Lagale Lavavang At Ne Iesu Karisito Jon Ga Malagan I 14:26 - Madak

²⁶ Ketla laradi loklok tooro, ni Loroonan Kaala ne Tamak naba riki i xeneng at laasen tarak. Neni naba anasa nimi mi levempanga vipis axap la naba vaase aronga nemi ri levempanga agara tong pam i rinimi.

Lagale Lavavang At Ne Iesu Karisito Jon Ga Malagan I 14:26 ပူးပေါင်းရင်းမြစ်များ

Sam 51:11

Nemen gat uta sok gingin kepe ia, la nia ana nemen paxalom basinge u; nemen bok uta lok kepe Loroonan Kaala ram basinge ia.

Metiu 1:18

Anai ni leretere ri livipisik at ne Iesu Karisito. Maria, nenen ne Iesu diga ora ka i xusu latkin ti ne Josep, ketla kovisi du goxo epot, Maria ga long lenget ka i do neni mo ga balan madak mi lololos at Loroonan Kaala.

Metiu 1:20

Josep gam doma mumu i na la at lara laxanimin laangelo at ne Moroa ga vot saparav i at loromtobo la ga lok, “Josep. Livisik li at ne Devit. Nemen gat uta marat kusu una lok ka ne Maria ngan latkin tu, mila mo labalan madak neni i ruuna i, neni at Loroonan Kaala.

Metiu 28:19

Kuren la mina onon la mina lox ase limixin at lengkot axap kusu diba ravasu ngan luvuttadi loklok ka anasa rak; la mina sep susu di mi laasen at ne Temen dik la ne Nitna eburu bok mi Loroonan Kaala.

Metiu 3:11

La ne Jon ga lok bok, “A sep susu nemi mi ladan kusu mina lox asuusu i do mira leeng pam basinge leveloklok kakapmek atnimi; ketla lara mo naba mumu bok ba rak. Neni naba sep susu nimi mi Loroonan Kaala la laxao ri limixin tongtonga xepe. Lololos teren i volo lololos tarak. Axo epovo kusu anap kip luvanga vatpas teren mila i silok aleng tia.

Lagale Lavavang At Ne Iesu Karisito Mak Ga Malagan I 12:36

Mila ne Devit ga tong asu levelinga mi lodoxoma at Loroonan Kaala la nom levelinga ik lok to xeneng at Lovoang Kaala xeretna, ‘Leeme Silok ne Moroa ga lok ti Leeme Silok tarak keretna, una xis de at lakngak tino se nenia ana lok li limixin munepen taram i ngan loxot burubut ti luxangkedek taram.’ Sam 110:1

Lagale Lavavang At Ne Iesu Karisito Mak Ga Malagan I 13:11

Do dina ranga alis nimi la dina lam kaka nimi uto at lavapaase, nemen mita marat at levelinga salai miba tong asu i ridi. Miba tong asu mene mo levelinga nak lok at levendoxoma atnimi ap mo loxonaleng mila Loroonan Kaala naba raba nimi mi levelinga.

Lagale Lavavang At Ne Iesu Karisito Luk Ga Malagan i 1:15

mila neni naba silok tinotno at lemeren ne Moroa. Nemen mo lamdak guta inin taxadan vaen la taxadan lolos. Ap mo laaleng nenen na visix i, neni naba umsu mi Loroonan Kaala.

Lagale Lavavang At Ne Iesu Karisito Luk Ga Malagan i 1:35

Laangelo ga lok tin, “Loroonan Kaala naba vot saparav u, la lololos at ne Moroa naba los kis taram; kuren la nom lamdak dadat diba so asen i do lamdak at ne Moroa.

Lagale Lavavang At Ne Iesu Karisito Luk Ga Malagan i 1:41

Ga se ne Elisabet ga ronga mo levelinga at ne Maria, lamdak ga xuluxut to xeneng at lebelen. La ne Elisabet ga umsu mi Loroonan Kaala,

Lagale Lavavang At Ne Iesu Karisito Luk Ga Malagan i 1:67

Temen ne Jon ga umsu mi Loroonan Kaala, la ni ga vaase mi levelinga at ne Moroa,

Lagale Lavavang At Ne Iesu Karisito Luk Ga Malagan i 11:13

Keke i do mi bilinga, ketla miklen i do mim taba lempanga nunuan ti laxamdak atnimi. La kerepmo ne Moroa i nemen to vana at laxalibet naba raba Loroonan Kaala tinedi di ngising i!”

Lagale Lavavang At Ne Iesu Karisito Luk Ga Malagan i 2:25

Lara laradi ga nemen to Jerusalem laasen teren ne Simion. Neni lagale laradi, la ga lok ngangao bok at ne Moroa la ni ga lotu ruturun saparap ne Moroa, la ni ga ngangais ti taradi kusu naba lox arooro limixin me Israel. Loroonan Kaala ga nemen teren.

Lagale Lavavang At Ne Iesu Karisito Luk Ga Malagan i 24:49

La nenia xa anaba riki mo laramtaba rinimi, mo ne Tamak gara xaape vam min do tinimi. Ketla miba nemen ngangais i ro Jerusalem se at loxonaleng lololos boro vana naba suxuna nimi.”

Lagale Lavavang At Ne Iesu Karisito Luk Ga Malagan i 3:22

La Loroonan Kaala ga rava si ukopok, diga ven lovoovo ren ga ngan lamno la gasga ne Iesu. La laxaka at lara ga laa boro vana at laxalibet ga lok keretna, “Nenu ne nuruk. La nia a balamu u la a momo minu.”

Lagale Lavavang At Ne Iesu Karisito Jon Ga Malagan I 1:33

Nia xovisi goxoklen i, ketla ne Moroa ga riki ia xusu anap sep susu limixin mi ladan la neni ga lok tia xeretna, ‘Uba ven Loroonan Kaala naba si boro vana la nasga taradi; neni mo laradi naba sep susu limixin mi Loroonan Kaala.’

Lagale Lavavang At Ne Iesu Karisito Jon Ga Malagan I 12:16

Ap mo laaleng na lavanga ga ravasu, luvuttadi loklok ka anasa di goxo xasep at lavasuun ap mo levelinga; ketla se at laaleng ne Iesu ga rooro xat amlong digaklen ba i do Lovoang Kaala ga tong asu na lavanga, la mo limixin diga lox i na ri ne Iesu.

Lagale Lavavang At Ne Iesu Karisito Jon Ga Malagan I 14:16

La ne Iesu ga lok bok, “Nia anaba sing ne Tamak, la neni naba raba bok nemi mi lara laradi loklok tooro, la neni naba nemen eburu amisik minimi.

Lagale Lavavang At Ne Iesu Karisito Jon Ga Malagan I 14:25

Agara tong pam na levelinga rinimi at na levenaleng nenia a nemen eburu minimi.

Lagale Lavavang At Ne Iesu Karisito Jon Ga Malagan I 15:26

La ne Iesu ga lok bok tidi, “Laradi loklok tooro naba vot; neni Loroonan at luruturun, la ni naba si boro vana at ne Tamak. Aba sak tiki i saparap nimi boro at ne Tamak, la neni naba tong asu levelinga mumu ia.

Lagale Lavavang At Ne Iesu Karisito Jon Ga Malagan I 16:7

Ketla a tong tuturun i rinimi. I lox avukat do nenia ana on basinge nimi. Do nenia a noxo onon, laradi loklok tooro noxo vot pasa nimi. Ketla do ana onon, nenia aba riki aonon i ude saparap nimi.

Lagale Lavavang At Ne Iesu Karisito Jon Ga Malagan I 2:22

Melemu at laaleng neni ga roo xat amlong at lanmet, luvuttadi loklok ka anasa ren diga doma amlong ti na levelinga ren. La diga nuunu at Lovoang Kaala la diga nuunu bok ap mo levelinga ne Iesu ga tong i.

Lagale Lavavang At Ne Iesu Karisito Jon Ga Malagan I 20:22

La ni ga mas asu lamamas teren tidi la ga lok tidi, “Mina lok kaka Loroonan Kaala.

Lagale Lavavang At Ne Iesu Karisito Jon Ga Malagan I 6:45

Lavaeme vapaase alii diga malagan li levelinga xeretna, ‘Limixin axap, ne Moroa naba anasa di.’ Ais 54:13 Nedi axap do di ronga ne Tamak la dia lok kaka loklox anasa ren, nedi diba vosiga ia.

Lagale Lavavang At Ne Iesu Karisito Jon Ga Malagan I 7:39

Iesu ga vaase i na mumu Loroonan Kaala. Nedi diga nuunu at ne Iesu, diga ruuna ka i. Ap mo levenaleng ne Moroa goxovisi raba Loroonan Kaala, mila ne Iesu goxovisi urut uto vana ri lixitkis orong teren.

Leven Gugu 1:2

se at laaleng ne Moroa ga lam kaka i uto vana at laxalibet. Goxovisi ni goxo urut uto vana la ni ga vaase mi levelinga at Loroonan Kaala rinedi luvuttadi ni ga soxolik ka nedi do luvuttadi vavang teren.

Leven Gugu 1:4

At lara laaleng diga vot pasa i la ni ga raba nedi mi lavapaase alii la ga tong lolos i ridi xeretna, “Nemen mita vas kaxat basinge lemenemen Jerusalem, ketla mina nemen tangais laramtaba ne Tamak ga vaase alii min tinimi, i ngan nia aga tong pam i rinimi xeretna,

Leven Gugu 1:8

Ketla nemi minaba umsu mi lolos mo do Loroonan Kaala na vubeles atnimi; la minaba paase katling mi lorooro rak tinedi limixin to at lemenemen silok Jerusalem, la to bok at lengkot axap at lunep silok Judaia la Samaria, la to at lengkot axap bok at na lavatbung menemen kopok.”

Leven Gugu 11:16

La nia aga doxomangke at levelinga at Leeme Silok ga lok keretna, ‘Jon ga sep susu limixin mi ladan mene, ketla nemi miba lok ka lesep susu at Loroonan Kaala.’

Leven Gugu 13:2

At lara laaleng nedi diga lotu saparap Leeme Silok la diga mun anan, Loroonan Kaala ga lok tinedi, “Mina raba ia mi ne Banabas la ne Sol, kusu ri lok lugugu i ngan nia aga soxolik ka vam du rin.”

Leven Gugu 13:4

Loroonan Kaala ga riki ne Banabas mi ne Sol, la dugat pas uto Selusia la mo go duga los urut at lavattaaxup la duga mumu i uto at losoxan Saipras.

Leven Gugu 15:28

Loroonan Kaala la nema mara siam pam do ma noxo lok li bok ba teventaangas mavana atnimi, ketla mina ronga res at na levelinga.

Leven Gugu 15:8

La ne Moroa no ikleklen luruptuvuk at limixin, ga lox asuusu i do ni ga siam ka limixin kopmen di me Judaia keretna; ni ga raba di mi Loroonan Kaala xerekngan ni ga raba dik min.

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Leven Gugu 2:33

Ni ga lam kaka i uto vana at laxalibet la ga vaxaxis li i ro at lixitkis orong la ne Moroa xa ga raba i mi lololos kusu ni na riki Loroonan Kaala ren tinama, kerekngan tai mo nemi mi ven i la mi ronga i.

Leven Gugu 2:4

Loroonan Kaala ga vubeles atnedi axap la diga lox epovo i do dina paase mi lempapaase petpes, i ngan Loroonan Kaala ga raba di min.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Leven Gugu 28:25

Kuren la diga vas kaxat basinge i mila levendoxoma atnedi ga ekarakat melemu at levelinga at ne Pol. Ni ga tong i ridi xeretna, “Loroonan Kaala ga vaase ruturun at lungusno at leeme vapaase alii ne Aisaia tinedi lavalabat atnemi.

Leven Gugu 5:3

Pita ga lok tin, “Ananias, tila u siam abeles ne Satan ia umsu at lodoxoma ram? La ia lok u, ura xarang Loroonan Kaala, la ura ranga alis bok lenep pilas ap mo luunun uga lok ka i ap mo loxongkangka.

Leven Gugu 7:51

La ne Stiven ga lok bok tidi, “Miba baulang alika? Lingisa ba minaba siam ka levelinga at ne Moroa ukeneng at lebelen nimi? La lingisa ba nemi miba ronga res at levelinga at ne Moroa? Nemi mi lok ngan pam lavalabat atnimi; nemi bok na mi xopara ri Loroonan Kaala!

Leven Gugu 7:55

Ketla ne Stiven ga umsu mi Loroonan Kaala, neni ga milik aurut upana at laxalibet la ni ga ven lisisixam at ne Moroa, la ne Iesu ga tu at lekngen tino.

Lovoang At Ne Pol Ti Limixin Nunu to Rom 14:17

Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

Lovoang At Ne Pol Ti Limixin Nunu to Rom 15:16

i ngan laradi gugu at ne Iesu Karisito ti gugu ri limixin kopmen nedi me Judaia. A vavang mi Lagale Lavavang boro at ne Moroa ngan lamaasa, kusu ne Moroa naba siam kaka limixin kopmen di me Judaia ngan laramtaba at Loroonan Kaala ga gagas min tin.

Lovoang At Ne Pol Ti Limixin Nunu to Rom 5:5

Na lodoxoma voovo xopmen na lox abulu nedik, atla ne Moroa gara soli asu vam labalamu ren ukeneng at lorooro atnedik mi Loroonan Kaala, ni laramtaba at ne Moroa rinedik.

1 Korin 12:3

Kuren la mina ila mumu loklok at limixin do di nuunu ruturun kopla xopmen. Kuren la mina xasep do mo laradi, Loroonan Kaala at ne Moroa i suxuna i, kopmen noxo tong i do ‘Lasaxaek naba mu ne Iesu!’ Ketla laradi do Loroonan Kaala at ne Moroa na suxuna i, neni xusuk mun i epovo na tong i do ‘Iesu, neni Leeme Silok.’

1 Korin 6:19

Mi xasep pam do labantuxu atnimi, i lok ngan loogu laplavang at Loroonan Kaala, mo i nemen keneng atnimi, la ne Moroa axa ga raba nemi min. Nemi xopmen atnimi xa, ketla nemi at ne Moroa.

2 Korin 13:14

Letaba nabalamu at Leeme Silok ne Iesu Karisito la labalamu at ne Moroa la loklok mukmulus at Loroonan Kaala nak lox eburu amisik minemi axap. I ruturun

2 Korin 6:6

At loklok dadat atnema, la lakleklen, la loklok mumulus, la loklok nunuan, maga lox asuusu i do nema lavasaxaruki at ne Moroa, la at Loroonan Kaala bok mi labalamu ruturun.

Epesas 1:13

La nemi bok miga ravasu ngan limixin at ne Karisito at loxonaleng miga ronga xisip levelinga ruturun teren, ni Lagale Lavavang i vaase axasep loklox arooro ri limixin. Ap mo loxonaleng miga ru ka lunuunu saparap ne Karisito, Moroa ga lok li nimi ngan limixin teren la ga raba nimi mi loklok katling teren, ni Loroonan Kaala, mo ne Moroa ga paase alii min ti limixin teren.

Epesas 1:17

la a sing amisik lagale lo Moroa, ne Temen Leeme Silok atdik, Iesu Karisito, ti song araba nimi mi Loroonan teren, mo naba suxa nimi mi lodoxoma nunuan la laxasep kusu nemi mibakleklen avukat ne Moroa.

Epesas 4:30

Nemen mita lox abulu Loroonan Kaala at ne Moroa. Loroonan Kaala neni loklok katling ne Moroa ga raba vam nimi min, i ngan lampinebeng ti loklox arooro atdik.

1 Tesalonia 4:8

Kuren la nedi mo di noxo ronga res at na levelinga atnama, dixo lok tavanga rinama, ketla di lox abulubun kepe levelinga at ne Moroa, mo ga raba nemi mi Loroonan Kaala ren.

2 Timoti 1:14

At lololos at Loroonan Kaala nom i nemen keneng at lorooro atnedik, una lok tatao avukat nom levelinga ruturun uga lok ka i.

Taitas 3:5

la neni ga lox arooro dik. Neni goxo lox arooro dik mumu leven gugu nunuan atdik; ketla neni ga balamu gamasa mun dik. Lebelemumu ren ni lavasuun at loklox arooro ren. Moroa ga lox arooro dik keretna; Loroonan Kaala ren ga gos kepe vam leveloklok kakapmek atdik la ga raba dik mi livipisik amaxat.

Ibru 10:15

Loroonan Kaala bok i tong asuusu i na; i lok keretna,

Ibru 2:4

Moroa ga lox asuusu box i do mo levelinga ren i ruturun mi leveloklok katling la levempanga sangsangu la leventamtaba at Loroonan Kaala, ne Moroa gara epes pam limixin teren min, ga epovo at lavavara ren.

Ibru 3:7

Nedik limixin at ne Karisito, kuren la nemen mita ronga xepe levelinga ren. I ngan levelinga at Lovoang Kaala, Loroonan Kaala ga vaase i xeretna, “At na loxonaleng do mina ronga levelinga at ne Moroa,

Ibru 9:8

Loroonan Kaala i lox ase dik, mumu na lavanga do langas povolo uto saparap ne Moroa goxovisi rem suang, ap mo levenaleng loogu kadis move ga tu.

1 Pita 1:12

Ne Moroa ga raba asu na levelinga rinedi na luvuttadi vapaase alii xusu nedi di noxo gugu xusuk tik lok tooro nedi xa, ketla ti lok tooro nemi, at loxonaleng diga vaase mumu mo levelinga. Ana nemi mira ronga xaka vam i at luvuttadi xipkip linga di vaase asu Lagale Lavavang mi lololos at Loroonan Kaala boro vana at laxalibet. Neni na Lagale Lavavang lubung angelo bok di vara aleng i xusu dinaklen i.

2 Pita 1:21

atla, kopmen tepempapaase alii ga ravasu mun at lodoxoma mene nga at taradi at na laxangka, ketla lavaeme vapaase alii, diga vonon mumu mene nga Loroonan Kaala at levenaleng diga paase asu levelinga ga laala boro at ne Moroa.

1 Jon 2:20

Ketla ne Iesu Karisito, Leeme Melemelengan, ga raba vam nimi mi Loroonan Kaala at ne Moroa, kuren la nemi axap miga ruuna ka vam levelinga ruturun teren.

1 Jon 2:27

Ketla nemi miga ruuna ka vam Loroonan Kaala, ne Iesu Karisito ga raba nimi min, la mo Loroonan Kaala ik lok keneng atnemi. La ixo epovo do tara na anasa nimi, ketla Loroonan Kaala i lox axasep nimi mi lempanga axap, la mo Loroonan Kaala xopmen laxaxarang mun, ketla ni i ruturun. La nemi minat kis esogo mi ne Iesu kerekngan Loroonan Kaala ira lox ase vam nemi min.

1 Jon 5:7

Kerepmo na lavantun lempanga i lox asuusu i.

Lovoang At Ne Jut 1:20

Ketla larapen tangas orong tarak, mina lox alolos amisik lorooro atnimi at lunuunu i xaala. La mina ngising lolos amisik mi loklok tooro at Loroonan Kaala.

Lisilimet 2:11

Do tara i ruuna lubaalung, i lox avukat do neni na ronga levelinga at Loroonan at ne Moroa i tong asu i ri limixin lotu. Do tara i tu lolos keneng at levenmumuat, neni noxo suma rinotno lanmet sepsev agepura.”