I ruturun aleng do levempanga axap diga lok mo lugugu min, diga lox axaala di mi lada xerekngan Lenavolo i tong i. La do lada noxo sen, Moroa noxo doxoma xepe laxakapmek at limixin.

1 Pita 3:21

la ga lok ngan neni lampoovo at lesep susu, ana nga nemi bok mi roo suu ren. Ni xopmen do rit gos kepe laxakapmek at labantuxu, ketla neni laxakaape mi lox i ri ne Moroa mi lodoxoma avukat. La neni na i lox aroo nemi mumu mun lorooro xat amlong at ne Iesu Karisito,

1 Jon 5:6

Iesu Karisito ga si boro vana at laxalibet la lempanga loklok katling ga rupot ti lox asuusu i do neni ne Nitna ne Moroa. Ladan ga ru katling lesep susu at ne Iesu la lada ga ru katling lanmet teren. Ni goxo lok ka mun lesep susu, ketla neni ga met bok. La Loroonan Kaala i tong asu i do ne Iesu neni ne Nitna ne Moroa la i epovo do ata siam ka levelinga ren atla levelinga ren i ruturun.

1 Jon 5:8

Ni Loroonan Kaala, ladan, la lada; la na lavantun axap di lox asuusu leges avanga mun.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 7:14

La aga lok tin keretna, “Leeme Silok. Axoklen i, nenu uklen i.” La ni ga lok tia, “Nedi na limixin digap tavasu basinge levenmaares lolos; la dira gos pam levesingsigaara atdi mi lada at Lanasip la dira lox anbun axap pam i.