Galesia 6:10 - Madak

¹⁰ Kuren la amo nga nedik move di ruuna levenaleng, i lox avukat do atanak lok loklok i lox avukat ti limixin axap, i ngan tinedi rinotno bok dik lox eburu minedik keneng at lunuunu atnedik.

Galesia 6:10 ပူးပေါင်းရင်းမြစ်များ

Sam 37:27

Mina repukus basinge laxapmek la minak lok lununuan. La kerepmo livipisik li atnimi dinaba nemen amisik at lenep kangka aulis atdi;

Sam 37:3

Ketla nemi mina nuunu saga at Leeme Silok la mina lok luvukat mun, kusu minaba nemen at lenep kangka aulis atnimi la minaba rooro avukat.

Metiu 10:25

I epovo do lamdak loklox ase na ngan mun leeme loklox ase ren; la lasaxaruki na ngan mun laradi gomgo ren. Mo do limixin dina so asen laamgomgo at lixitkis koetemen mi ne Belsebul, diba so asen gilipu levenasen atdi axap di nemen keneng ap mo loogu mi levenasen kapmek!”

Metiu 12:50

Neni mun i mu asu lavavara at ne Tamak no vana at laxalibet, neni netak, kopla neinuk, kopla ne naga.”

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Metiu 5:43

La ne Iesu ga lok bok tidi, “Miga ronga bok pam i, diga tong i do, ‘Mina balamu larapen tangas atnimi, la mina lox angtungun tidi di munepen minimi.’

Lagale Lavavang At Ne Iesu Karisito Mak Ga Malagan I 3:4

La ne Iesu ga sue lubung Parisi xeretna, “Lavanga salai Lenavolo i siam min kusu ata lox i at laaleng kaala? Ti lok tooro laradi kopla ti lox asongor i? Ti lox arooro laradi kopla ti lok kapmex i?” Ketla di goxo vorang i.

Lagale Lavavang At Ne Iesu Karisito Luk Ga Malagan i 6:35

Mina balamu limixin dit kis munepen minimi, la mina lok luvukat tidi; mina raba di mi lempanga la nemen gat mita sing amlong tin. Do mina lok na lempanga avukat, miba ruuna ka langsangan luunun, la nemi miba ngan laxamdak at ne Moroa Silok Aleng. Mila Moroa ik lox avukat tinedi limixin kopmen dinak lox avukat tin la tinedi bok dik lok laxakapmek.

Lagale Lavavang At Ne Iesu Karisito Jon Ga Malagan I 12:35

Iesu ga vorang i ridi xeretna, “Laxasep at ne Moroa noxo nemen abao eburu minimi. At lavatpas atnimi at na lavatbung menemen, mina nemen at laxasep mila laxasep move i nemen eburu minimi, kusu laxakapmek noxo los kis pavaa nimi ngan lamain; mila lara do it pas at lamain ixokleklen i do neni it pas ua.

Lagale Lavavang At Ne Iesu Karisito Jon Ga Malagan I 9:4

Levenaleng na ik lok kusu atak lok lugugu ap mo lara ga riki ia ude. Ketla laaleng naba vot la ata noxo epovo xusu ata gugu. I lok ngan laxangking move i soosoo la ata lok leven gugu, ketla dola lamain na vot, ata noxo gugu bok ba.

Leven Gugu 6:7

La levelinga at ne Moroa ga epeseves. Leexes at limixin nuunu ro Jerusalem ga uturut amisik mene la buaang atnedi lavamaasa diga lok kaka lunuunu maxat ap mo Lagale Lavavang.

2 Korin 2:8

Kuren la a sing alolos nemi do mina lox asuusu amu bok mo labalamu atnemi rin.

Galesia 1:23

Digakleklen mun levempanga, leventaba vetpes diga paase di min keretna do, “No laradi gak lox asongot limixin nuunu, neni na i vavang mi mo lunuunu, neni gak lok tong i do na sele utur i.”

Epesas 2:19

Kuren la nemi limixin kopmen me Judaia kopmen mina lok ngan bok ba limixin kadiong. Nemi lavaanat at Linintoo ren eburu mi limixin teren la i lok ngan ta do mi nemen at loogu at ne Moroa.

Epesas 3:15

Neni i so asen limixin teren mi laasen loklox avolo ren, nedi boro vana at laxalibet la nedi bok at na lavatbung menemen, nedik axap di lok ngan legesa bungmixin.

Epesas 4:28

Mo laradi xipkip pilo gutap kip pilo bok ba. Ketla neni na lok lugugu mi lukngen la na lok leven gugu nunuan kusu neni na epovo na lok tooro nedi limixin pakpakes.

Epesas 5:16

Amisik mina gagas kusu mina lok leven gugu at ne Moroa, mila na levenaleng i umsu mi laxakapmek.

Pilipai 4:10

Nia a lok momo aleng keneng at lorooro rak eburu mi Leeme Silok mumu mo laramtaba miga raba ia min. Gano loklok tooro atnimi ria ga xap ketla miga lok kaxat manga i. Aklen i do labalamu atnimi saparav ia goxo xap, ketla mi goxo lok epovo mene i, atla goxopmen tangas tinimi.

Kolosi 4:5

Mina ruuna ka loklok nunuan at lorooro atnimi rip tuvuk avukat saparap nedi nom kopmen dina nuunu; la mina gagas at levenaleng axap ti tong asu Lagale Lavavang tidi.

1 Tesalonia 5:15

Nemen gat tara guta vorang laxakapmek mi laxakapmek. Ketla mina lolos amisik kusu mina lox asuusu loklox anare kantubu atnimi la limixin petpes bok.

1 Tesalonia 5:21

La mina lok tong pen levempapaase maxat; minam tebeng lolos mo levelinga i lox avukat

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Taitas 3:8

Na levelinga mumu loklox arooro at ne Moroa i ruturun; la una lolos ti tong asu amisix i ri limixin nuunu me Krit, kusu dina lolos ti lok leven gugu nunuan. Na leven gugu nunuan i lox avukat la i lok tooro limixin axap.

Ibru 13:16

La nemen mita domampe loklok tik lok lununuan la loklok tim taba panga nedi dik pakes, mila ana leveloklok i lok ngan laramtaba atdik ti ne Moroa la neni i momo ren.

Ibru 3:6

Ketla ne Karisito i ruturun at lugugu ri lok tatao limixin at ne Moroa xerekngan lanarong i lok tatao libibinat teren. Do atam tebeng lolos lunuunu atdik la tana ngangais mi lomomo ri lomlong teren, i lox asuusu i do nedik limixin at ne Karisito.

Ibru 6:10

Moroa neni laradi mokmokso la neni noxo domampe leveloklok nunuan nemi miga lox i, la mo labalamu nemi miga lox asuusu i at laasen teren ap mo levenaleng miga lok tooro limixin teren la move mik lok tooro di.

1 Pita 2:5

Nemi bok mira lok ngan pam larauat too rip kip gu, la ne Moroa xa i xip loogu laplavang minemi, kusu nemi minaba gugu ngan lavamaasa at ne Moroa; la minam taba i mi leventamtaba at loroonan mo ne Moroa naba siam kaka i xeneng at ne Iesu Karisito.

1 Pita 4:17

Laaleng ira auret pam ti laaleng ete na ru kaxat, la ne Moroa naba viila mumu avot be loklok at limixin tinotno ren. Do na ru kaxat avot minedik, naba lok kapmek tinotno rinedi, dixo ronga res at Lagale Lavavang at ne Moroa.

1 Jon 5:1

Do tara i nuunu do ne Iesu neni Lanarong at ne Moroa, i lox asuusu i do i ruuna ka vam livipisik amaxat at lorooro ren keneng at ne Moroa; la do tara i balamu ne Temen, i balamu bok limixin at ne Moroa.

3 Jon 1:10

Kuren la do nenia ana vot saparap nimi, anaba tong asu axap lempanga neni ira lok pam i, mo i lok kapmek; ik lok levempapaase ren mumu nama ua i lok kapmek aleng. Neni xopmen nak lok mene nga mo loklok, ketla neni ixok lok tooro bok luvuttadi vavang do dit pot to at lemenemen teren la neni ip sep pepe limixin at lotu mo di vavara nak lok tooro mo luvuttadi vavang; la ik lok kepe bok mo limixin basinge lixitkis keneng at lotu.

3 Jon 1:11

Lentangas tinotno rak. Nemen gat uguta mu asu loklok at luvuttadi xapmek; ketla una mu asu leveloklox avukat. Do nege i lok leveloklox avukat, neni at ne Moroa; la do nege i lok laxakapmek, neni kovisi na ven kibis ne Moroa.

3 Jon 1:3

Nenia aga lok momo aleng at loxonaleng leventaba at luvutneton dik diga rupot la diga vaase asuusu lorooro ram, do u ruturun amisik, i ngan do lorooro ram ik sixit emu mi levelinga ruturun at ne Moroa.