Galesia 4:8 - Madak

⁸ Gano, nemi mi goxoklen ne Moroa, kuren la miga lok ngan lavaanat saxaruki at laxampoovo moroa.

Galesia 4:8 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 1:10

Ni ga nemen at na lavatbung menemen, ketla limixin di goxo ven kibis i, keke do neni ga rudum li lempanga axap.

Leven Gugu 14:12

Diga raba ne Banabas mi lara laasen Sius, la ne Pol laasen Eemes, mila neni laradi vapaase.

Leven Gugu 17:23

mila nia at pas tangtagap at levengkot at lemenemen silok atnemi la a ven lengkot nemi mi lotu ren. A long lenger i do loxonin laplavang mo, miga malagan i do ‘Ti lomoroa kopmen dinakleklen i.’ Nemi mi lotu saparav i, ketla nemi xopmen minakleklen i la nenia na ana tong asu i rinimi.

Lovoang At Ne Pol Ti Limixin Nunu to Rom 1:23

Kopmen di goxo lotu saparap ne Moroa ruturun i rooro amisik, ketla diga lotu saparap laxampoovo at luvuttadi mede xopok, la lavapixa eburu mi levempanga dit pas mi lavanuet kangkedek, kopla lempanga ngan laxangkavu.

Lovoang At Ne Pol Ti Limixin Nunu to Rom 1:28

La limixin di goxopara i do dinam tebeng lakleklen tuturun mumu ne Moroa, kuren la ni ga ke xepe di ri mumu asu levendoxoma atdi xa i ekarakat, kerepmo la diga lok levempanga ixo epovo do dina lox i.

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

1 Korin 12:2

Mikleklen i do ganoxa miga nemen ngan lavamolon kopmen tunuunu atdi; lempatpoovo moroa gam gomgo rinimi la ga sasar asoogong nimi.

1 Korin 8:4

Kuren la ana paase mumu lempanga lomlomon limixin diplavang min saparap laxampoovo moroa. Lentaba at limixin nuunu di anan leveluxa, lentaba vetpes diplavang min ti laxampoovo moroa. Ata xasep do lovoovo vanga ni loklok katling ti lavanga kopmen na rooro la ataklen i do legeso Moroa mene nga i nemen.

Galesia 4:3

I lok ngan pam gano nedik ta goxo xasep nunuan at luruturun la dik taga nemen maxopok at Lenavolo eburu mi leventaangas teren nade xopok at na lavatbung menemen.

Epesas 4:18

Levendoxoma atnedi i nemen keneng at lamain. Nedi xopmen dina ruuna ka toxot keneng at na lorooro ne Moroa im taba i, mila kopmen takleklen tinotno atnedi la lebelen atnedi i rebonot pe.

1 Tesalonia 1:9

Nedi xa di tong i rinama do miga siam abeles kaka nama mi lomomo, la miga lok kepe laxampoovo moroa la miga lok kaka lunuunu maxat saparap ne Moroa, mo i umsu mi lorooro la neni ne Moroa ruturun.

1 Tesalonia 4:5

La kerepmo nemen mita mumu asu mo loklok kakapmek atnedi dixoklen ne Moroa.

2 Tesalonia 1:8

La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu.

1 Pita 4:3

Lekanaleng mo gara xap pam migak lok laxaloklok kapmek mo luvuttadi at lamain di vavara nak lox i, ngan loklok kakapmek maxamang at lixitkis epot, la levereven peves, liinin kadan lolos, lengkot mamangan, la laplavang ti laxampoovo vanga, ni laxapmek bok no i bilingot tinotno.

1 Jon 3:1

Labalamu at ne Temen dik i silok aleng, ni gara lok asuusu vam i ridik keretna. Neni ga soxot nedik do luvutnitna ne Moroa. La i ruturun tinotno, nedik luvutnitna ne Moroa. Limixin at na lavatkangka dixokleklen ne Moroa; kuren la nedi xopmen dinaklen bok dik.