Lagale Lavavang At Ne Iesu Karisito Jon Ga Malagan I 16:22 - Madak

²² I lok kuren mun tinimi; monga nemi mi bulu, ketla aba ven bok ba nimi la minaba umsu mi lomomo, la kopmen tara naba lok pes mo lomomo basinge nimi.

Lagale Lavavang At Ne Iesu Karisito Jon Ga Malagan I 16:22 ပူးပေါင်းရင်းမြစ်များ

Sam 146:2

Anaba emi asu min at levenaleng axap, nenia ana rooro ren; la anabak pixan ti ne Moroa rak keneng at lorooro axap tarak.

Sam 33:21

Ata momo saga ren, la ata nuunu at laasen teren i melemelengan.

Metiu 28:8

Kuren la duga vas kaxat soso basinge lamaaut la duga umsu mi lanmarat, ketla duga umsu bok mi lomomo. Duga sixit soso ri tong i ri luvuttadi loklok ka anasa at ne Iesu.

Lagale Lavavang At Ne Iesu Karisito Luk Ga Malagan i 10:42

Ketla leges avanga mun uk pakes tin. Maria i vara i do nang tonga leveloklox ase rak, la tara noxo lok pes i na basinge i.” Lisingising

Lagale Lavavang At Ne Iesu Karisito Luk Ga Malagan i 16:25

Ketla ne Abaram ga lok, ‘Nuruk, una doxoma i na. At lorooro ram uga ruuna laxampanga solo, la ne Lasaro ga lok kaka lempanga xapmek; ketla na nga neni mo i momo aleng nade, la nenu nga mo ura nemen keneng at langsangan losongsongot.

Lagale Lavavang At Ne Iesu Karisito Luk Ga Malagan i 19:26

La laradi silok ga lok, ‘A tong i rinimi do nedi di ruuna lempanga la di lok lugugu at ne Moroa min, aba raba bok di mi lentaba; ket do lara na ruuna lempanga lixilik, la kopmen na lok lugugu min, nia aba lok kaka amlong i ren.

Lagale Lavavang At Ne Iesu Karisito Luk Ga Malagan i 24:41

Ketla kovisi di goxo nuunu, diga sangu la diga umsu mi lomomo; kuren la ni ga sue di, “Mi ruuna bok tempanga anan nade kusu ria ri anan?”

Lagale Lavavang At Ne Iesu Karisito Jon Ga Malagan I 14:1

Iesu ga lok ti luvuttadi loklok ka anasa ren keretna, “Nemen gat lebelen nimi na bulu. Mina nuunu at ne Moroa, la mina nuunu bok tarak.

Lagale Lavavang At Ne Iesu Karisito Jon Ga Malagan I 14:19

Noxo lox abao la limixin at na lavatbung menemen dinoxo ven bok ba ia, ketla nemi miba ven ia. Nenia lavasuun at lorooro, kuren la nemi bok miba rooro.

Lagale Lavavang At Ne Iesu Karisito Jon Ga Malagan I 14:27

Lenmila rak na nemen maxeneng atnimi; limila rak ana raba nimi min. Axo raba i na i ngan limixin at na lavatbung menemen dim taba i xuren. Nemen mita bulu la mina marat.

Lagale Lavavang At Ne Iesu Karisito Jon Ga Malagan I 16:16

La ne Iesu ga lok bok, “Noxo lox abao la mi noxo ven ia la noxo lox abao la miba ven bok ba ia.”

Lagale Lavavang At Ne Iesu Karisito Jon Ga Malagan I 16:20

A tong tuturun i rinimi do, mibang teng la mina saxaanu. Ketla limixin at na lavatbung menemen diba momo; miba bulu, ketla lainbulu atnimi naba rem gili ri lomomo.

Lagale Lavavang At Ne Iesu Karisito Jon Ga Malagan I 16:6

La mo nga nia a tong na levempanga rinimi, kuren la lainbulu mo ira umsu nga at lorooro atnimi.

Lagale Lavavang At Ne Iesu Karisito Jon Ga Malagan I 21:7

La mo laradi loklok ka anasa ne Iesu ga vavara aleng i, ga lok ti ne Pita, “Leeme Silok mo.” Pita ga ronga i nom la soso mun ni ga etara lavanga singsiga ren, no ni ga lok kepe i, la ga los si uto at ladan la ga xobok uto loxon.

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Leven Gugu 13:52

Luvuttadi nuunu mego Antiok diga umsu mi Loroonan Kaala la lomomo bok.

Leven Gugu 16:25

At laxanimin tubu Pol mi ne Sailas duga lok lising la dugak pixan momo saparap ne Moroa, la lentaba luvuttadi bok mo diga xoxo nedi, digang tonga du.

Leven Gugu 2:46

At levenaleng axap digat pot eburu amisik ngan loxonbinam tadi ro xeneng at loogu laplavang la diga anan buru leveluxa atdi ro xolonu, diga anan mo leveluxa eburu mi lumulus la lomomo keneng at lebelen di.

Leven Gugu 5:41

Luvuttadi vavang diga vas kaxat basinge luvuttadi amgomgo, diga umsu mi lomomo mila ne Moroa ga siam do diga epovo rip kip lainmangan at laasen at ne Iesu.

2 Korin 6:10

Keke i do ma suma lainbulu, ketla ma momo amisik mun teren; mat kis banbalo, ketla ma lox apnovos nedi limixin buaang; ma xis apkap, ketla ma rebeng kobot ka levempanga axap.

2 Tesalonia 2:16

Lisingising atnama i lok keretna. Leeme Silok atdik, ne Iesu Karisito la ne Moroa ne Temen nedik duga balamu nedik, la duga raba dik mi levelinga loklok tooro, naba nemen amisik la duga raba dik mi lodoxoma voovo ti lorooro avolo.

Ibru 10:34

Miga balamu nedi digak lok at loogu xokoxo la miga lok momo mene nga do limixin diga sak paxat ka levempanga atnimi mila migaklen i do nemi xa miba ruuna lapnovos i lox avukat aleng no vana at laxalibet, mo lapnovos naba nemen amisik.

Ibru 6:18

Legepu vanga mo ik lok kusu na lox amuat levelinga ren, i lok keretna; lavapaase alii ren la lavangpangpe ren, la ixo epovo do ne Moroa na xarang limixin. Kuren la ne Moroa ga lox i na xusu na lox alolos lunuunu atnedi diga on basinge laxakapmek kusu dina rebeng kaka mo levempanga nunuan ne Moroa ga vaase alii min.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.