Lagale Lavavang At Ne Iesu Karisito Jon Ga Malagan I 12:27 - Madak

²⁷ La ne Iesu ga lok bok tidi, “Mo nga labalak ixo xis saga la aba tong ka lavanga salai? Agut aba lok do, ‘Tamak, i epovo do una lok kepe na lumumuat basinge ia?’ Kopmen. Nia aga si ude xusu ri beles at na loxonaleng at losongsongot.”

Lagale Lavavang At Ne Iesu Karisito Jon Ga Malagan I 12:27 ပူးပေါင်းရင်းမြစ်များ

Sam 6:3

O Leeme Silok, labalak i umsu mi lanbulu silok. Lingisa ba unaba lok tooro ia?

Sam 88:3

Laxanmumuat solo na ira subu vam mavana rak la i auret kusu ana met.

Metiu 11:25

Ap mo laaleng ne Iesu ga lok ti ne Moroa, “Nia a emi asu minu, Tamak; nenu Leeme Silok at laxalibet mi lavatkangka. Nia a emi asu minu mila ugara lox ase vam nedi limixin gamasa mi levelinga mumu Linintoo; la uga lipe i basinge limixin leklen la limixin diga lox ase.

Metiu 11:26

I ruturun, Tamak. Anai uga lox i mi lodoxoma la lomomo ram.”

Metiu 26:42

La ne Iesu ga vas silatla xakalik ga sev agepura la ga sing, “Tamak. Do ixo epovo una lok pes na lumumuat basinge ia se nia ana lox epovo i, i lox avukat; ana mu asu mun lavavara ram.”

Metiu 26:45

Melemu ni gamlong uto at luvuttadi loklok ka anasa ren la ga lok tidi, “Kereva, move mi unga? Pen ba i nom. Loxonaleng i auret do lara laradi na song araba ia, Laradi Mevana, ri limixin bilinga.

Lagale Lavavang At Ne Iesu Karisito Luk Ga Malagan i 22:44

La neni ga bulu aleng la ga sing lolos tinotno, la lantentelep teren ga sen su ukopok ti laxangka ga ngan lempatkaarum da.]

Lagale Lavavang At Ne Iesu Karisito Luk Ga Malagan i 22:53

At levenaleng axap aga nemen eburu minimi ro xeneng at loogu laplavang, la mi goxo lok tong pen i xusu mina ranga alis ia. Ketla monga at laxanimin tubu, neni loxonaleng at ne Satan, kuren la nemi mi lok na lavanga xapmek at lamain.”

Lagale Lavavang At Ne Iesu Karisito Jon Ga Malagan I 11:41

Diga lok pes lavaruat, la ne Iesu ga milik urut upana la ga lok, “A tong aorong tu Tamak, do u ronga ia.

Lagale Lavavang At Ne Iesu Karisito Jon Ga Malagan I 12:23

La ne Iesu ga lok tidu xeretna, “Loxonaleng mo ia epovo vam kusu ne Moroa na lox asilox ia, Laradi Mevana.

Lagale Lavavang At Ne Iesu Karisito Jon Ga Malagan I 13:21

Iesu ga vaase axav i na la lebelen goxo xis saga avukat. La ga lok keretna, “A tong tuturun i rinimi, do lara mo xantubu atnimi naba song araba ia ri limixin kapmek.”

Lagale Lavavang At Ne Iesu Karisito Jon Ga Malagan I 18:37

La ne Paelat ga sue, “Kereva, nenu loorong silok?” Iesu ga vorang i rin keretna, “I ruturun do nenia loorong silok. Lavasuun at lovotpot tarak ti na lavatbung menemen i lok keretna; ana tong asu luruturun. Do luruturun ik lok at tara, neni ing tonga ia.”

1 Timoti 1:15

Anai levelinga ruturun tidik, ata siam ka i la ata nuunu bok teren. Iesu Karisito ga si ude xopok at na lavatbung menemen kusu ri lox arooro limixin kapmek. Loklok kakapmek tarak i silok aleng ti loklok kakapmek atnedi.

Ibru 2:14

I ruturun do nedi luvuttadi mun, la kerepmo ne Iesu ga vee radi xusu at lanmet teren neni naba sele utut kepe lololos at ne Satan, mo ik lok limixin kusu dinak marat at lanmet.

Ibru 5:7

Ap mo levenaleng ne Iesu ga rooro ren at na lavatbung menemen, neni ga sing eburu mi lerengteng silok ti ne Moroa do na lox arooro i basinge lanmet, la ne Moroa ga sepo lisingising teren la ga lox alolos i mila neni ga lox asi i maxopok at lavavara at ne Moroa.