Lagale Lavavang At Ne Iesu Karisito Jon Ga Malagan I 17:6 - Madak

⁶ La ne Iesu ga sing bok keretna, “Nia aga lox asuvos laasen taram tinedi uga raba ia midi nade at na lavatbung menemen. Nedi limixin taram, la nenu uga raba ia midi la diga siam ka vam levelinga ram.

Lagale Lavavang At Ne Iesu Karisito Jon Ga Malagan I 17:6 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 17:26

Aga lox asuvos u ridi, la aba lok amisik box i, kusu labalamu u ruuna i ria naba nemen atdi, la nenia bok aba nemen keneng atdi.”

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.

Lagale Lavavang At Ne Iesu Karisito Jon Ga Malagan I 6:37

Nedi axap ne Tamak i raba ia midi, dinaba vosiga ia. La do tara na vosiga ia, nenia noxo sok tixirixes i.

Lagale Lavavang At Ne Iesu Karisito Jon Ga Malagan I 17:24

Tamak. Uga raba vam ia midi, la a vara i xusu dina nemen eburu minia ap mo lenep nenia ana nemen e, kusu diba ven lisisixam tarak, mo lisisixam nenu ga raba ia min, mila uga balamu ia avot ti luruntudum li at na lavatbung menemen.

Lagale Lavavang At Ne Iesu Karisito Jon Ga Malagan I 17:2

Nenu ga raba ia mi lololos tim gomgo ri limixin axap kusu ana raba lorooro avolo rinedi, uga raba ia midi.

2 Korin 4:6

Moroa axa ga lok keretna, “Laxasep na soosoo su at lamain.” Neni mun ne Moroa mo ga lok laxasep teren i soosoo xeneng at lorooro atdik kusu ri raba dik mi laxasep at lakleklen mumu lisisixam at ne Moroa mo ga soosoo at lemeren ne Karisito.

Lagale Lavavang At Ne Iesu Karisito Jon Ga Malagan I 15:19

Ketla nia aga soxolik ka nimi basinge na lavatbung menemen. Do nemi mede at na lavatbung menemen, limixin diba vara aleng nimi. Ketla kopmen nemi mede; kuren la limixin at na lavatbung menemen diba belemamao nimi.

Lisilimet 3:8

Akleklen leveloklok atnimi. Ketla mina ronga i na, ara suang taba vam nimi mi lumusaragu, la ixo epovo do tara na sat pe i. Aklen i do nemi mi ruuna lololos lixilik mene la aklen box i do nemi migang tonga res at levelinga rak, la kopmen migoxo sok tixirixes laasen tarak.

Ibru 3:6

Ketla ne Karisito i ruturun at lugugu ri lok tatao limixin at ne Moroa xerekngan lanarong i lok tatao libibinat teren. Do atam tebeng lolos lunuunu atdik la tana ngangais mi lomomo ri lomlong teren, i lox asuusu i do nedik limixin at ne Karisito.

Lagale Lavavang At Ne Iesu Karisito Jon Ga Malagan I 15:7

Do mina nemen tarak, la do minam tebeng lolos levelinga rak, mina sing ti levempanga salai mi vara rin, la miba ruuna ka i.

Sam 22:22

Do una lok tooro ia, anaba tong asu i ri limixin tarak. Anaba emi asu minu ro at lovotpot buru atnedi.

Lisilimet 2:13

Akleklen i do mik lok at lemenemen, ne Satan i nemen keneng teren ngan loorong silok. Ketla laasen tarak mim tebeng alolos i. La nemi xopmen mi goxo soxepe lunuunu atnimi ap mo levenaleng ne Antipas ga uu ren; neni ga nemen ngan laradi ruturun la laradi vapaase asu levelinga rak. Limixin at ne Satan diga sev i dom kantubu at lemenemen silok atnimi, nom ne Satan i nemen teren.

Ibru 2:12

Neni ga lok ti ne Moroa, “Nenia anaba tong asu laasen taram ti luvutnetak la anabak pixan emi asu minu ro melamgo at lovotpot buru atdi.” Sam 22:22

2 Timoti 1:13

Unam tebeng alolos nom levelinga ruturun at ne Moroa, nia aga anasa u min gano. Ni lampoovo una mumu asu i, la una nemen alolos at lunuunu ram; la labalamu ram saparap ne Iesu Karisito na nemen lolos.

Kolosi 3:16

La mina ke levelinga at ne Karisito na nemen atmatkun keneng at lorooro atnimi. Mina umsu min mo do mina lox ase la mina vaase axasep ela nimi mi lakleklen at ne Moroa. La minak pixan ti ne Moroa mi lengkompixan at ne Devit la lengkompixan at lotu la lengkompixan emi asu; la lorooro atnimi na umsu mi loklok ti tong avukat saparap ne Moroa.

Lovoang At Ne Pol Ti Limixin Nunu to Rom 11:2

Moroa goxo sok tixirixes limixin teren, neni gara soxolik ka vam nedi ganoxa at lurutu kaxat. Mina doxoma bok loxot ik lok at Lovoang Kaala i paase mumu ne Elaisa la at loxonaleng neni ga vaase ri ne Moroa mumu luruptuvuk at leme Israel? Ni ga lok keretna,

Leven Gugu 13:48

Mo limixin kopmen di me Judaia diga ronga i na la diga lok momo aleng, la diga emi asu mi Leeme Silok ne Moroa, mumu levelinga ren; la nedi ne Moroa ga soxolik ka vam di ri lorooro avolo, diga nuunu at ne Iesu.

Lagale Lavavang At Ne Iesu Karisito Jon Ga Malagan I 18:9

Ni ga tong i na xusu levelinga ren ni ga tong avot pam i na soxos, “Tamak, aga lok tatao avukat nedi na uga raba ia midi.”

Lagale Lavavang At Ne Iesu Karisito Jon Ga Malagan I 17:16

Nedi xopmen di mede at na lavatbung menemen kerekngan nenia kopmen mede at na lavatbung menemen.

Lagale Lavavang At Ne Iesu Karisito Jon Ga Malagan I 17:14

Nia aga raba vam di mi levelinga ram ketla limixin at na lavatbung menemen diga sok tixirixes di, mila nedi xopmen di mede at na lavatbung menemen, kerekngan nenia xopmen ia mede.

Lagale Lavavang At Ne Iesu Karisito Jon Ga Malagan I 15:3

Mo levelinga aga vaase i rinimi gara lox adadat pam nimi.

Lagale Lavavang At Ne Iesu Karisito Jon Ga Malagan I 12:28

La ne Iesu ga sing ne Temen keretna, “Tamak. Una lox asuusu i nom lisisixam taram ti limixin kusu diba ven kibis i do nenu ne Moroa u silok aleng.” Melemu laxaka at lara ga si boro vana at laxalibet, ga lok, “Ara lox ase vam di mi lisisixam tarak la aba lox amu box i.”

Lagale Lavavang At Ne Iesu Karisito Jon Ga Malagan I 6:39

Lavavara ap mo lara ga riki ia, i lok keretna; nenia noxo ke asoogong tegesara atdi limixin neni ga raba vam ia midi, la anaba lox aroo xat di at laaleng ete;

Lagale Lavavang At Ne Iesu Karisito Jon Ga Malagan I 1:18

Tara goxovisi ven ne Moroa. Ne Nitna xusuk mun, neni i epovo mi ne Moroa, neni it kis esogo mi ne Temen la neni xa ga paase axasep dik mi ne Moroa.

Sam 119:11

Ara xonom ka axap pam levelinga ram mi leveeve rak, kusu nenia a noxo lok taxakapmek tu.

1 Pita 1:1

Nenia ne Pita luun pavang at ne Iesu Karisito. Nia a malagan na lovoang tinemi limixin soksoxolik at ne Moroa; mi lok ngan limixin kadiong ti na lavatbung menemen la mik lox epeseves to at levennep taba ro Pontas, Galesia, Kapadosia, Asia, la Bitinia.

Lagale Lavavang At Ne Iesu Karisito Jon Ga Malagan I 8:51

A tong tuturun i rinimi. Do tara na ronga res at levelinga rak, neni noxo seeve.”

Lagale Lavavang At Ne Iesu Karisito Jon Ga Malagan I 8:52

Luvuttadi amgomgo diga lok tin, “Anaa maklen ba i do lagas i nemen taram. Abaram ga met, la lavaeme vapaase alii bok diga met, la u lok keretna, do tara na ronga res at levelinga ram, kopmen noxo met.

Lagale Lavavang At Ne Iesu Karisito Jon Ga Malagan I 17:7

Mo nga diklen i do loklok tarak mi levelinga rak, nenu ga raba ia min la di nuunu do nenia agat pas boro vana.

Lagale Lavavang At Ne Iesu Karisito Jon Ga Malagan I 17:12

At levenaleng aga nemen eburu midi, aga lok tatao di mi nom laasen uga raba ia min. Kopmen tara atdi ga seeve, ketla legesara mun atdi naba seeve xusu na lox asorun levelinga at Lovoang Kaala.

Lisilimet 3:10

Nemi miga momo ri mumu asu levelinga rak, ga lok keretna, ‘Mina tu lolos kantubu at levenmumuat.’ Kuren la aba lok kepe nimi basinge nom levenmaares mumuat mo naba vot at na lavatbung menemen, kusu na lok tong pen limixin axap.