Lagale Lavavang At Ne Iesu Karisito Jon Ga Malagan I 1:14 - Madak

¹⁴ Lavapaase ga vee radi la ga nemen kantubu atnama. Maga ven lisisixam teren, la ni ga umsu mi letaba nabalamu la levelinga ruturun at ne Moroa. La mo lisisixam neni ga lok ka i ngan legesamdak at ne Temen.

Lagale Lavavang At Ne Iesu Karisito Jon Ga Malagan I 1:14 ပူးပေါင်းရင်းမြစ်များ

Sam 2:7

Loorong Silok i lok, “Anaba vaase asu bok levempanga Leeme Silok i tong ali i. La ni ga lok tia, ‘Nenu ne Nuruk; ningina nia a lok ngan ne Tamam.

Sam 45:2

Loorong, nenu lampeneves, kopmen tara na lok ngan u. Levelinga ram ik sixit nunuan amisik. Moroa ik lox anarong amisix u.

Sam 85:9

Tuturun tinotno do neni i gagas kusu tik lox asepsu nedi dik lok ngangao ren, la mo loklok tooro ren naba nemen amisik eburu minedik at na lenep kangka atnedik.

Metiu 1:16

Jakop neni ne temen ne Josep, latlok at ne Maria, nenen ne Iesu, ga ruuna ka laasen do Lanarong.

Lagale Lavavang At Ne Iesu Karisito Luk Ga Malagan i 2:11

Lingina at na laaleng to at lemenemen at ne Devit, Laradi Loklox Arooro atnimi dira visik pam i; neni Lanarong la Leeme Silok!

Lagale Lavavang At Ne Iesu Karisito Luk Ga Malagan i 2:7

La ni ga visik lamdak temes avot teren, la ga bom i mi leventamon la ga vaxamdi i ro at loxot anan at laxanbulumaxao, mila goxopmen toxot tidu ri nemen to at loogu mikmidi.

Lagale Lavavang At Ne Iesu Karisito Luk Ga Malagan i 9:32

La ne Pita eburu mi larapen tangas teren diga unga met, ketla diga aus kaxat la diga ven lisisixam silok at ne Iesu la luradi mo duga tu eburu min.

Lagale Lavavang At Ne Iesu Karisito Jon Ga Malagan I 1:1

Ganoxa at lereot lavapaase mo gara nemen pam; la neni gak lox eburu mi ne Moroa, la neni ga epovo mun mi ne Moroa.

Lagale Lavavang At Ne Iesu Karisito Jon Ga Malagan I 11:40

Iesu ga lok tin, “Kereva, nenia agoxo tong box i ru do uba ven lololos at ne Moroa mo do una nuunu?”

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lagale Lavavang At Ne Iesu Karisito Jon Ga Malagan I 14:9

Iesu ga lok tin keretna, “Pilip, aga nemen amisik eburu minu la nu xovisi unaklen ia do? Do lara ira ven pam ia, neni ira ven pam ne Tamak. Ixo epovo do una tong i do, una lox ase nama mi ne Tamam.

Lagale Lavavang At Ne Iesu Karisito Jon Ga Malagan I 17:22

Aga raba nedi mi lisisixam, kerekngan uga raba ia min, kusu nedi diba ngan legesara, kerekngan neda di ngan legesara.

Lagale Lavavang At Ne Iesu Karisito Jon Ga Malagan I 17:24

Tamak. Uga raba vam ia midi, la a vara i xusu dina nemen eburu minia ap mo lenep nenia ana nemen e, kusu diba ven lisisixam tarak, mo lisisixam nenu ga raba ia min, mila uga balamu ia avot ti luruntudum li at na lavatbung menemen.

Lagale Lavavang At Ne Iesu Karisito Jon Ga Malagan I 18:37

La ne Paelat ga sue, “Kereva, nenu loorong silok?” Iesu ga vorang i rin keretna, “I ruturun do nenia loorong silok. Lavasuun at lovotpot tarak ti na lavatbung menemen i lok keretna; ana tong asu luruturun. Do luruturun ik lok at tara, neni ing tonga ia.”

Lagale Lavavang At Ne Iesu Karisito Jon Ga Malagan I 2:11

Nai lavanga sangsangu avot tinotno ne Iesu ga lox i. Ni ga lox i na ro Kena at lenep silok Galili; neni ga lox asuusu lisisilok teren go, la luvuttadi loklok ka anasa ren diga nuunu ren.

Lagale Lavavang At Ne Iesu Karisito Jon Ga Malagan I 3:16

Moroa ga balamu rinotno limixin axap at na lavatbung menemen, kuren la ni gam taba mi legesa madak mun teren, kusu do nege i nuunu ren, neni noxo seeve, ketla neni naba ruuna ka lorooro avolo.

Lagale Lavavang At Ne Iesu Karisito Jon Ga Malagan I 3:18

Do nege i nuunu at ne Nitna, neni noxo lok kaka loxokoxo; do nege xopmen na nuunu, neni ira sok ka vam loxot tin, mila neni xopmen na nuunu at legesa madak mun at ne Moroa.

Lagale Lavavang At Ne Iesu Karisito Jon Ga Malagan I 6:51

Nenia lakde at lorooro la aga si boro vana at laxalibet. Do tara na anan at na lakde, neni naba rooro amisik. Na lakde, ni levenuut tarak. Aba raba i ri limixin axap kusu diba rooro.”

Lagale Lavavang At Ne Iesu Karisito Jon Ga Malagan I 8:32

La kerepmo mibaklen levelinga ruturun at lorooro, la mo levelinga naba lox asepmus nemi.”

Leven Gugu 13:33

La mo laxakaape ira sorun pam tinedik luvuttubuno avolo atnedi limixin me Israel keretna; Moroa ga lox aroo amlong ne Iesu basinge lanmet. I lok ngan mo levelinga ik lok at levempikpixan sepsev agepura at ne Devit. Moroa ga lok keretna, ‘Nenu ne Nuruk la Lanarong, lingina a lox u, i ngan Loorong Silok.’ Sam 2:7

Lovoang At Ne Pol Ti Limixin Nunu to Rom 8:3

Lenavolo goxo epovo ri lox arooro limixin atla limixin diga ruuna laxakapmek keneng at lorooro atdi; ketla ne Moroa ga lox arooro dik, neni ga riki asi lamdak tinotno ren, la neni ga lok kepe laxapmek keneng at limixin. La ni ga ruuna ka labantuxu ngan labantuxu at limixin kusu na raba lorooro ren ngan laxaavuk.

Lovoang At Ne Pol Ti Limixin Nunu to Rom 9:5

Nedi lubungmixin diga ravasu at loxongkulao silok at ne Moroa me gano. La ne Karisito, neni ga vot ngan laradi, neni at nedi na lubungmixin. Ata emi asu mi laasen at ne Moroa neni i lok tatao lempanga axap la kopmen taxavaxap teren! Tuturun.

1 Korin 15:47

La ne Adam, ne Moroa ga rudum li i mi laxakup at laxangka, ketla ne Karisito, neni ga si boro vana at laxalibet.

2 Korin 12:9

Ketla ni ga vorang i ria xeretna, “Letaba nabalamu rak tu i epovo xuren, mila lololos tarak naba gugu lolos aleng mo do a lox asuusu i ri limixin, at levenaleng di molobe.” Kuren la aba lok momo aleng tinotno ri mo leveloklok molo rak, kusu mo lololos at ne Karisito naba nemen keneng tarak.

Galesia 4:4

Ketla loxonaleng ga vot ne Moroa ga vit li i, neni ga riki ne Nitna rinotno. La neni ga ravasu ngan lamdak at latkin at na lavatkangka, la neni gak lok maxopok at Lenavolo at leme Judaia,

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Kolosi 1:19

At lodoxoma axa at ne Moroa do ne Nitna, naba venaxa ka ren,

Kolosi 2:3

Neni mun lengki ti suang mo lodomdoma lipe, kusu limixin diba epovo dinaklen ka mo lodoxoma la lakleklen silok at ne Moroa.

Kolosi 2:9

Lampenaxa at ne at Karisito i lok ngan mun ne Moroa; neni ga lox asuusu nom leveloklok de xopok at na lavatbung menemen ngan laradi.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Ibru 1:3

Ne Nitna i lox asuusu lisisixam at ne Moroa la ni lampenaxa rinotno ren. Ne Nitna i lok tatao levempanga axap at na lavatbung menemen la mo levempanga i mumu asu levelinga ren i lolos aleng. Neni ga lok langas ti limixin kusu dina dadat basinge laxakapmek; melemu at na, neni ga xis to at lekngen tino at ne Moroa i silok to vana at laxalibet.

Ibru 1:5

Moroa goxo vaase ri tara ta angelo do, “Nenu ne Nuruk, ningina nenia a lok ngan ne Tamam.” Sam 2:7 La ni goxo vaase mumu taangelo xeretna, “Nenia aba lok ngan ne Temen, la neni ba lok ngan ne Nuruk.” 2 Sml 7:14

Ibru 10:5

Kuren la ap mo loxonaleng ne Karisito ga lok do na si ude at lavatbung menemen, neni ga lok ti ne Moroa xeretna, “Labalam goxo ru levelaplavang la leventamtaba, ketla ugam doma gagas kusu uba riki asi ia la anaba vee radi ngan limixin kusu anaba raba u minia ngan laplavang.

Ibru 2:11

Ne Iesu eburu minedi limixin ni ga lox adadat di, dik lok keneng at legesa xitkis koetemen. Kerepmo la ne Iesu neni i lok momo aleng ti tong di do luvutneton.

Ibru 5:5

La ne Karisito bok kopmen goxo xip ka mo lugugu silok at lamaasa gomgo mi lavavara ren. Ketla ne Moroa ga lok tin keretna, “Nenu ne Nuruk, ningina nenia a lok ngan ne Tamam.” Sam 2:7

1 Jon 4:14

La nema magara ven pam ne Nitna la ma tong asu i dola ne Temen dik ga riki ne Nitna ngan Laradi Loklox Arooro ri limixin at na lavatbung menemen.

1 Jon 4:9

La ne Moroa ga lox asuusu labalamu ren tinedik keretna, neni ga riki legesamdak teren ude at na lavatbung menemen, kusu nedik taba ruuna ka lorooro avolo ma xeneng at lugugu ren.

2 Jon 1:7

Buaang nedi luvuttadi sosolo arup diga vas epeseves su uto at na lavatbung menemen. Mo limixin kopmen na tong asu i dola Iesu Karisito ga vot ngan laradi ruturun. Luvuttadi xerepmo nedi lavaanat sosolo arup, la di munepen mi ne Karisito.

Lisilimet 19:13

La mo lavanga singsigaara ren i umsu mi lada la laasen ap mo laradi ne ‘Levelinga at ne Moroa.’

Lisilimet 21:3

La aga ronga luxupkup silok boro at loxonin orong at ne Moroa ga lok, “Mina ven ba i, lemenemen aulis at ne Moroa monga ira si vam la neni nak lok eburu mi limixin. La ne Moroa naba nemen eburu minedi, la nedi diba lok ngan limixin teren, la ni naba nemen ngan ne Moroa atdi.