Lagale Lavavang At Ne Iesu Karisito Jon Ga Malagan I 13:14 - Madak

¹⁴ La mo vam nia a gos lengkangkedek atnimi. Nemi bok, mina mu asu na loklok kantubu atnimi.

Lagale Lavavang At Ne Iesu Karisito Jon Ga Malagan I 13:14 ပူးပေါင်းရင်းမြစ်များ

1 Pita 5:5

La nemi bok luvuraau minang tonga ka levelinga at limixin mukun la mina mumu asu i. La nemi axap mina lok kaka langsangan loklok ngangao kusu na umsu kantubu atnemi. I ngan Lovoang Kaala i vaase xeretna, “Moroa naba vaase asi luvuttadi di simi aurut nedi, ketla i lox asu letaba nabalamu ren tinedi dik lox asi di.” Ler 3:34

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

Galesia 5:13

Luvutnetak mi luvurinuk. Lorotoro gak lok tinemi xusu minaba sepmus basinge leveloklok la leventaangas at Lenavolo. Ketla nemen gat mi guta ke na loklok at lesepsepmus basinge Lenavolo na lok ngan mun lavanga ri sisiam avolo nemi xusu lorooro at labantuxu atnemi na sasat nemi. Ketla mina ke labalamu ri lok tooro nemi xusu minaba elok tooro ela,

Lovoang At Ne Pol Ti Limixin Nunu to Rom 12:16

Mina nemen eburu mi limixin axap at limila. La nemen gat mita xip aurut axa nemi, ketla mina siam kaka leven gugu ik lok kopok. Nemen gat miguta doma i do lakleklen atnimi i volo aleng.

1 Pita 4:1

Karisito ga suma losongsongot at labantuxu ren, kuren la nemi bok mina ru lolos ngan levendoxoma neni ga ruuna i; mo do nege i ekip tangarang mi losongsongot at labantuxu ren mumu lunuunu ren saparap ne Karisito, i lox asuusu i do neni ixok lok bok ba xeneng at laxapmek.

1 Korin 8:13

Kuren la, do mo leveluxa nia a anan i, i lox asubu lunuunu at tara, nia a noxo epovo bok ba ri anan teveluxa xerepmo, kusu nia noxo lox asubu bok ba taradi ri laxakapmek.

Ibru 12:2

Lodoxoma atnimi na tu atkatla at ne Iesu, neni lavasuun la lurutu kaxat at lunuunu atdik. Neni ga siam ka laxasongsongot la lainmangan at laxaba mila ni ga doma mun mo lomomo neni naba ruuna ka i; la na nga neni it kis at lenep tino at loxonin orong at ne Moroa.

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Korin 8:9

Nemi mikleklen letaba nabalamu at Leeme Silok atdik ne Iesu Karisito, neni gap novos aleng, ketla ti luvukat tinedik neni ga ravasu ngan laradi banbalo, kusu mibap novos.

Lovoang At Ne Pol Ti Limixin Nunu to Rom 12:10

Mina balamu rinotno leventaba vetpes i ngan loxoeton tinotno xeneng at ne Karisito, la mina lolos amisik kusu ri lox asuusu loklok ngangao atnimi ti leventaba vetpes.

Lagale Lavavang At Ne Iesu Karisito Jon Ga Malagan I 11:2

La ne Maria neni lara no ga sobili laxadan mavak to at luxangkedek at Leeme Silok la ga ves amesemes i mi lavatkabinim at lavatlak teren. Ne Lasaro neni neinen du, mo gak meres.

1 Korin 12:3

Kuren la mina ila mumu loklok at limixin do di nuunu ruturun kopla xopmen. Kuren la mina xasep do mo laradi, Loroonan Kaala at ne Moroa i suxuna i, kopmen noxo tong i do ‘Lasaxaek naba mu ne Iesu!’ Ketla laradi do Loroonan Kaala at ne Moroa na suxuna i, neni xusuk mun i epovo na tong i do ‘Iesu, neni Leeme Silok.’

Pilipai 2:11

La nedi axap diba tong asu i dola ne Iesu Karisito neni Leeme Silok la kerepmo dina emi asu mi ne Moroa, ne temen dik.

1 Timoti 5:10

la lorooro ren i umsu mi leven gugu nunuan la lorooro ren ga lok keretna. Neni latkin loklok tatao avukat laxamdak mi laxaalik teren, la ni ga lok maraose mi limixin kadiong diga vot to at loogu ren, la ni ga lok levempanga nunuan tinedi limixin nuunu la ni ga lok tooro nedi diga xip tutu mi levenmumuat, la ga raba axap lorooro ren ti lok leven gugu nunuan.