Galesia 6:2 - Madak

² Mina ekip tooro ela mi levenmumuat atnemi; do mina lox i xuren, i lok ngan pam do ming tonga res at levelinga at ne Karisito.

Galesia 6:2 ပူးပေါင်းရင်းမြစ်များ

Metiu 8:17

Kerepmo ne Iesu ga lox asorun levelinga at leeme vapaase alii ne Aisaia, i lok keretna; ‘Neni ga lox alolos nama basinge levenainmolo la ga lox aroo nama basinge levenanmeres.’ Ais 53:4

Lagale Lavavang At Ne Iesu Karisito Luk Ga Malagan i 11:46

Iesu ga vorang i rin keretna, “Naba lok kapmek tinotno bok tinimi luvuttadi loklox ase at Lenavolo mila mi lok li levenaknixip melemu at levenantuno atdi limixin, la i lolos aleng kusu dinap kiv i, ketla nemi xa kopmen mina song asu lixilik mi tanatsivisip atnimi xusu mina lok tooro di tip kip mo lumumuat.

Lagale Lavavang At Ne Iesu Karisito Jon Ga Malagan I 13:34

Levelinga maxat na ana raba nimi min; mina ebalamu ela xeneng atnemi xerekngan nia aga balamu nimi.

Lagale Lavavang At Ne Iesu Karisito Jon Ga Malagan I 15:12

Lavapaase rak keretna, mina ebalamu ela minimi xerekngan nia a balamu nimi.

Lovoang At Ne Pol Ti Limixin Nunu to Rom 15:1

Nedik lunuunu atnedik i lolos, ata xip tooro nedi dixo lolos mi levenaknixip atnedi. La nemen gat dik guta doma xusuk mene nedik la ata lox amomo dik.

Lovoang At Ne Pol Ti Limixin Nunu to Rom 8:2

atla keneng at ne Iesu Karisito, Loroonan Kaala ga raba dik mi lorooro la gara lox asepmus pam dik basinge lololos at laxapmek eburu mi lanmet.

1 Korin 9:21

La kerepmo bok do ana nemen eburu mi limixin kopmen me Judaia, la di nemen maxamang at Lenavolo, loklok tarak na ngan loklok atnedi xusu dina nuunu at ne Karisito. Anai, kopmen lavasuun teren do a ronga xepe Lenavolo at ne Moroa, ketla a nemen tinotno maxopok at lavavara at ne Karisito.

Galesia 6:5

La nedik axap ata lok tatao avukat luruptuvuk atnedik getgesara.

1 Tesalonia 5:14

Luvutnetak mi luvurinuk. Ma tong i rinimi do mina paase alolos nedi dik molo. La mina paase tooro nedi dik marat soso. La mina lok tooro nedi lunuunu atdi xopmen na lolos, la minat kis mulus mi limixin axap.

Jems 1:25

Ketla do tara i ven kibis mo levelinga i nunuan aleng, mo levelinga naba lox asepmus i basinge loxokoxo at laxakapmek. Do neni nang tonga amisix i la noxo domampe i, ketla na gu mu asu i, Moroa naba lox anarong i at lempanga ni i lox i.

Jems 2:12

Lavapaase la loklok atnimi na lox avukat axap mila ne Moroa naba lok li nimi at lavapaase mo do loklok atnimi kopmen na epovo mi levelinga ren, mo ik lox asepmus nedik.

Jems 2:8

Nemi miba lok levempanga ik mokso, mo do mina mu asu mo levelinga i silok aleng la ik lok keneng at Lovoang Kaala, mo i lok keretna, “Mina balamu limixin petpes ngan mi balamu nimi.”

1 Pita 2:24

Ne Karisito axa neni ga xip leveng kakapmek atnedik keneng at labantuxu ren uto at laxaba kusu nedik tanaba sepmus basinge loklok kakapmek atnedik la ata rooro tik lok leveloklok ik mokso. La nemi mi lox avukat pam mumu mun laranin kooxing teren.

2 Pita 2:21

Gitaba lox avukat tinotno rinedi xusu di gitoxoklen langas at lomokmokso; la i lok kapmek tinotno mila di garaklen pam i la melemu diga repukus basinge manga mo levelinga xaala ne Moroa ga raba nedi min.

2 Pita 3:2

A vara i xusu anak lox adoxoma aklen nimi mi levelinga me gano at luvuttadi vapaase alii at ne Moroa la levelinga at Leeme Silok atnedik la Laradi Loklox Arooro; la ni na levelinga, luvuttadi vavang diga paase nemi min.

1 Jon 4:21

Mo lavapaase ne Karisito gara raba vam dik min i lok keretna; do tara i balamu ne Moroa, neni na balamu bok neton.