Galesia 5:13 - Madak

¹³ Luvutnetak mi luvurinuk. Lorotoro gak lok tinemi xusu minaba sepmus basinge leveloklok la leventaangas at Lenavolo. Ketla nemen gat mi guta ke na loklok at lesepsepmus basinge Lenavolo na lok ngan mun lavanga ri sisiam avolo nemi xusu lorooro at labantuxu atnemi na sasat nemi. Ketla mina ke labalamu ri lok tooro nemi xusu minaba elok tooro ela,

Galesia 5:13 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 4:18

‘Loroonan Kaala at ne Moroa i nemen tarak, mila ira soxolik ka vam ia xusu ana vavang mi Lagale Lavavang tinedi limixin banbalo. Ira sak tiki vam ia xusu ana tong asu langas ti soxomus asu limixin di nemen at loxokoxo, la ana lox arepalas lengkatli atnedi luvuttadi mi lengkatli atdi i main; la ana soxomus asu limixin di baava mi laxanmumuat at na lavatkangka;

Leven Gugu 20:35

At lempanga axap nia aga lox i, aga lox ase nimi do mina lolos kusu mina lok tooro mo limixin banbalo. Mina lox i xuren mila ne Iesu ga lok keretna, ‘I lox avukat do tara i lok kaka levempanga, ketla i lox avukat aleng do tara na raba levempanga ri laradi vetpes.”

1 Korin 8:9

Ketla nemi limixin sepmus mina lok tatao avukat nemi, kusu mo loklok atnemi mumu mo lempanga anan noxo lox asubu lunuunu atnedi xopmen dina lolos.

1 Korin 9:19

Nenia laradi sepmus mun, ketla nenia a lox ia ngan lasaxaruki at limixin axap kusu anaba lok ka buaang nedi limixin ukeneng, kusu dina nuunu at Lagale Lavavang at ne Iesu.

2 Korin 12:15

Kerepmo aba lok momo aleng do ana raba axap lorooro rak, mi levenaleng tarak, la lololos tarak kusu ri lok tooro nimi. Kereva, ixo epovo do mina balamu lixilix ia xerekngan nia a balamu aleng tinotno nimi?

2 Korin 2:8

Kuren la a sing alolos nemi do mina lox asuusu amu bok mo labalamu atnemi rin.

2 Korin 3:17

Loroonan, neni nom Leeme Silok la nedi limixin ua Loroonan at ne Moroa ik lok atnedi, diba sepmus basinge lololos at laxapmek.

2 Korin 4:5

Nema maxo vavang minama xa, ketla ma vavang asu mi ne Iesu Karisito ngan Leeme Silok; la nema ma lok ngan lavasaxaruki atnimi mumu lugugu at ne Iesu.

Galesia 2:4

Ketla leventaba diga vara i xusu dina vit kepe lengkontuxu at luvuttadi nuunu xopmen di me Judaia, la digak lok labala ngan nedi luvuttadi nuunu la nedi na lemet tadi digak beles mun at libinam atnema ngan luvuttadi vereven alii; la diga vavara mun i xusu dinang long terek lesepsepmus tinotno basinge Lenavolo nema magak lok kaka i xeneng at ne Iesu Karisito. Diga vara mun i xusu dinak lok ka nema ukeneng at leveloklok atnedi, la manak lok maxopok at leventaangas at Lenavolo.

Galesia 4:22

I paase xeretna do, ne Abaram, ga ruuna legepu madak, ga lara lamdak at latkin asaxaruki ren, la lara at latkin tinotno ren.

Galesia 5:1

Nedik di sepmus tinotno, mila ne Karisito gara lox asepmus pam nedik basinge leveloklok la leventaangas at Lenavolo. Kuren la mina tu lolos at lunuunu atnimi, la mi guta ke xepe bok ba lorooro atnemi la nak lok ngan manga lavaanat saxaruki at Lenavolo.

Galesia 5:14

mila lasangaun Lenavolo axap dik lok mene nga at legesa ngas linga xeretna, “Una balamu limixin ngan pam do u balamu axa u.”

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 6:2

Mina ekip tooro ela mi levenmumuat atnemi; do mina lox i xuren, i lok ngan pam do ming tonga res at levelinga at ne Karisito.

Epesas 5:21

Mina lox asi nimi maxopok at luvutneton nemi kusu miba lox asuusu loklok ngangao atnemi ri ne Karisito.

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

1 Pita 2:16

Minap tuvuk avukat ngan limixin sepmus at ne Moroa; la nemen gat miguta se bopbop pe laxapmek atnemi mi leveloklok sepse at lemeren mun at limixin; ketla minap tuvuk ngan lavaanat saxaruki at ne Moroa.

2 Pita 2:19

Di tong taba limixin do dinaba sepmus basinge Lenavolo, ketla nedi xa, di nemen at loxokoxo at laxakapmek mila limixin kerepmo di nemen ngan lavasaxaruki maxopok at lempanga salai imgomgo ridi.

Lovoang At Ne Jut 1:4

Nia a tong i na rinimi mila lentaba limixin kopmen dina nuunu at ne Moroa, dira vubeles nemnem pam keneng at lotu atnimi. Nedi di ba gili xapmek levelinga mumu letaba nabalamu at ne Moroa atdik, kusu dinaba mu arup levelinga atdi ri lok laxakapmek maxamang at lixitkis epot. La di sok tixirixes ne Iesu Karisito, ni Leges Orong Silok kusuk mun atnedik axap la Leeme Silok atnedik. Ganoxa levelinga xeneng at Lovoang Kaala ga tong li i do nedi dinaba ruuna ka levesongsongot silok.