Lagale Lavavang At Ne Iesu Karisito Jon Ga Malagan I 15:15 - Madak

¹⁵ Axo tong bok ba nimi do lavasaxaruki, mila lasaxaruki xopmen naklen levempanga, lamgomgo ren ik lox i. Ketla, a tong nimi do larapen tangas tarak, mila agara vaase vam nimi mi levempanga axap ne Tamak ga tong i ria.

Lagale Lavavang At Ne Iesu Karisito Jon Ga Malagan I 15:15 ပူးပေါင်းရင်းမြစ်များ

Sam 25:14

Leeme Silok neni lentangas atnedi ding tonga res teren, la neni i lox amuat levelinga at lekabus teren eburu minedi.

Metiu 13:11

La ne Iesu ga vorang i ridi xeretna, “Moroa ira raba vam nimi mi lakleklen at Linintoo no vana at laxalibet; gano ga nemen alipe; ketla tinedi limixin petpes kopmen.

Lagale Lavavang At Ne Iesu Karisito Luk Ga Malagan i 10:23

La ne Iesu eburu mi luvuttadi loklok ka anasa ren diga nemen kusuk la neni ga milik alu rinedi la ga lok tinedi, “Lomomo mun tinimi mi ven na lempanga!

Lagale Lavavang At Ne Iesu Karisito Jon Ga Malagan I 12:26

Do tara i vara i do na lok lugugu rak, neni na lok kaka be loklok tarak, kusu neni ba lok ngan lasaxaruki rak la ba nemen ap mo lenep nenia anak lox e. Ne Tamak naba lox asilox i do neni na lok lugugu rak.”

Lagale Lavavang At Ne Iesu Karisito Jon Ga Malagan I 13:16

A tong tuturun i rinimi, kopmen tasaxaruki na silok ti laradi gomgo ren, kopla laradi xipkip linga na silok ti lara ga riki i.

Lagale Lavavang At Ne Iesu Karisito Jon Ga Malagan I 15:20

Mina doxoma levelinga nia aga tong i rinimi i lok keretna, kopmen tasaxaruki na silok ti laradi gomgo ren. Do dina lox asongor ia, diba lox asongot bok nimi; do dina ronga res at levelinga rak, diba ronga res bok at levelinga atnimi.

Lagale Lavavang At Ne Iesu Karisito Jon Ga Malagan I 16:12

A ruuna bok laxalinga solo xusu ana vaase nimi min, ketla naba lolos aleng tinimi xusu mina doxoma xaka i.

Lagale Lavavang At Ne Iesu Karisito Jon Ga Malagan I 17:26

Aga lox asuvos u ridi, la aba lok amisik box i, kusu labalamu u ruuna i ria naba nemen atdi, la nenia bok aba nemen keneng atdi.”

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

Lagale Lavavang At Ne Iesu Karisito Jon Ga Malagan I 4:19

Latkin ga lok, “Leeme Silok, a ven kisip ba i do nenu leeme vapaase alii.

Lagale Lavavang At Ne Iesu Karisito Jon Ga Malagan I 8:26

At laaleng ete nenia aba ruuna laxampapaase solo mumu laxakapmek atnimi. Mo lara ga riki ia ude, neni luruturun, la mo levelinga ni ga raba ia min, nia a tong asu i ri limixin axap at na lavatbung menemen.”

Leven Gugu 20:27

mila nia a goxo lipe tempanga ketla aga tong asu lempanga axap ne Moroa ga lok do na lox i at lorooro atnimi.

Lovoang At Ne Pol Ti Limixin Nunu to Rom 7:15

Nia xopmen anakleklen levempanga nenia ak lox i; la axok lok levempanga avukat nenia a vavara xusu anak lox i, ketla arak lok manga levempanga xapmek nenia a xopara rin.

1 Korin 2:16

I ngan levelinga at Lovoang Kaala i lok keretna, “Nege iklen lodoxoma at ne Moroa? Nege i epovo xusu naba anasa i?” Ais 40:13 Ketla nedik mun ta xasep pam at lodoxoma at ne Karisito.

Galesia 4:6

Nedik luvutnitna ne Moroa, kuren la neni ga riki asu Loroonan i nemen keneng at ne Nitna ukeneng ti lorooro atnedik, la neni mo Loroonan ik lok nedik la diram doma su at ne Temen nedik la dira toro rin keretna, “Tamak, Tamak!”

Epesas 1:9

La at lavavara ren ni ga tong axasep dik mi lodomdoma alii ren, mo ga nemen alipe la ni ga doma alii i do ne Karisito ni lavasuun teren.

Epesas 3:5

At levenaleng axap gano, Moroa xopmen goxo lox asuvos mo levelinga lipe tinedi lavaola. Ketla na mun Loroonan Kaala at ne Moroa ga lox asuvos i rinema luvuttadi vavang eburu mi lavaeme vapaase alii ren ngan nema lavaanat soxolik at ne Moroa.

Kolosi 1:26

Moroa ga lox alipe mo levelinga basinge lavaola axap diga nemen gano, ketla melemu ga lox asuvos i ri limixin teren.

Pilimon 1:16

Neni noxopmen lasaxaruki mene nga, neni naba lok ngan netam orong la ba lok lempanga avukat tu. Neni ik lok tooro aleng ia ketla neni naba lok tooro aleng tinotno u ngan lasaxaruki la neni netam tinotno at Leeme Silok.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.

Jems 2:23

La loxot at Lovoang Kaala ga sorun keretna, ‘Abaram ga nuunu at ne Moroa la Moroa ga siam ka ba i ngan laradi mokmokso.’ Lur 15:6 La ne Moroa ga so asen ba i do lentangas teren.

1 Pita 1:11

Diga puse i xusu dinaklen kaka rinotno loxonaleng at lovotpot at ne Karisito la naba vot kereva. La digam doma vupuse do Loroonan at ne Karisito no gak lok keneng atnedi, ga paase alii mi levesongsongot ne Karisito naba ekip tangarang min la neni naba ru pavaa mo levesongsongot, la melemu ren neni naba lok kaka langsangan lisisixam.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.

Lovoang At Ne Jut 1:1

Nenia ne Jut, lasaxaruki at ne Iesu Karisito, la neton ne Jems. Nia a malagan na lovoang tinemi limixin, mo ne Moroa gara ro xaka vam nimi do tin, la mi rooro xeneng at labalamu at ne Moroa ne Temen dik, la mik lok keneng at loklok tatao at ne Iesu Karisito.

Lisilimet 1:1

Ana lovoang, ni lisilimet boro at ne Iesu Karisito, ne Moroa ga raba i min, kusu na lox ase lavasaxaruki ren mi lempanga salai mo naba vot soso mun. La ne Iesu ga riki laangelo ren kusu na vaase axasev i ri ne Jon, lasaxaruki ren,