Lagale Lavavang At Ne Iesu Karisito Jon Ga Malagan I 12:48 - Madak

⁴⁸ La do tara i raba aralu ia la kopmen na sisiam ka levelinga rak, neni ira sok ka vam lenep tin, mila levelinga mun tarak naba lok li mo lara at lavapaase at laaleng ete.

Lagale Lavavang At Ne Iesu Karisito Jon Ga Malagan I 12:48 ပူးပေါင်းရင်းမြစ်များ

Metiu 10:15

A tong tuturun i rinimi do at laaleng ete, ne Moroa naba lox asuusu lumumuat ti limixin boro Sodom la Gomora, ketla neni naba lox asuusu lumumuat silok tinotno ri limixin ap mo lemenemen tongtonga xepe!”

Metiu 21:42

La ne Iesu ga lok tidi, “Mina domangke at levelinga at Lovoang Kaala i lok keretna, ‘Nom luat luvuttadi xipkip gu diga sok tixirixes kepe i, ga ravasu ngan luat kis la lugugu ren i silok aleng. Leeme Silok ne Moroa ga lox i na la i lox avukat aleng at lemeren dik.’ Sam 118:22-23

Metiu 25:31

La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Lagale Lavavang At Ne Iesu Karisito Mak Ga Malagan I 12:10

Nemi mi xasep at Lovoang Kaala i lok keretna, ‘Nom luat luvuttadi xipkip gu diga sok tixirixes kepe i, ga ravasu ngan luat kis la lugugu ren i silok aleng.

Lagale Lavavang At Ne Iesu Karisito Mak Ga Malagan I 16:16

Dola tara na nuunu at Lagale Lavavang tarak la mina sep susu i, neni naba roo suu. Dola tara noxo nuunu at Lagale Lavavang tarak, neni naba seeve.

Lagale Lavavang At Ne Iesu Karisito Mak Ga Malagan I 8:31

Melemu ne Iesu ga ru xaka levelinga ren keretna, “Nenia, Laradi Mevana, anaba xip levesongsongot silok. La loxongkulao silok at limixin me Judaia, lavamaasa silok, luvuttadi loklox ase at Lenavolo diba sok tixirixes kepe ia la diba sep amer ia la melemu at lavantun aleng nenia ba roo xat amlong.”

Lagale Lavavang At Ne Iesu Karisito Luk Ga Malagan i 10:16

La ne Iesu ga lok ti luvuttadi loklok ka anasa ren keretna, “Do nege ing tonga nimi, neni ing tonga ia; la do nege i sok tixirixes nimi, i sok tixirixes ia; la do nege i sok tixirixes ia, i sok tixirixes ne Moroa ga riki ia ude.”

Lagale Lavavang At Ne Iesu Karisito Luk Ga Malagan i 17:25

Ketla avot be nenia anaba xip losongsongot aleng la limixin at nai levenaleng diba sok tixirixes aleng ia.

Lagale Lavavang At Ne Iesu Karisito Luk Ga Malagan i 20:17

La ne Iesu ga ven tidi la ga sue di xeretna, “Lai lavasuun at na levelinga boro at ne Moroa? ‘Nom luat luvuttadi xipkip gu diga sok tixirixes kepe i, ga ravasu ngan luat kis la lugugu ren i silok aleng.’ Sam 118:22

Lagale Lavavang At Ne Iesu Karisito Luk Ga Malagan i 7:30

Ketla lubung Parisi eburu mi luvuttadi loklox ase at Lenavolo diga ronga xepe lesep susu at ne Jon, la kerepmo diga sok tixirixes losoxovo at ne Moroa ridi.

Lagale Lavavang At Ne Iesu Karisito Luk Ga Malagan i 9:22

La ne Iesu ga lok, “Nenia Laradi Mevana, anaba xip losongsongot solo, la loxongkulao silok at limixin me Judaia, la lavamaasa silok la luvuttadi loklox ase at Lenavolo diba sok tixirixes kepe ia. Diba sev amer ia, la nenia anaba roo xat amlong at laaleng sepsev avantun.”

Lagale Lavavang At Ne Iesu Karisito Luk Ga Malagan i 9:26

Mo do taradi na lok mamangan kepe ia eburu mi levelinga rak, nenia, Laradi Mevana, anaba sok tixirixes xepe i ap mo laaleng nenia ana si ukopok mi lisisixam silok tarak la lisisixam silok at ne Tamak la at lubung angelo ren.

Lagale Lavavang At Ne Iesu Karisito Jon Ga Malagan I 11:24

La ne Mata ga lok, “Aklen i do neni naba rooro xat amlong at laaleng kavaxap.”

Lagale Lavavang At Ne Iesu Karisito Jon Ga Malagan I 5:45

Nemen mita doma i do nia anaba sok taba nimi mi levelinga ro melamgo at ne Tamak do nemi miga lok laxapmek. Ne Moses axa neni naba sok taba nemi mi levelinga, mila nemi mi nunua i do ne Moses naba lok tooro nemi.

Lagale Lavavang At Ne Iesu Karisito Jon Ga Malagan I 6:39

Lavavara ap mo lara ga riki ia, i lok keretna; nenia noxo ke asoogong tegesara atdi limixin neni ga raba vam ia midi, la anaba lox aroo xat di at laaleng ete;

Lagale Lavavang At Ne Iesu Karisito Jon Ga Malagan I 8:47

Laradi i laa boro at ne Moroa, neni nang tonga levelinga at ne Moroa. Nemi xopmen boro at ne Moroa, mila kopmen minang tonga levelinga ren.”

Leven Gugu 17:31

Mila neni ira lok katling pam lara laaleng neni naba lok li limixin axap at lavapaase, la lavapaase ren nabak mokso aleng; la ni ga soxolik ka vam lara laradi xusu na ronga linga at laaleng ete. Ni ga lox asuvos pam mo laradi ri limixin axap mi loklok katling keretna, ni ga lox aroo amlong i basinge lanmet.”

Leven Gugu 3:23

Do tara i xopara na ronga levelinga ren, neni naba nemen petpes basinge mo limixin ne Moroa ga soxolik ka vam nedi do ateren to at lorooro melemu; la ne Moroa naba sev amet nedi axap ding tonga xepe levelinga ren.” Len 18:15,18,19

Lovoang At Ne Pol Ti Limixin Nunu to Rom 2:16

Lagale Lavavang nia a vavang min, i tong asu i do ne Moroa naba ila mumu loklok at limixin at laaleng ete la keneng at ne Iesu Karisito neni naba ila mumu bok levendoxoma alipe xapmek at limixin.

2 Korin 4:3

La do Lagale Lavavang ma tong asu i, i lipe la kopmen na xasep, ni xopmen na xasep mene rinedi limixin dinaba seeve.

2 Tesalonia 1:8

La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu.

Ibru 10:25

Nemen mita ke xepe mo leveloklok tit pot buru, kerekngan leventaba atnimi dira ke xepe vam i. Ketla nemi xa mina epang aru xusu lunuunu atnimi naba lolos; la mina lox amisix i na, mila laaleng ete i auret na vot.

Ibru 12:25

Mina lok tatao avukat nimi xusu mi noxo ronga xepe ne Moroa, mo i paase rinimi. Moroa ga paase ri lavalabat atdik to Sinai, ketla buaang atnedi diga ronga xepe levelinga ren la diga ekip tangarang mi lebelemamao ren. La kerepmo bok, do nemi mina ronga xepe levelinga at ne Moroa no vana at laxalibet, ixo epovo do mina sepsu at lebelemamao ren, mila levelinga ren tidik i mumuat aleng ti mo levelinga neni ga raba di min.

Ibru 2:3

La kerepmo bok do nedik ata ronga xepe Lagale Lavavang, ixo epovo do nedik taba sepsu basinge lebelemamao at ne Moroa. Leeme Silok neni avot ga ru ka lavavang at langas ti loklox arooro, la nedi luvuttadi vavang diga ronga xaka mo levelinga ren, la diga lox aruturun i ridik.

Ibru 4:12

Levelinga at ne Moroa i ruuna lorooro la i lolos aleng; i lok ngan lavarise i anan evan, mo i tara xoxorop laranin etudum la laramomodong atdik; la kerepmo bok levelinga at ne Moroa i pubeles uto xa xeneng at lodoxoma la lorooro atdik kusu na lox asu leveloklok kakapmek; kuren la nedik toxo epovo xusu ata lipe at lemeren ne Moroa, neni ikleklen levendoxoma atdik la levesumsuma at lebelen dik.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

2 Pita 3:3

Avot be, minaklen avukar i do, at levenaleng kavaxap teventaba tuvuttadi rongtonga xepe dinaba rupot, la dinaba mumu asu mun levendoxoma xapmek atdi xa. La nedi na luvuttadi, dinaba paase aksaksa rinemi.

2 Pita 3:7

Ketla, laxalibet eburu mi laxangka move duk lok mumu asu levelinga at ne Moroa, la duk lox agagas kusu laxao naba sele utut nedu. La nedu dunabak lok se ap mo laaleng limixin ua dixo mumu asu ne Moroa dinaba ru at lavapaase la ne Moroa naba sele utut nedi.