Lagale Lavavang At Ne Iesu Karisito Jon Ga Malagan I 19:30 - Madak

³⁰ Iesu ga in mo lavaen la melemu ga lok keretna, “I xap ta.” La lavatlak teren ga riding si la neni ga met.

Lagale Lavavang At Ne Iesu Karisito Jon Ga Malagan I 19:30 ပူးပေါင်းရင်းမြစ်များ

Sam 22:15

Luxukung tarak ira vatmang axap ngan laxakup, la lagam tarak i xis pe langsuk; nenu xa u ke xepe ia ro at laxangka xusu ana met.

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 27:50

La ne Iesu ga xup kaxat silok manga la lamamas teren ga rekorop, la ni ga met ta.

Metiu 3:15

Ketla ne Iesu ga vorang i rin keretna, “Una lok lavanga salai nia ara tong pam i, mila at na mun i langas la neda ata ba lox asorun lempanga sai ik mokso ne Moroa i vara i.” Kuren la ne Jon ga mu asu lodoxoma at ne Iesu.

Lagale Lavavang At Ne Iesu Karisito Mak Ga Malagan I 15:37

La ne Iesu ga xup lolos la ga met.

Lagale Lavavang At Ne Iesu Karisito Luk Ga Malagan i 22:37

A tong i rinimi do Lovoang Kaala i lok do, ‘Neni ga nemen eburu mi limixin bilinga.’ Ais 53:12 La naba sorun mumu ia. Lavanga salai diga malagan i at Lovoang Kaala mumu ia, monga na sorun.”

Lagale Lavavang At Ne Iesu Karisito Luk Ga Malagan i 23:46

La ne Iesu ga xup lolos, ni ga lok, “Tamak, a lok li loroonan tarak at lukngam!” Ni ga tong i na la ga met ta.

Lagale Lavavang At Ne Iesu Karisito Jon Ga Malagan I 10:11

Nenia laradi nunuan ti lok tatao laxasipsip la a gagas bok kusu ana met ti laxasipsip.

Lagale Lavavang At Ne Iesu Karisito Jon Ga Malagan I 10:18

Kopmen teta naba lok pes lorooro rak basinge ia. Aba raba gamasa mun i at lavavara axa rak. La a epovo xusu ri raba lorooro rak la a epovo bok kusu ri roo xat amlong. Ne Tamak ga raba ia mi lololos ti lox i xuren.”

Lagale Lavavang At Ne Iesu Karisito Jon Ga Malagan I 17:4

Nia agara lox asilok pam laasen taram nade xopok at lavatbung menemen keretna, agara lox epovo vam lugugu uga raba ia min.

Lagale Lavavang At Ne Iesu Karisito Jon Ga Malagan I 19:28

Melemu ne Iesu gaklen i do levempanga axap mo diga lok axap pam i ri lox asorun levelinga xeneng at Lovoang Kaala mumu i; neni ga lok, “A minu.”

Lagale Lavavang At Ne Iesu Karisito Jon Ga Malagan I 4:34

Ketla Iesu ga lok lavapaase poovo ridi, “Leveluxa rak keretna, ana ronga res at lavavara at ne Moroa ga riki ia la ana lox axap lugugu neni ga raba ia min.

Lovoang At Ne Pol Ti Limixin Nunu to Rom 10:4

La ne Karisito gara lox epovo vam Lenavolo, kusu nege i nuunu, neni laradi mokmokso.

Lovoang At Ne Pol Ti Limixin Nunu to Rom 3:25

Moroa ga raba ne Iesu ngan laxaavuk tinedi limixin dina nuunu do neni ga lox asu lada ren at laxaba xusu ri uu nop loklok atdi. Moroa ga lox i na xusu ri lox asuusu i do neni laradi mokmokso, mila gano migomgo neni gak lok atnaasan, la goxo reven ti laxapmek at limixin;

1 Korin 5:7

Mina lok pes nom loklox asilok basinge lotu atnimi xusu miba nemen avukat tinotno ngan lavavara at ne Moroa. I lok ngan gano leme Judaia diga nemen to Isip, diga sep ka levempatnat sipsip atdi xusu ri lok pe lumukmusak at ne Moroa la nedi limixin di goxo met. La kerepmo ne Karisito i ngan lavatnat sipsip ga uu nop loklok atdik ngan laxaavuk tidik.

Pilipai 2:8

la ga vas su ngan laradi ruturun. Neni ga lox axakalix i la gat pas at langas tongtonga res uto epopolo at lanmet teren to at laxaba.

Ibru 12:2

Lodoxoma atnimi na tu atkatla at ne Iesu, neni lavasuun la lurutu kaxat at lunuunu atdik. Neni ga siam ka laxasongsongot la lainmangan at laxaba mila ni ga doma mun mo lomomo neni naba ruuna ka i; la na nga neni it kis at lenep tino at loxonin orong at ne Moroa.

Ibru 9:22

I ruturun aleng do levempanga axap diga lok mo lugugu min, diga lox axaala di mi lada xerekngan Lenavolo i tong i. La do lada noxo sen, Moroa noxo doxoma xepe laxakapmek at limixin.