Lagale Lavavang At Ne Iesu Karisito Jon Ga Malagan I 16:27 - Madak

²⁷ Nemi xa mina sing ne Tamak mila ne Tamak axa i balamu aleng nimi. I balamu nemi mila nemi mi balamu ia la mira nuunu do nenia aga vas kaxat boro at ne Moroa.

Lagale Lavavang At Ne Iesu Karisito Jon Ga Malagan I 16:27 ပူးပေါင်းရင်းမြစ်များ

Metiu 10:37

Do nege i balamu aleng ne temen kopla nenen la ixo balamu aleng ia, neni xopmen na epovo do na ravasu ngan laradi rak. Do nege i balamu aleng ne nitna xopla ne nitnono, la ixo balamu aleng ia, neni xopmen na epovo do na lok ngan laradi rak.

Lagale Lavavang At Ne Iesu Karisito Jon Ga Malagan I 14:21

Do nege na siam ka levelinga rak la na ronga res teren, neni laradi i balamu aleng ia. La ne Tamak naba balamu nege tara do na balamu ia. La nenia bok anaba balamu i la ana lox asuvos ia rin.”

Lagale Lavavang At Ne Iesu Karisito Jon Ga Malagan I 14:23

Iesu ga vorang i rin keretna, “Do nege i balamu ia, neni naba ronga res at levenanasa rak. Ne Tamak naba balamu i, la nema’ mi ne Tamak, maba esuxun min la mana nemen eburu min.

Lagale Lavavang At Ne Iesu Karisito Jon Ga Malagan I 16:30

Monga maklen ba i do nenu uklen levempanga axap; ixo epovo do tara naba sue u mi tevesusue. Anai i lok nema la ma nuunu do nenu uga laa boro at ne Moroa.”

Lagale Lavavang At Ne Iesu Karisito Jon Ga Malagan I 17:23

Nenia xeneng atdi la nenu xeneng tarak, kusu nedi diba tu buru rinotno, la limixin at na lavatbung menemen dibaklen i do nenu ga riki ia la uga balamu di ngan mun u balamu ia.

Lagale Lavavang At Ne Iesu Karisito Jon Ga Malagan I 2:11

Nai lavanga sangsangu avot tinotno ne Iesu ga lox i. Ni ga lox i na ro Kena at lenep silok Galili; neni ga lox asuusu lisisilok teren go, la luvuttadi loklok ka anasa ren diga nuunu ren.

Lagale Lavavang At Ne Iesu Karisito Jon Ga Malagan I 3:13

La kovisi tara goxo urut uto vana at laxalibet, ketla legesa radi mene ga si boro vana at laxalibet la neni nenia, Laradi Mevana.

Lagale Lavavang At Ne Iesu Karisito Jon Ga Malagan I 7:29

Ketla nenia aklen i, mila nenia agat pas boro ren la neni ga riki ia ude.”

Lagale Lavavang At Ne Iesu Karisito Jon Ga Malagan I 8:42

Iesu ga lok tidi xeretna, “Dola ne Moroa ne Temen nimi, nemi minaba balamu ia mila nenia aga laa boro at ne Moroa la monga nenia ak lok de. A goxo vas kaxat mi lodoxoma axa rak, ketla ne Moroa ga riki ia.

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

1 Korin 15:47

La ne Adam, ne Moroa ga rudum li i mi laxakup at laxangka, ketla ne Karisito, neni ga si boro vana at laxalibet.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

2 Korin 5:14

Labalamu at ne Karisito i sasat dik, la atakleklen tuturun i do legesara mun ga uu nop loklok at limixin axap, i lok ngan ta do limixin axap diga met.

Galesia 4:4

Ketla loxonaleng ga vot ne Moroa ga vit li i, neni ga riki ne Nitna rinotno. La neni ga ravasu ngan lamdak at latkin at na lavatkangka, la neni gak lok maxopok at Lenavolo at leme Judaia,

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

1 Timoti 1:15

Anai levelinga ruturun tidik, ata siam ka i la ata nuunu bok teren. Iesu Karisito ga si ude xopok at na lavatbung menemen kusu ri lox arooro limixin kapmek. Loklok kakapmek tarak i silok aleng ti loklok kakapmek atnedi.

Ibru 12:6

mila Leeme Silok ik lox aleeng nedi, neni i vavara aleng di. La do neni na lox asongot nimi, ana i lox asuusu i do nemi mi lok ngan laxamdak tinotno ren.” Ler 3:11-12

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

1 Jon 4:19

Nedik ta umsu mi labalamu atla ne Moroa ga balamu avot dik.

Lisilimet 3:19

Nedi nia a balamu di, a vaase aronga di la a lox aleeng di. Kuren la nemi bok mina doma avukat la mina leeng.

Lisilimet 3:9

Lentaba limixin mo di tong i do nedi me Judaia, ketla kopmen, nedi lavaanat babala la nedi limixin lotu at ne Satan. Anaba lok nedi la dina vot pasa nimi la dina xis tiktikbu mi lempatgulom atdi dom melamgo atnimi la diba tong asu i do nenia a balamu aleng tinotno nimi.