Lagale Lavavang At Ne Iesu Karisito Jon Ga Malagan I 14:12 - Madak

¹² A tong tuturun i rinimi do nege i nuunu rak, neni naba lok levempanga i ngan nia agak lox i. Neni naba lok levempanga i silok aleng ti mo levempanga nia agak lox i, mila nia anat pas uto vana at ne Tamak.

Lagale Lavavang At Ne Iesu Karisito Jon Ga Malagan I 14:12 ပူးပေါင်းရင်းမြစ်များ

Metiu 21:21

La ne Iesu ga lok tidi, “A tong tuturun i rinimi; mo do mina nuunu ruturun at ne Moroa la kopmen lodoxoma atnimi na sixit ekarakat at levelinga ren, miba epovo do mina lok mun lempanga xerekngan nia a lox i ri na luuna pik. La kopmen na xusuk mun i, ketla miba epovo bok do miba vaase lolos ti na lakaana, la ni na xatu kaxat la na subu tup ti laras.

Lagale Lavavang At Ne Iesu Karisito Mak Ga Malagan I 11:13

La ni ga ven lara luuna pik to vaxalom la mo luuna ga xo vavaxan mene nga. La ne Iesu gat pas kusu na dik ka tevempeven una ren. Ketla goxopmen tevempeven una ren, ga xo vavaxan mene nga, mila goxovisi lagaaling tin ti visik.

Lagale Lavavang At Ne Iesu Karisito Mak Ga Malagan I 16:17

Nedi di nuunu at Lagale Lavavang tarak, Moroa naba raba di mi leveloklok katling keretna; at laasen tarak dinaba riki xepe lubunggas basinge limixin. La dinaba paase mi levempapaase vetpes.

Lagale Lavavang At Ne Iesu Karisito Jon Ga Malagan I 14:28

Mia ronga vam levelinga rak keretna; ‘ana on basinge nimi, ketla anabamlong bok ude saparap nimi.’ Do mina balamu ia, miba momo aleng do nenia anat pas uto at ne Tamak; mila neni i silok aleng tia.

Lagale Lavavang At Ne Iesu Karisito Jon Ga Malagan I 16:7

Ketla a tong tuturun i rinimi. I lox avukat do nenia ana on basinge nimi. Do nenia a noxo onon, laradi loklok tooro noxo vot pasa nimi. Ketla do ana onon, nenia aba riki aonon i ude saparap nimi.

Lagale Lavavang At Ne Iesu Karisito Jon Ga Malagan I 4:37

I lox asorun na levelinga i lok keretna, ‘Lara itlotlo la lara vetpes ik lok kaka bubua levempipisik at laraamang.’

Lagale Lavavang At Ne Iesu Karisito Jon Ga Malagan I 5:20

Tamak i balamu ia, ne Nitna la ik lox ase ia mi levempanga salai neni axa ik lox i. Neni naba lox ase ia mi levempanga i silok aleng ti mo lempanga sangsangu, la nemi miba sangu aleng.

Lagale Lavavang At Ne Iesu Karisito Jon Ga Malagan I 7:33

Iesu ga lok, “A noxo nemen abao eburu minimi la melemu ba anat pas ba uto saparap mo lara ga riki ia.

Lagale Lavavang At Ne Iesu Karisito Jon Ga Malagan I 7:39

Iesu ga vaase i na mumu Loroonan Kaala. Nedi diga nuunu at ne Iesu, diga ruuna ka i. Ap mo levenaleng ne Moroa goxovisi raba Loroonan Kaala, mila ne Iesu goxovisi urut uto vana ri lixitkis orong teren.

Leven Gugu 10:46

Diga ronga nedi diga epaase mi lempapaase vetpes la diga emi asu mi ne Moroa. Pita ga lok,

Leven Gugu 16:18

La buaang levenaleng, ni ga lox i na; se ne Pol gara molo nga, la ni ga rem gili la ga lok ti mo lagas, “At laasen at ne Iesu Karisito, a tong i ru do una vas su basinge i!” Ap mo mene loxonaleng lagas ga on basinge i.

Leven Gugu 19:12

La limixin diga soe ka lengkontamon at labantuxu ren, la diga lok li at labantuxu at limixin mekmeres la levenanmeres atdi gara xap, la lubunggas diga ravasu basinge di.

Leven Gugu 2:33

Ni ga lam kaka i uto vana at laxalibet la ga vaxaxis li i ro at lixitkis orong la ne Moroa xa ga raba i mi lololos kusu ni na riki Loroonan Kaala ren tinama, kerekngan tai mo nemi mi ven i la mi ronga i.

Leven Gugu 2:41

Buaang atnedi diga nuunu ap mo levelinga la luvuttadi vavang diga sep susu di; lavantun larabin sangsangaun kobot (3000) limixin diga beles saparap nedi luvuttadi nuunu ap mo laaleng.

Leven Gugu 4:16

Diga esue xeretna, “Ataba lok lavanga salai ridu na luradi? Limixin axap na di nemen de Jerusalem diaklen pam na lavanga sangsangu nedu na luradi duta lox i, la nedik kopmen ta epovo bok ba do ataba tong i do du toxo lox i.

Leven Gugu 4:33

Luvuttadi vavang diga ruuna ka lolos la diga paase asu Lagale Lavavang at laxakatu kaxat amlong at Leeme Silok ne Iesu. La ne Moroa ga suxa umsu di mi leveloklox anarong.

Leven Gugu 4:4

Ketla buaang atnedi diga ronga i mo lavapaase at ne Pita, diga nuunu; la lexekexes atnedi limixin nuunu ga urut ti lavalimo larabin sangsangaun kobot. (5000)

Leven Gugu 5:15

Kuren la limixin diga lok kaka luvuttadi mekmeres mi levenora atdi uto at levengkonngas kusu do, ne Pita na vas polo, mo lamamau at lovoovo ren naba lok pavaa di.

Leven Gugu 6:7

La levelinga at ne Moroa ga epeseves. Leexes at limixin nuunu ro Jerusalem ga uturut amisik mene la buaang atnedi lavamaasa diga lok kaka lunuunu maxat ap mo Lagale Lavavang.

Leven Gugu 8:7

Laxan gas diga ravasu basinge buaang limixin mi langsangan lerengteng; buaang atnedi limixin mo lengkot atnedi ga molo la nedi bok lentaba di goxo epovo rit pas, diga lox avukat.

Leven Gugu 9:34

Pita ga lok tin, “Inias. Iesu Karisito i lox aroo u. Katu kaxat la una sa avukat loora ram.” Ap mo mene loxonaleng Inias ga xatu kaxat upana.

Leven Gugu 9:40

Pita ga lox asu axap di ukamang ap mo loogu, la ga xis tiktikbu mi luvatgulom teren la ga sing; melemu ren, neni ga rem gili mu ne Tabita la ga lok, “Tabita, katu kaxat.” La ni ga valas luxatli ren la ga ven ne Pita la ga xis upana.

Lovoang At Ne Pol Ti Limixin Nunu to Rom 15:19

la keneng bok at lolos at leveloklok katling la levempanga sangsangu, la at lolos at Loroonan Kaala. La at lempatpas tarak boro Jerusalem uto Ilirikam la mo levenmenemen kantubu, agara vaase asu avukat pam Lagale Lavavang at ne Karisito.