Galesia 6:12 - Madak

¹² Nedi limixin dik lok tong pen i xusu dinak sok aruru parang nemi do ri rivit kepe lengkontuxu atnemi; nedi luvuttadi dim simi aurut nedi mumu lavatpas atdi keneng at Lenavolo. La dik lok mene nga i xusu di naba sepsu basinge losongsongot mumu laxaba at ne Karisito.

Galesia 6:12 ပူးပေါင်းရင်းမြစ်များ

Metiu 23:27

Naba lok kapmek aleng tinimi luvuttadi loklox ase at Lenavolo eburu minemi lubung Parisi. Nemi lavapen aala. Mi ven ngan tinotno lempat maaut diga mo anbun i, i ven avukat to ma xamang, ketla no ma xeneng i umsu mi laxasi tongan la laxanorang.

Metiu 23:28

Kuren la nemi bok mi lok ngan i nom, ma xamang atnimi, limixin di ven nimi ngan luvuttadi mokmokso la mi mumu asu Lenavolo, ketla ma xeneng at lebelen nimi mi umsu mi loklok at lavapen aala la loklok kakapmek aleng tino bok.

Metiu 23:5

Lempanga axap dik lox i xusu limixin diba reven di la dina emi asu midi. Lavasuun mun at nai dik lok lengkonbokis lixilik tik lok li levelinga at ne Moroa ro xeneng teren; la mo lengkonbokis i silok ti mo lengkonbokis at limixin. La ding siga levempanga singsiga ri loxonaleng singising la dik lox asuusu i do di baalom aleng kusu dina lox ase limixin do nedi limixin tuturun.

Metiu 5:10

Luvukat mo ik lok tinedi dip kip levesongsongot mumu loklok mokmokso at ne Moroa, mila diba ruuna ka lixitkis to xeneng at Linintoo no vana at laxalibet.

Metiu 6:16

La ne Iesu ga lok bok tidi, “La do mina mun an, nemen gat mita ven bukbulu, i ngan lavapen aala di mumu asu i. Dit pas saasaa ro xantubu at limixin kusu limixin diba reven lemeren di do nedi mo di mun an. A tong tuturun i rinimi do luunun atdi, dira lok ka axap pam i.

Metiu 6:2

Kuren la, do mina raba tavanga ri taradi banbalo, nemen mita tong asu i na ro melamgo at limixin axap kerekngan lavapen aala, dik lox i ro xeneng at laraugu singising la to at larangas. Dik lox i xusu limixin diba emi asu midi. A tong tuturun i rinimi do luunun atdi dira lok ka axap pam i.

Metiu 6:5

Do mina ngising, nemen mitak lok ngan luvuttadi vempen aala. Di vavara aleng i do dina tu la dina ngising to xeneng at laraugu lotu la to bok at larangas etang kusu limixin diba reven di. A tong tuturun i rinimi do dira lok ka axap pam luunun atdi.

Lagale Lavavang At Ne Iesu Karisito Luk Ga Malagan i 16:15

La ne Iesu ga lok tidi, “Nemi vam nom mik lok do minak mokso at lemeren limixin, ketla ne Moroa ikleklen i do keneng at lebelen nimi i umsu mi laxakapmek. Do lavanga salai limixin di doxoma i do i silok aleng, nom i ngan lavanga gamasa at lemeren ne Moroa.

Lagale Lavavang At Ne Iesu Karisito Luk Ga Malagan i 20:47

la di lok kaka gamasa lempanga at lubungnaa rixin, la di ngising babaalom kusu limixin diba lok ngangao atdi. Losongsongot tidi naba lok kapmek aleng tinotno!”

Lagale Lavavang At Ne Iesu Karisito Jon Ga Malagan I 7:18

Laradi do i paase aru xa i, neni i ngan do i lox asilok axa i. Do tara i vara i do na lox asilok mo lara ga riki i, neni i paase ruturun la kopmen taxaxarang na nemen teren.

Leven Gugu 15:1

Lentaba luvuttadi nuunu diga la boro Judaia uto Antiok la diga lok ti luvuttadi nuunu mego keretna, “Nemi xopmen mi noxo lok ka lorooro do xopmen mi noxo vit kepe lengkontuxu atnimi xerekngan Lenavolo at ne Moses i tong i.”

Leven Gugu 15:5

Ketla lentaba luvuttadi nuunu, nedi lubung Parisi diga xatu kaxat la diga vaase lolos keretna, “Nedi mo limixin kopmen di me Judaia dina rivit kepe lengkontuxu atnedi la ata tong box i ridi do dina mumu asu Lenavolo at ne Moses.”

2 Korin 10:12

Maxo lok do mana mii poovo nema ri leventaba la mana ila mumu nema rinedi leventaba di lok do di silok aleng. Ketla di soxovo lorooro atnedi mi leventaba atdi xa, la dira ila mumu nedi ri leventaba atdi xa, nedi xopmen dinaklen tempanga.

2 Korin 11:13

Limixin kerepmo kopmen di luvuttadi vavang tuturun. Nedi luvuttadi vavang kaxarang la di xaxarang mi leven gugu atdi la dik lok poovo i xusu dina ven ngan luvuttadi vavang at ne Karisito.

Galesia 2:14

Kuren la at loxonaleng nia aga ven i do nedi di goxo mu asu langas mokmokso mi luruturun at Lagale Lavavang, aga vaase ri ne Pita ro melamgo rinotno atnedi axap keretna, “Nenu laradi me Judaia, ketla nenu nom e, u mumu asu leveloklok at limixin kopmen di me Judaia, la uxop tuvuk ngan laradi me Judaia. Kuren la ua lavasuun teren la u sat ka limixin kopmen di me Judaia xusu dina mumu asu leveloklok at leme Judaia?”

Galesia 2:3

Ketla diga siam mu levelinga atnama mi ne Taitas, laradi loklok tooro rak. Neni laradi xopmen i me Judaia, la di goxo tong i do ni na vit kepe toxontuxu ren.

Galesia 5:11

Luvutnetak mi luvurinuk. Lentaba di tong i do nenia move a vavang do loklok ti rivit kepe levengkontuxu i lox avukat. Do kuren, tila ba la leme Judaia move di lox asongor ia? Dola amo langas ti rivit kepe lengkontuxu i ruturun, naba milik ngan ta do levempavang tarak mumu laxaba at ne Karisito, noxo vaxaru kaxat tepenekarakat.

Galesia 6:13

La nedi bok no dik lox arala xaka di mi livirivit kepe lengkontuxu atdi, nedi dixong tonga res at Lenavolo; di vara i do dina rivit kepe lengkontuxu atnemi xusu dina lox aurut levenasen atdi mila mi ronga res atdi la mi rivit kepe lengkontuxu atnemi.

Pilipai 1:15

I ruturun leventaba di vavang mi ne Karisito kusu ri lox asilok levenasen atdi, di umsu mi loklok ti ngaongao ri lempanga at lentaba vetpes la loklok tik lox asilok di; ketla leventaba di vavang mi luruptuvuk atdi i nunuan.

Pilipai 2:4

Nemi getgesara nemen gat mita reven mun ti levempanga nemi mi vavara rin, ketla i lox avukat do mina reven bok ti levempanga luvuttadi vetpes di vavara rin.

Pilipai 3:18

Agara tong amisik pam i rinemi ganoxa, la na ana tong amu box i mi lainbulu silok, do buaang atnedi diga sok tixirixes kepe levelinga at lanmet at ne Karisito ro vana at laxaba ngan nedi lavamunepen min.

Kolosi 2:23

Di ven tai mo leventaangas do i ruturun mila nedi di mumu asu i, di lotu amisik, la dik lok poovo i do di lox asi aleng lorooro atdi la dik lox asi aleng labantuxu atdi; ketla mo leventaangas kopmen na lok tooro di kusu dina ke xepe leveloklok kakapmek at labantuxu.