Lagale Lavavang At Ne Iesu Karisito Jon Ga Malagan I 14:27 - Madak

²⁷ Lenmila rak na nemen maxeneng atnimi; limila rak ana raba nimi min. Axo raba i na i ngan limixin at na lavatbung menemen dim taba i xuren. Nemen mita bulu la mina marat.

Lagale Lavavang At Ne Iesu Karisito Jon Ga Malagan I 14:27 ပူးပေါင်းရင်းမြစ်များ

Sam 11:1

Nia a nuunu saga at Leeme Silok, ni laradi xumkubak pe ria. Kuren la a noxo ronga res at limixin tangtangku di tong i ria dola, “Una rava oo ngan lapka uto vana at lempatkaana,

Sam 112:7

Neni noxo marat ba at tevelinga mumu tumumuat boro vetpes neni i ronga i, mila lunnunu ren i lolos la i nuunu saga at Leeme Silok.

Sam 27:1

Leeme Silok ni laxasep la Lanatoo rak. Nia anoxo marat tangarang ka teta. Leeme Silok neni loogu matmatkun tarak ti pe levenaniu. Kuren la nia noxo marat bok ba.

Sam 28:3

Nemen gat uta lii lumumuat tarak at loxonaleng u vaase asi limixin kakapmek, la eburu minedi dik lok libilinga, nedi limixin levelinga atnedi ik sixit nunuan, ketla lodoxoma atdi i umsu mi loklok kakapmek.

Sam 29:11

Leeme Silok im taba lolos limixin teren la ik lox anarong nedi mi limila.

Sam 56:11

Nia a nuunu saga mun teren, la nia a noxo marat at tempanga. Ixo epovo rinotno xusu limixin mun at na lavatbung menemen diba lok tavanga xapmek tia.

Sam 56:3

Nu Leeme Silok, nu Lanaraavuk. Do nia ana marat, nia anaba nuunu saga mun taram.

Sam 72:2

kusu neni naba viila mumu avukat limixin taram at levenaleng neni naba nemen ngan lamgomgo atnedi; la neni nabam gomgonga nedi luvuttadi ua di baava. Neni naba lox i na mi levelinga mokmokso.

Sam 72:7

Loklok manmanton naba sisilok lolos kantubu at limixin at ne Moroa keneng at levenaleng axap at lorooro ren; la dinaba ngasang kobot amisik kerekngan lagaaling im taba amixik laxasep.

Sam 85:10

Labalamu eburu mi luruturun at ne Moroa dunaba etang; la lomokmokso eburu mi lenmila ren la dunaba esu auru.

Sam 91:5

Mi noxo marat at tepanga sepsep at laxanimin kopla tepanga longlong arakdu ru at laxangking,

Metiu 10:26

La ne Iesu ga lok bok keretna, “Nemen gat mita marat at limixin di munepen minimi; mila levenai mo nga di se bopbop li i, naba men at lasaxaven, la lempanga sai mo dik lox alipe, naba ravasu at lasaxaven la limixin axap dibaklen i at laaleng ete.

Lagale Lavavang At Ne Iesu Karisito Luk Ga Malagan i 1:79

La ni naba lok ngan laxasep tinedi limixin di nemen keneng at lamain la tinedi bok dik lok maxopok at lamau at lanmet, la neni naba sat lavatpas atdik ti langas at lumulum.”

Lagale Lavavang At Ne Iesu Karisito Luk Ga Malagan i 10:5

Dola mina beles ukeneng at toogu, lavanga avot mina tong i xeretna, ‘Lenmila na nemen at na loogu.’

Lagale Lavavang At Ne Iesu Karisito Luk Ga Malagan i 12:4

La ne Iesu ga lok tidi xeretna, “Larapen tangas tarak! A tong i rinimi, nemen mita marat atnedi di sev amet labantuxu, ketla melemu ren kopmen di noxo epovo ti lok tavanga i lok kapmek aleng ti lorooro atnimi.

Lagale Lavavang At Ne Iesu Karisito Luk Ga Malagan i 2:14

“Ata emi asu mi ne Moroa ik lok to vana at laxalibet, la lumulum at ne Moroa bak lok at na lavatbung menemen tinedi ne Moroa i momo midi.”

Lagale Lavavang At Ne Iesu Karisito Jon Ga Malagan I 14:1

Iesu ga lok ti luvuttadi loklok ka anasa ren keretna, “Nemen gat lebelen nimi na bulu. Mina nuunu at ne Moroa, la mina nuunu bok tarak.

Lagale Lavavang At Ne Iesu Karisito Jon Ga Malagan I 16:33

Agara tong pam i na rinimi xusu miba ruuna ka limila. Nemi minaba suma losongsongot boro at limixin at na lavatbung menemen. Ketla mina tu tuxuruxun. Ara los kimit pam laxakapmek at na lavatbung menemen.”

Lagale Lavavang At Ne Iesu Karisito Jon Ga Malagan I 20:19

Ga ukantinao at laaleng avot ap mo luik luvuttadi loklok ka anasa digak lox eburu ro xeneng at lara loogu la diga soxoba pe axap levenmusaragu mila diga e amarat at luvuttadi amgomgo. La ne Iesu ga vot la ga ru go xantubu atdi, la ga lok, “Limila nak lox eburu minimi.”

Lagale Lavavang At Ne Iesu Karisito Jon Ga Malagan I 20:21

La ne Iesu ga lox amu manga ridi, “Limila nak lox eburu minimi. Ne Tamak ga riki ia, kuren la nenia bok, ana riki nimi.”

Lagale Lavavang At Ne Iesu Karisito Jon Ga Malagan I 20:26

Melemu at lavanuti aleng, luvuttadi loklok ka anasa diga nemen manga ap mo loogu, Tomas bok mo gak lok. La diga soxoba pe axap levenmusaragu, ketla ne Iesu ga vot la ga ru xantubu atdi la ga lok tidi xeretna, “Limila na nemen eburu minimi.”

Leven Gugu 10:36

Nemi miklen Lagale Lavavang neni ga song araba limixin me Israel min; na Lagale Lavavang i lok lumulum kantubu at ne Moroa la limixin mumu lanmet at ne Iesu Karisito, neni Leeme Silok at limixin axap at na lavatbung menemen kopok.

Leven Gugu 18:9

At lara laxanimin Pol ga ven lisilimet, la Leeme Silok ga lok tin, “Nemen utak marat, ketla una vavang amisik la nemen uta doxoma abulubun la una ke xepe na lugugu rak,

Lovoang At Ne Pol Ti Limixin Nunu to Rom 1:7

Nia a malagan na levelinga rinemi axap mi nemen dom Rom, Moroa i balamu nimi la ga ro xaka nimi do nemi limixin teren. Letaba nabalamu la lenmila rinimi boro at ne Moroa ne Temen nedik, la Leeme Silok ne Iesu Karisito.

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

Lovoang At Ne Pol Ti Limixin Nunu to Rom 5:1

Amo nga mumu lunuunu atnedik, Moroa ga lox asepmus pam dik basinge laxakapmek, kuren la nedik di ruuna ka lumulum eburu mi ne Moroa mumu Leeme Silok atdik ne Iesu Karisito.

Lovoang At Ne Pol Ti Limixin Nunu to Rom 5:10

Nedik diga munepen mi ne Moroa, ketla neni ga vaxat ka buru nedik saparav i mumu lanmet at ne Nitna. La amo nga Moroa ga lok lumulum eburu minedik, i epovo rinotno do nedik ataba roo suu mumu lorooro at ne Karisito.

Lovoang At Ne Pol Ti Limixin Nunu to Rom 8:6

Do levendoxoma atnedi na mumu asu mun lavavara at labantuxu, laxavaxap teren, lanmet; ket do levendoxoma atdi na mumu asu lavavara at Loroonan Kaala, laxavaxap teren, lorooro eburu mi lenmila.

1 Korin 1:3

Letaba nabalamu mi lenmila rinimi boro at ne Temen nedik la Leeme Silok ne Iesu Karisito.

Galesia 1:3

Letaba nabalamu la lenmila rinemi boro at ne Moroa ne Temen nedik la Leeme Silok atnedik ne Iesu Karisito.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 6:16

Lenmila eburu mi lebelemumu nabak lox eburu minedi di mumu asu na levelinga xeneng at lorooro atnedi, la nedi axap bok limixin tuturun at ne Moroa.

Pilipai 4:7

La lenmila at ne Moroa i volo lakleklen at luvuttadi, mo lenmila naba xubak pe lorooro axap atnimi xusu mina tu atmatkun keneng at ne Iesu Karisito.

Kolosi 1:2

Nema’ ma malagan na lovoang tinemi limixin nuunu do Kolosi. Nemi limixin at ne Moroa la mi nuunu ruturun at ne Karisito. Letaba nabalamu la lenmila tinemi boro at ne Moroa ne Temen dik.

Kolosi 1:20

la at lodoxoma bok at ne Moroa do, ne Nitna naba lok lumulum kantubu at ne Moroa la limixin axap, nedi limixin mede xopok at na lavatbung menemen la nedi limixin to vana at laxalibet. Karisito ga lok lumulum mi lada ren, mo ga sen su ro vana at laxaba.

Kolosi 3:15

Mina ke limila na suxuna lorooro atnimi, mo limila ne Karisito im taba i; mila ne Moroa ga ro xaka nemi kusu mina nemen keneng at limila ngan legesa bantuxu. La amisik mina tong loklox avukat ti ne Moroa.

2 Tesalonia 1:2

Letaba nabalamu la lenmila boro at ne Moroa ne Temen dik la Leeme Silok, ne Iesu Karisito na nemen eburu minemi.

2 Tesalonia 3:16

A sing Leeme Silok at limila do neni xa na raba nimi mi limila ren at levenaleng axap la at leventaangas axap. Leeme Silok na nemen eburu amisik minemi axap.

2 Timoti 1:7

Atla nom Loroonan ne Moroa ga raba dik min kopmen nak lox amarat dik, ketla Loroonan teren ik suxa aumsu dik mi lololos, labalamu la lodoxoma avukat.

Ibru 13:20

Moroa at lumulum ga lox aroo amlong Leeme Silok atdik ne Iesu basinge lanmet; la at lada ren neni ga vaxaru kaxat lekabus maxat mo ba nemen amisik. Neni laradi loklok tatao atdik ngan laradi i lok tatao lubungsipsip teren.

Ibru 7:2

La ne Abaram ga raba ne Melkisedek mi loxot i sev asangaun ap mo levempanga neni ga lok kaka i ap mo lavaorong silok. Avot, lavasuun at laasen ne Melkisedek do, “Loorong silok at loklok mokmokso;” la laasen bok do loorong silok boro Salem i epovo mi levelinga xeretna, “Loorong silok at lenmila.”

Lisilimet 1:4

Nenia ne Jon, a malagan na levelinga tinemi lavanuti leventaugu lotu mik lok at lenep silok Asia. Letaba nabalamu la lenmila at ne Moroa nak lox eburu minimi. Neni ga nemen gano, i nemen lingina la naba vot bok melemu. La lavapaase momo bok tinemi boro at lavanuti leventoonan, mo di tu to melamgo at loxonin orong at ne Moroa,

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.

Lisilimet 21:8

Ketla nedi limixin makmarat la nedi dina sok tixirixes lunuunu atdi, la nedi dina lok laxakapmek silok la nedi dina sev amet parang limixin, la nedi dina lok loklok kakapmek maxamang at lixitkis epot, la nedi luvuttadi sak, la nedi dina lotu parap levempoovo moroa, nedi limixin babala; nedi axap na, nenia anaba lu arup midi uto xeneng at lemet kao i ngangao mi lasalpa. Na losongsongot, ni lanmet sepsev agepura.”