Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lagale Lavavang At Ne Iesu Karisito Jon Ga Malagan I 10:27 - Madak

27 Laxasipsip tarak ding tonga laxaka rak. Akleklen di, la di mumu asu levelinga rak.

အခန်းကိုကြည့်ပါ။ ကော်ပီ




Lagale Lavavang At Ne Iesu Karisito Jon Ga Malagan I 10:27
26 ပူးပေါင်းရင်းမြစ်များ  

La ne Iesu ga lok ti luvuttadi loklok ka anasa ren, “Mo do tara i vara i do na emu eburu minia, neni na domampe lorooro axap teren, la na gagas li i xusu nap kip losongsongot at levenaleng axap, la neni na mumu asu ba ia.


Pita move ga paase la lusugao gamgames ga ravasi la ga vaa di; la diga ronga laxaka at lara boro at lusugao ga lok, “Ana ne Nuruk, mo a balamu i la a lok momo aleng min. Mina mumu asu levelinga ren.”


Ketla ni ga vorang i ridi xeretna, ‘Nia a tong tuturun i. Axoklen nimi!”


Melemu aba vaase ridi xeretna, ‘Nia xopmen tinotno anaklen nimi. Uto nimi basinge ia, nemi limixin kapmek.”


La ne Iesu ga ven tooro i la ga balamu i la ga lok tin keretna, “Nenu move uk pakes ti legesa vanga. Una sesep mi lempanga axap taram la una raba lempilas ti limixin banbalo la unaba ruuna ka lapnovos silok to vana at laxalibet. La melemu una mumu asu ba ia.”


La ni ga ro xaka limixin mi luvuttadi loklok ka anasa ren la ga lok tidi, “Mo do tara i vara na emu eburu minia, neni na domampe lorooro axap teren la na gagas li i xusu nap kip losongsongot at levenaleng axap la na mumu asu ba ia.


Ketla neni naba lok manga, ‘Axoklen nimi la axoklen i do meva nemi. Uto nimi basinge ia, nemi laxampanga bilinga!’


La neni ga lok ti luvuttadi loklok ka anasa ren, “Mo do tara i vara i do na emu minia, neni na domampe lorooro axap teren, la na gagas li i xusu nap kip losongsongot at levenaleng axap, la na mumu asu ba ia.


Nenia laradi nunuan ti lok tatao laxasipsip, la nenia akleklen mo laxasipsip do atarak, la nedi dikleklen ia,


Leventaba laxasipsip bok mo rak la dixok lok keneng at na loroboro. Aba lok ka bok di ukeneng. La nedi bok diba ronga laxaka rak la diba ngan legesi binam sipsip mene eburu minedi leventaba laxasipsip no dira nemen pam keneng at loroboro la legesa radi loklok tatao sipsip ba lok tatao di.


Nedi luvuttadi vetpes digamgo ria, nedi luvuttadi saksak paxat panga la luvuttadi xipkip pilo, ketla laxasipsip digoxo ronga res atdi.


Do tara i vara i do na lok lugugu rak, neni na lok kaka be loklok tarak, kusu neni ba lok ngan lasaxaruki rak la ba nemen ap mo lenep nenia anak lox e. Ne Tamak naba lox asilox i do neni na lok lugugu rak.”


Iesu ga vorang i rin keretna, “Do nenia a vara i do neni na rooro se at lomlong tarak, nemen uta doma solo i nom. Nenu una mumu asu ia.”


A tong tuturun i rinimi. Laaleng mo i auret la nangai ira vot pam la limixin diga met pam diba ronga linga rak, ne Nitna ne Moroa; la do nedi dina ronga res tarak, diba roo.


La ne Iesu ga vaase manga ri limixin keretna, “Nia laxasep at na lavatbung menemen. Do tara na nuunu rak, neni naba ruuna ka laxasep at lorooro, la kopmen noxot pas at lamain.”


Tila mixo xasep at levelinga rak? Lavasuun teren keretna, nemi mixo epovo do mina siam ka levelinga rak.


Do tara i xopara na ronga levelinga ren, neni naba nemen petpes basinge mo limixin ne Moroa ga soxolik ka vam nedi do ateren to at lorooro melemu; la ne Moroa naba sev amet nedi axap ding tonga xepe levelinga ren.” Len 18:15,18,19


Ketla do laradi i balamu aleng ne Moroa, ne Moroa ikleklen avukat mo laradi.


Ketla amo manga miraklen ne Moroa, i ruturun aleng do ne Moroa iklen nemi; ira lok bok ba mo xereva la miramlong mu manga mo leveloklok la leventaangas gamasa at Lenavolo la mira lok li nimi maxopok teren? Tila la mira vara manga i xusu mina lok ngan lavaanat saxaruki at na laxaloklok?


Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16


Nedik limixin at ne Karisito, kuren la nemen mita ronga xepe levelinga ren. I ngan levelinga at Lovoang Kaala, Loroonan Kaala ga vaase i xeretna, “At na loxonaleng do mina ronga levelinga at ne Moroa,


Nedi mun na limixin di goxo lok taxakapmek maxamang at lixitkis epot, mila diga tu asepsu basinge loklok ti elong ka. Nedi na limixin di mumu amisik Lanasip; Moroa ga un ka amlong di xantubu at limixin la diga lok ngan levempipisik avot ti ne Moroa la Lanasip.


Mina ronga i na. A tu ro at lumusaragu la ap dipdi; la do tara i ronga xibis laxaka rak la na suang lumusaragu, aba vubeles ukeneng at loogu ren la mana anan eburu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ