Galesia 5:1 - Madak

¹ Nedik di sepmus tinotno, mila ne Karisito gara lox asepmus pam nedik basinge leveloklok la leventaangas at Lenavolo. Kuren la mina tu lolos at lunuunu atnimi, la mi guta ke xepe bok ba lorooro atnemi la nak lok ngan manga lavaanat saxaruki at Lenavolo.

Galesia 5:1 ပူးပေါင်းရင်းမြစ်များ

2 Korin 3:17

Loroonan, neni nom Leeme Silok la nedi limixin ua Loroonan at ne Moroa ik lok atnedi, diba sepmus basinge lololos at laxapmek.

Galesia 5:13

Luvutnetak mi luvurinuk. Lorotoro gak lok tinemi xusu minaba sepmus basinge leveloklok la leventaangas at Lenavolo. Ketla nemen gat mi guta ke na loklok at lesepsepmus basinge Lenavolo na lok ngan mun lavanga ri sisiam avolo nemi xusu lorooro at labantuxu atnemi na sasat nemi. Ketla mina ke labalamu ri lok tooro nemi xusu minaba elok tooro ela,

1 Pita 2:16

Minap tuvuk avukat ngan limixin sepmus at ne Moroa; la nemen gat miguta se bopbop pe laxapmek atnemi mi leveloklok sepse at lemeren mun at limixin; ketla minap tuvuk ngan lavaanat saxaruki at ne Moroa.

Lovoang At Ne Pol Ti Limixin Nunu to Rom 6:14

Nemen gat miguta ke xepe laxapmek nam lam nemi, atla nemi xopmen minak lok maxopok at loklok tatao at Lenavolo; ketla mik lok maxopok at letaba nabalamu at ne Moroa.

Lovoang At Ne Pol Ti Limixin Nunu to Rom 8:2

atla keneng at ne Iesu Karisito, Loroonan Kaala ga raba dik mi lorooro la gara lox asepmus pam dik basinge lololos at laxapmek eburu mi lanmet.

Galesia 4:9

Ketla amo manga miraklen ne Moroa, i ruturun aleng do ne Moroa iklen nemi; ira lok bok ba mo xereva la miramlong mu manga mo leveloklok la leventaangas gamasa at Lenavolo la mira lok li nimi maxopok teren? Tila la mira vara manga i xusu mina lok ngan lavaanat saxaruki at na laxaloklok?

Ibru 10:23

Minam tebeng lolos lunuunu atnimi ri mo leveloklox anarong mo naba vot mila ne Moroa naba lox asorun levempapaase alii ren.

Galesia 2:4

Ketla leventaba diga vara i xusu dina vit kepe lengkontuxu at luvuttadi nuunu xopmen di me Judaia, la digak lok labala ngan nedi luvuttadi nuunu la nedi na lemet tadi digak beles mun at libinam atnema ngan luvuttadi vereven alii; la diga vavara mun i xusu dinang long terek lesepsepmus tinotno basinge Lenavolo nema magak lok kaka i xeneng at ne Iesu Karisito. Diga vara mun i xusu dinak lok ka nema ukeneng at leveloklok atnedi, la manak lok maxopok at leventaangas at Lenavolo.

Galesia 4:31

Kuren la luvutnetak mi luvurinuk, nedik kopmen luvutnitna mo latkin asaxaruki, ketla nedik luvutnitna at latkin sepsepmus at ne Abaram.

Lisilimet 3:3

Mina doxoma bilong ti mo levenanasa miga ronga ka vam i, la mina mu asu i. La mina leeng tinotno basinge mo leveloklok kakapmek atnimi. Mo do mi noxo xatu kaxat basinge mo lanmet, aba vot pasa nimi ngan laradi xipkip pilo, la nemi xa mi noxoklen loxonaleng potpot tarak.

2 Pita 2:19

Di tong taba limixin do dinaba sepmus basinge Lenavolo, ketla nedi xa, di nemen at loxokoxo at laxakapmek mila limixin kerepmo di nemen ngan lavasaxaruki maxopok at lempanga salai imgomgo ridi.

1 Korin 16:13

Mina lok tatao avukat amisik lorooro atnimi. Mina tu tuxuruxun at lunuunu atnimi la nemen mita marat.

Lovoang At Ne Pol Ti Limixin Nunu to Rom 7:6

Ketla amo nga, nedik diga met ti lorooro maut, mo ga otot tutu minedik, nedik dira sepsu ba basinge Lenavolo, la ata gugu at langas maxat at Loroonan, la kopmen bok ba Lenavolo migomgo.

Lovoang At Ne Pol Ti Limixin Nunu to Rom 6:18

La miga sepmus basinge laxapmek, la miga lok ngan lavaanat saxaruki at loklok mokmokso.

Leven Gugu 15:10

Kuren la nemen dik ta lok tong pen ne Moroa la nemen dik ta raba limixin nuunu mi na lumumuat ti rivit kepe lengkontuxu kusu dina lox epovo Lenavolo at ne Moses; mila no migo lavalabat atdik la nedik ta goxo epovo ri lox epovo na Lenavolo.

1 Korin 7:22

Lasaxaruki, Leeme Silok gara ro xaka vam i, neni i lok ngan laradi sepmus at Leeme Silok. La kerepmo bok laradi sepmus, ne Karisito gara ro xaka vam i, neni i lok ngan lasaxaruki at ne Karisito.

Sam 51:12

Una raba amlong manga ia mi nom lomomo at loklok arooro ram, la una lok lodoxoma rak kusu ana vavara ri ronga res taram.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Epesas 6:14

Kuren la mina tu tuxuruxun; mina rebeng ka levelinga ruturun, i ngan labanbaane di sevut li i at labangbaangis atnimi; la mina suxa lorooro atnimi mi loklok mokmokso, i ngan labantaape at lobongobong.

Lisilimet 2:25

ketla na legesa vanga xusuk mun, minam tebeng lolos mo lorooro nunuan atnimi, se at lomlong tarak.

Ibru 4:14

Nedik di ruuna Lamaasa Avolo, neni ga urut pam uto vana at laxalibet, la mo nga it kis at lekngen tino at ne Temen. Neni ne Iesu, Nitna ne Moroa. Kuren la nedik atam tebeng lolos mo lunuunu atnedik tagara ruuna ka vam i.

Ibru 3:14

Nedik tabat kis esogo mi ne Karisito do nedik tam tebeng lolos lunuunu se at laxavaxap at lorooro atdik, kerekngan nedik taga nuunu ruturun ap mo levenaleng taga lok kaka lunuunu maxat.

Ibru 3:6

Ketla ne Karisito i ruturun at lugugu ri lok tatao limixin at ne Moroa xerekngan lanarong i lok tatao libibinat teren. Do atam tebeng lolos lunuunu atdik la tana ngangais mi lomomo ri lomlong teren, i lox asuusu i do nedik limixin at ne Karisito.

2 Tesalonia 2:15

Kuren la luvutnetak mi luvurinuk, mina tu lolos la minam tebeng lolos mo levenanasa maga lox ase vam nimi min. Maga tong asu i nom tinimi gano la maga lox aonon bok mo levelinga at levempoang.

1 Tesalonia 3:8

La ma rooro avukat mila lunuunu atnimi i tu lolos at Leeme Silok.

Galesia 4:26

Ketla ne Jerusalem ua ik lok to vana at laxalibet, neni xopmen nak lok at loxokoxo, la neni, nenen dik;

Galesia 3:25

Kuren la amo nga, lunuunu ik lok atnema, la Lenavolo ixo lok tatao bok ba nema.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

Metiu 23:4

Dim taba limixin mi laxantaangas solo, i lok ngan di koxo li lara aknixip doxodok at limixin, la i mumuat aleng kusu dinap kiv i, ketla nedi xa kopmen dinak lok tooro limixin kusu rip kip mo levenaknixip.

Lovoang At Ne Pol Ti Limixin Nunu to Rom 7:3

Kuren la do neni ik lox eburu mi tatlok petpes at loxonaleng, latlok teren nove i rooro, diba tong mo latkin do neni latkin longlongka; ketla do latlok teren na met, neni ira sepsu basinge loklok tatao at latlok teren, la mo do neni na epot kaka tatlok petpes, neni xopmen na lok laxakapmek.

Lovoang At Ne Pol Ti Limixin Nunu to Rom 8:15

atla Loroonan no ne Moroa gara raba vam nimi min ik lok nimi xusu mi noxo marat ngan lasaxaruki; ketla i lok nimi xusu nemi luvutnitna ne Moroa, la nedik di toro ri ne Moroa mi lololos at Loroonan Kaala keretna, “Tamak! Tamak!”

2 Korin 11:20

I ruturun mi xip tutu mi nege i lok nemi ngan lavasaxaruki ren, kopla ip kip pilo levempanga atnimi, la i ven asi rinimi, kopla i vasa bobonot levenmeren nimi.

Lagale Lavavang At Ne Iesu Karisito Luk Ga Malagan i 5:38

Laxadan vaen maxat mina soli li i at labantuxu maxat!