Galesia 3:21 - Madak

²¹ Kereva ba, Lenavolo i ra korop levengkakaape at ne Moroa? Kopmen tinotno. Amo dola neni gita raba bok tenavolo rim taba lorooro, i lok ngan do limixin axap ding tonga res at Lenavolo, nedi dinabak mokso basinge loklok kakapmek. Ketla kopmen na ruturun.

Galesia 3:21 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 20:16

Neni nabat pas la na sev amet nom luvuttadi, la na raba nom laraamang vaen ti tentaba tuvuttadi vetpes.” Se mo limixin diga ronga i na, diga lok, “Kopmen tinotno!”

Lovoang At Ne Pol Ti Limixin Nunu to Rom 3:31

Kereva ba Lenavolo? Ata lok kepe nga i mila ata nuunu xusuk ta? Kopmen la kopmen tinotno, ketla ata su auru Lenavolo.

Lovoang At Ne Pol Ti Limixin Nunu to Rom 3:4

Kopmen tinotno! Moroa neni naba ruturun amisik la keke i do limixin axap laxampanga xaxarang. I ngan Lovoang Kaala i vaase i xeretna, “Una lox asuusu i do nenu uk mokso at loxonaleng una paase; unaba vas asi levelinga i ru ram at loxonaleng di sok taba u min.” Sam 51:4

Lovoang At Ne Pol Ti Limixin Nunu to Rom 3:6

Kopmen tinotno! Do ne Moroa xopmen nak mokso, neni ixo epovo do na vaxaru limixin at lavatbung menemen at lavapaase.

Lovoang At Ne Pol Ti Limixin Nunu to Rom 9:31

Ketla leme Judaia, nedi lavaanat soksoxolik ka at ne Moroa diga puse ri teventaangas kusu dina nemen mokmokso at lemeren ne Moroa, la di goxo epovo.

2 Korin 3:7

Lenavolo, Moroa ga malagan i mi lengkonin mamalagan to at luat mamasao, la lisisixam at ne Moroa ga vot at loxonaleng neni ga raba ne Moses min. Keke i do lisisixam to at lemeren ne Moses goxo lolos bok ba, ketla limixin me Israel di goxo ven tooro i, mila lemeren gan tanan aleng. Mo do na Lenavolo, lugugu ren ti raba lanmet, ga vot mi lisisixam,

Galesia 2:17

La amo do nema ma doma i do mana lok kepe Lenavolo la mana sepmus basinge loklok kakapmek keneng at lunuunu atnema saparap ne Karisito, anai naba lox asuusu i do nema limixin ma ruuna laxapmek mila ma lok kepe vam Lenavolo. Kereva ba, lunuunu saparap ne Karisito i lok nema ngan luvuttadi xapmek, kuren la ne Karisito i lox asu laxakapmek? Kopmen tinotno.

Galesia 2:19

Lavasuun at na xeretna. Lenavolo ga lox ase ia do nenia laradi xapmek, kuren la aga lok ka lunuunu maxat la aga sepmus ba basinge Lenavolo. La mo nga nia a epovo na rooro ti lok lugugu at ne Moroa.

Galesia 2:21

Nenia a xopara i xusu ana sok tixirixes letaba nabalamu at ne Moroa. Ketla do taradi na doma i do neni naba sepmus basinge loklok kakapmek mumu lumumu asu ren at Lenavolo, i milik ngan ta keretna do, goxopmen tavasuun ti lanmet at ne Karisito.

Galesia 6:14

Ketla nenia anaba lolos kusuk mun ti paase aurut laxaba at Leeme Silok atdik ne Iesu Karisito; mumu mun mo laxaba ren, levendoxoma momo rak ti loklok at na lavatbung menemen ga met axa gano, la levempanga bok gak lox angtang ia at na lavatbung menemen ga met axa gano.

Ibru 11:7

Noa ga ruuna lunuunu, kuren la at laaleng ne Moroa ga tong i rin do laran naba vot, ni ga ronga res la ga lok lavattaaxup silok kusu na lox arooro nedi loxoetemen. Neni ga ruuna lunuunu la kerepmo ga lox asuusu i do loklok at limixin ap mo levenaleng ga lok kapmek, la neni ga ravasu ngan laradi mokmokso at lemeren ne Moroa mila neni ga ruuna lunuunu saparap ne Moroa.

Ibru 7:18

Moroa ga vaxaxis ase Lenavolo at ne Moses mila goxopmen ta tololos teren la kopmen ta goxo epovo ri lok tooro limixin;

Ibru 7:19

la Lenavolo xopmen goxo epovo na lox adadat limixin basinge laxakapmek. La ne Moroa ga lok li langas maxat, i lox avukat ti Lenavolo la maxeneng ap mo langas maxat, i epovo do tana xis esogo mi ne Moroa.