Galesia 5:10 - Madak

¹⁰ Keneng at Leeme Silok nia a nuunu rinotno do nemi mi noxo mu bok ba langas petpes, la neni no nege ga lok ekarakat lodoxoma atnemi, ne Moroa naba lok li lumumuat teren.

Galesia 5:10 ပူးပေါင်းရင်းမြစ်များ

Leven Gugu 15:24

Maga ronga i do lentaba atnama digat pas udo saparap nimi, la diga lox ekarakat nimi la diga lox abulu nimi mumu loklok ti rivit kepe lengkontuxu; di xopmen di goxo lok ka tevelinga atnama xusu ri lox i mo.

1 Korin 5:5

Ap mo laaleng mina song araba ne Satan mi nom laradi xusu ni na suma ka losongsongot ap mo loklok kakapmek teren la kerepmo neni naba roo suu ap mo laaleng Leeme Silok namlong teren.

2 Korin 1:15

Nia agaraklen tinotno vam i na, kuren la nia aga doxoma i do anat pas avot be udom atnimi xusu miba lok ka amu manga leveloklox anarong.

2 Korin 10:2

A sing nemi do luruptuvuk atnimi na lox avukat mun kusu at laaleng nenia ana vot pasa nimi, noxo epovo bok ba xusu ana vaase lolos tinimi mi lololos axa rak. I ngan nia a doma i do ana lox asuusu i rinedi leventaba luvuttadi di doma i do nema map tuvuk ngan luvuttadi at na lavatbung menemen.

2 Korin 10:6

La melemu at loxonaleng mira ronga res nunuan axap, maba gagas ba xusu mana lok li tevenmumuat atnedi dik lok kantubu atnemi la ding tonga xepe.

2 Korin 13:10

Ni lavasuun teren la nia a malagan i na at loxonaleng nia ak lok paxalom basinge nimi, kusu do nia ana vot, a noxo lok li lumumuat mavana atnimi mi mo lololos Leeme Silok ga raba ia min. Lugugu at na lololos i lok keretna, ti lox alolos lunuunu atnimi la kopmen do ri lox asi lunuunu atnimi.

2 Korin 2:3

Ni lavasuun teren la nia aga malagan mo lovoang petpes tinimi. Agoxopara i do ana vot pasa nimi la ana ruuna ka lainbulu mila nemi vam nom limixin do ri lox amomo ia. Aga nuunu do miba momo eburu minia.

2 Korin 2:6

Buaang atnemi miga siam mi mo lumumuat neni ga ruuna ka i, la na xap ta go.

2 Korin 5:16

Kuren la i ru ka nga i mo, nema maxo doma mumu bok ba lodoxoma at na lavatbung menemen ti ila mumu loklok at limixin, ngan no nema maga ila mumu bok loklok at ne Karisito xerepmo, ketla mo nga maxo lok bok ba i xuren.

2 Korin 7:16

A momo aleng mila i epovo do ana nuunu saga rinotno atnimi.

2 Korin 8:22

La maba riki aonon bok neton nedik petpes eburu midu; buaang levenaleng neni gara lox asuusu vam i rinama do i gagas amisik kusu na lok tooro; la mo nga i lolos aleng ti lok tooro mila lunuunu ren i rem saga atnimi.

Galesia 1:7

La i ruturun tinotno do kopmen bok ba tepavang avukat petpes; ketla a vaase i na atla lentaba luvuttadi mo dik lox ekarakat lodoxoma atnemi la dirak lok tong i xusu dinaba ba gili Lagale Lavavang at ne Karisito ti langas petpes.

Galesia 2:4

Ketla leventaba diga vara i xusu dina vit kepe lengkontuxu at luvuttadi nuunu xopmen di me Judaia, la digak lok labala ngan nedi luvuttadi nuunu la nedi na lemet tadi digak beles mun at libinam atnema ngan luvuttadi vereven alii; la diga vavara mun i xusu dinang long terek lesepsepmus tinotno basinge Lenavolo nema magak lok kaka i xeneng at ne Iesu Karisito. Diga vara mun i xusu dinak lok ka nema ukeneng at leveloklok atnedi, la manak lok maxopok at leventaangas at Lenavolo.

Galesia 2:6

Tinedi no limixin di tong di do lubung amgomgo at lotu, nenia axo doma solo i do nedi di silok kopla xopmen; atla ne Moroa xopmen na viila mumu leveloklok at tara mi levereven teren. Nedi di goxo vaase bok ba tekolinga mavana at lavavang tarak.

Galesia 3:1

Laxampanga rangtangku nemi leme Galesia. Nege rinotno ga sar asoogong lodoxoma atnemi basinge lunuunu ruturun, kusu mina mumu asu Lenavolo? Gano migara ven axasep pam lavasuun at lanmet at ne Iesu Karisito ro vana at laxaba.

Galesia 4:11

Nenia am doma solo mumu nemi. Kereva, leven gugu rak aga lox i xantubu atnemi, neni naba ngan lugugu asen kepe mun?

Galesia 4:17

Limixin petpes mo di tong asu lavavang petpes di doma solo nimi la di lok tong i xusu dina sat kaka nimi, ketla na loklok atdi i lok kapmek tinotno, atla di vara mun i xusu dinak lox epeseves nemi basinge ia, kusu nemi minaba etangas eburu minedi.

Galesia 4:20

Aram doma mata i do nenia a girak lox eburu minemi, kusu agiba xasep at loklok atnimi la agiba lok kun lavapaase rak la agira paase atnaasan tinimi. A lok bukbulu mu aleng nemi.

Galesia 5:12

Nia a lok do mo limixin dik lox ekarakat lodoxoma atnemi, di noxo repes basinge mo loklok; i lox avukat do dina mumu asu mo loklok la dina vit kepe axap ta i.

Galesia 5:7

Gano nemi miga mumu asu avukat tinotno levelinga at ne Moroa. Ketla lavanga sala gara sep pepe bok ba nemi xeneng at lorongtonga res at luruturun? Nege gara sat amlong bok ba lodoxoma atnemi?

Galesia 6:17

Ti lox axap na levelinga rak keretna, a xopara i xusu teta mego na raba ia mi tekarakat, atla labantuxu rak ira umsu vam mi laxanbuluo at laxanandas i lox asuusu i do nenia laradi saksaxaruki at ne Iesu.

Pilipai 3:15

Tinedik axap dira mukun pam, lodoxoma atdik naba lok kuren. Ketla do leventaba di ruuna lodoxoma vetpes, Moroa ba lox axasev i ridi.

2 Tesalonia 3:4

La nema ma nuunu bok do Leeme Silok i lok tooro ruturun nimi la na mi mumu asu levelinga atnama la melemu bok minaba mumu asu i.

1 Timoti 1:20

Kantubu atdi, ne Aimenias la ne Aleksanda, aga song araba vam du ri lekngen ne Satan, kusu dubaklen ka i do du noxo paase vupu ri ne Moroa.

Pilimon 1:21

A malagan na levelinga la aklen tinotno i do nenu unaba ronga res tarak la uba lok levempanga vetpes bok tia.