Lagale Lavavang At Ne Iesu Karisito Jon Ga Malagan I 16:33 - Madak

³³ Agara tong pam i na rinimi xusu miba ruuna ka limila. Nemi minaba suma losongsongot boro at limixin at na lavatbung menemen. Ketla mina tu tuxuruxun. Ara los kimit pam laxakapmek at na lavatbung menemen.”

Lagale Lavavang At Ne Iesu Karisito Jon Ga Malagan I 16:33 ပူးပေါင်းရင်းမြစ်များ

Sam 68:18

Ni ga lam kaka buaang limixin kokoxo la ga urut eburu midi uto vana at lakaana Saion. Ni ga ruuna ka leventamtaba atdi mo limixin tongtonga xepe diga esev eburu min. Leeme silok ne Moroa naba nemen go.

Metiu 9:2

Lentaba luvuttadi digap kip lara laradi mi loora, labantuxu ren ga molo axap la diga vosiga ne Iesu. Se ne Iesu ga ven kibis lunuunu atdi, ni ga lok ti mo laradi mekmeres keretna, “Nuruk, una lolos. Leveloklok kakapmek axap taram, a doxoma xepe i.”

Lagale Lavavang At Ne Iesu Karisito Luk Ga Malagan i 19:38

Digap kup keretna, “Moroa na lox anarong loorong silok mo i vot ngan Lanarong at ne Moroa! Lumulum na nemen to vana at laxalibet, la ata emi asu mi ne Moroa!” Sam 118:26

Lagale Lavavang At Ne Iesu Karisito Luk Ga Malagan i 2:14

“Ata emi asu mi ne Moroa ik lok to vana at laxalibet, la lumulum at ne Moroa bak lok at na lavatbung menemen tinedi ne Moroa i momo midi.”

Lagale Lavavang At Ne Iesu Karisito Jon Ga Malagan I 12:31

Mo nga loxonaleng kusu ne Moroa na ila mumu loklok at limixin at lavatbung menemen; la ne Moroa naba lox axap lololos at ne Satan, neni lamgomgo at na lavatbung menemen.

Lagale Lavavang At Ne Iesu Karisito Jon Ga Malagan I 14:1

Iesu ga lok ti luvuttadi loklok ka anasa ren keretna, “Nemen gat lebelen nimi na bulu. Mina nuunu at ne Moroa, la mina nuunu bok tarak.

Lagale Lavavang At Ne Iesu Karisito Jon Ga Malagan I 14:27

Lenmila rak na nemen maxeneng atnimi; limila rak ana raba nimi min. Axo raba i na i ngan limixin at na lavatbung menemen dim taba i xuren. Nemen mita bulu la mina marat.

Lagale Lavavang At Ne Iesu Karisito Jon Ga Malagan I 16:11

Neni naba lox ase di do laaleng ete at ne Moroa naba vot, mila laradi gomgo at na lavatbung menemen, ne Moroa ira lok li vam i at lavapaase la ira li lumumuat mavana ren.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Leven Gugu 23:11

Ap mo laxanimin Leeme Silok ga ru saparap ne Pol la ga lok, “Una lolos! Ura tong asu vam levelinga rak na de Jerusalem, la unaba tong asu box i to Rom.”

Leven Gugu 27:22

Ketla na a sing nimi do mina lolos! Kopmen teta atnimi naba met. Ketla lavattaaxup kusuk mun naba lok kapmek.

Leven Gugu 27:25

Kuren la nemi limixin mina lolos mila nia a nuunu at ne Moroa do ni naba lox epovo lempanga xerekngan ni i tong pam i ria.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

2 Korin 1:3

Ata emi asu mi ne Moroa ne Temen Leeme Silok atdik ne Iesu Karisito; Temen dik kusuk mun lavasuun at labalamu, la neni lo Moroa at loklox amenemen.

2 Korin 13:11

Atnimi bok be luvutnetak mi luvurinuk. Mina lolos ti ruuna ka luruptuvuk i nunuan aleng mene nga la mina ronga res at lisingising tarak tinimi, la levendoxoma atnimi na ngan legesara mun; la mina nemen keneng at limila. La ne Moroa ni lavasuun at labalamu la limila, neni naba nemen eburu minimi.

2 Korin 2:14

Ketla ata tong avukat ti ne Moroa, mo im gomgo amisik tinama at lugugu atnama; anai i lok ngan at lavatpas momo atnema xeneng at ne Karisito ik sak tup mi lavamunepen atnama; la at lekngen nama neni i paase asu Lagale Lavavang at lengkot axap la neni i so misigisigis tinedi dikleklen i.

2 Korin 4:7

Ketla nedik di ruuna nom lakleklen i ngan lapnovos silok keneng at labantuxu gamasa atdik ti lox asuusu i do mo langsangan lololos, ni at ne Moroa mun la kopmen atdik.

2 Korin 6:4

Ketla keneng at levempanga axap ma lox i, ma lox asuusu loklok at lavasaxaruki at ne Moroa, la map kip levenmumuat, la levesongsongot, la levenaknixip mi lumulus.

2 Korin 7:4

Lunuunu rak i rem saga atnimi, a ruuna lusumsuma momo i umsu aleng mumu nimi. Kuren la a umsu mi lolos la keneng at na laxanmumuat a lok momo aleng.

Galesia 1:4

Iesu ga raba lorooro ren ti ru korop ti laxapmek atnedik kusu neni naba lox asepmus nedik basinge leveng kakapmek at na levenaleng lolos; ana ga ravasu ngan lavavara at ne Moroa ne Temen nedik.

Galesia 6:14

Ketla nenia anaba lolos kusuk mun ti paase aurut laxaba at Leeme Silok atdik ne Iesu Karisito; mumu mun mo laxaba ren, levendoxoma momo rak ti loklok at na lavatbung menemen ga met axa gano, la levempanga bok gak lox angtang ia at na lavatbung menemen ga met axa gano.

Pilipai 4:7

La lenmila at ne Moroa i volo lakleklen at luvuttadi, mo lenmila naba xubak pe lorooro axap atnimi xusu mina tu atmatkun keneng at ne Iesu Karisito.

Kolosi 1:20

la at lodoxoma bok at ne Moroa do, ne Nitna naba lok lumulum kantubu at ne Moroa la limixin axap, nedi limixin mede xopok at na lavatbung menemen la nedi limixin to vana at laxalibet. Karisito ga lok lumulum mi lada ren, mo ga sen su ro vana at laxaba.

1 Tesalonia 3:4

Maga nemen eburu minemi, la maga tong i rinimi do nedik atanabap kip levesongsongot. La nemi mi xasep do mo levelinga atnama ga vot tuturun, levesongsongot ga rupot saparap dik.

1 Tesalonia 3:7

Luvutnetak mi luvurinuk, map kip levesongsongot mi levenmumuat, ketla ma lok momo mila lunuunu atnimi i tu lolos.

2 Tesalonia 3:16

A sing Leeme Silok at limila do neni xa na raba nimi mi limila ren at levenaleng axap la at leventaangas axap. Leeme Silok na nemen eburu amisik minemi axap.

2 Timoti 3:12

Nedi axap di vara i xusu dina nemen mokmokso at lunuunu atdi saparap ne Iesu Karisito, dinabap kip levesongsongot.

Ibru 11:25

Ketla neni ga vara i xusu na xip laxasongsongot eburu mi limixin at ne Moroa la neni ga xopara i xusu na lox amomo lorooro ren mi laxakapmek, mo naba xap asonao mun.

Ibru 7:2

La ne Abaram ga raba ne Melkisedek mi loxot i sev asangaun ap mo levempanga neni ga lok kaka i ap mo lavaorong silok. Avot, lavasuun at laasen ne Melkisedek do, “Loorong silok at loklok mokmokso;” la laasen bok do loorong silok boro Salem i epovo mi levelinga xeretna, “Loorong silok at lenmila.”

1 Pita 5:9

Ketla mina tu lolos at lunuunu atnemi la mina tu munepen min, atla mikleklen i do luvuttadi axap at na lavatbung menemen di nuunu dip kip na legesemet songsongot mun.

1 Jon 2:13

Nenia a malagan na lovoang tinemi limixin mukun. Lavasuun teren keretna, nemi miklen ne Iesu Karisito mo gak lok ganoxa at lereot. Nenia a malagan na lovoang tinemi limixin maxat. Lavasuun teren keretna, nemi mira on basinge vam loklok kakapmek at ne Satan. Nia a malagan na lovoang tinemi luvutnuruk orong. Lavasuun teren keretna, miklen ne Moroa, ne Temen dik.

1 Jon 4:4

Luvutnuruk orong. Nemi limixin at ne Moroa. Mira ke xepe vam lavaeme vapaase xaxarang atla ne Moroa i nemen keneng atnemi la lololos teren i volo lololos at ne Satan, neni lamgomgo at limixin at na lavatbung menemen.

1 Jon 5:4

Do tara i ruuna ka vam livipisik amaxat at lorooro ren keneng at ne Moroa, i lox asuusu i do neni ira on basinge vam leveloklok at na lavatbung menemen. Do tara i nuunu at ne Iesu, na i lox asuusu i do neni ira on basinge vam loklok at na lavatbung menemen.

Lisilimet 12:11

La luvutneton nedik dira sak tup pam mi ne Satan mila diga nuunu at lada at Lanasip la at lempapaase ruturun at ne Moroa, mo levelinga diga tong asu i la di goxo marat mi lorooro atdi, diga gagas kusu dina met.

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.

Lisilimet 7:14

La aga lok tin keretna, “Leeme Silok. Axoklen i, nenu uklen i.” La ni ga lok tia, “Nedi na limixin digap tavasu basinge levenmaares lolos; la dira gos pam levesingsigaara atdi mi lada at Lanasip la dira lox anbun axap pam i.