Galesia 3:1 - Madak

¹ Laxampanga rangtangku nemi leme Galesia. Nege rinotno ga sar asoogong lodoxoma atnemi basinge lunuunu ruturun, kusu mina mumu asu Lenavolo? Gano migara ven axasep pam lavasuun at lanmet at ne Iesu Karisito ro vana at laxaba.

Galesia 3:1 ပူးပေါင်းရင်းမြစ်များ

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 7:26

Ket do lara i ronga na levelinga rak la kopmen ni na mu asu i, neni i lok ngan laradi tangtangku, ga xip loogu ren la gasbo pe i mi laxapulang.

Lagale Lavavang At Ne Iesu Karisito Luk Ga Malagan i 24:25

La ne Iesu ga lok tidu, “Nemu luradi rangtangku. Kereva, lodoxoma atnumu i repe vam la mu domampe levelinga at lavaeme vapaase alii?

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Leven Gugu 6:7

La levelinga at ne Moroa ga epeseves. Leexes at limixin nuunu ro Jerusalem ga uturut amisik mene la buaang atnedi lavamaasa diga lok kaka lunuunu maxat ap mo Lagale Lavavang.

Lovoang At Ne Pol Ti Limixin Nunu to Rom 10:16

Ketla limixin axap di goxo siam kaka Lagale Lavavang. I ngan bok ne Aisaia ga lok keretna, “Leeme Silok. Goxo buaang nedi diga nuunu at levelinga maga vaase asu i.” Ais 53:1

Lovoang At Ne Pol Ti Limixin Nunu to Rom 2:8

Ketla leventaba atnemi limixin di doxoma mene di, la di sok tixirixes levelinga ruturun at ne Moroa, di vavara i do dina mumu asu levempanga i lok kapmek; nedi na dinaba ekip tangarang mi lebelemamao la lumukmusak at ne Moroa.

Lovoang At Ne Pol Ti Limixin Nunu to Rom 6:17

Ketla a tong loklox avukat tinotno ri ne Moroa. Gano nemi migak lok ngan lavaanat saxaruki at laxapmek; ketla melemu ren mi lorooro axap atnemi, miga ronga res at levelinga ruturun miga ronga i.

1 Korin 11:26

Lavasuun at na xeretna, dola mina anan at na lakde la mina inin at nai lakap vaen, mi lox asuusu i do Leeme Silok ga uu nop loklok atdik. La ata mumu asu na loklok se neni nabamlong.

1 Korin 2:2

At levenaleng nenia aga nemen eburu minimi, aga doxoma i do ana ke xepe be levelinga axap la ana vavang kusuk be mi laniu at ne Iesu Karisito ga uu at laxaba.

2 Korin 10:5

Ma sesele utut kepe leventetere xaxarang la levendoxoma silok i lok petpes ti lakleklen at ne Moroa, la ma baba gili levendoxoma axap at limixin kusu dina ronga res at ne Karisito.

2 Korin 11:3

Ketla a marat do lavanga tara na sasar asoogong levendoxoma atnimi la mina ke xepe lunuunu lolos la lotu ruturun atnimi ri ne Karisito, kerekngan ne Iva; lisii ga xarang i mi lakleklen kapmek teren.

Galesia 1:2

Nema axap loxoeton nade ma lox aonon lomomo atnema rinemi limixin lotu at laramenemen do at lenep silok Galesia.

Galesia 1:6

Nia a sangu aleng atnemi, atla goxo lox abao bok la mira ke xepe nga ne Moroa, mo ga ro xaka nemi mi letaba nabalamu ren keneng at ne Karisito, la mo nga mira sisiam kaka nga lavavang petpes.

Galesia 2:14

Kuren la at loxonaleng nia aga ven i do nedi di goxo mu asu langas mokmokso mi luruturun at Lagale Lavavang, aga vaase ri ne Pita ro melamgo rinotno atnedi axap keretna, “Nenu laradi me Judaia, ketla nenu nom e, u mumu asu leveloklok at limixin kopmen di me Judaia, la uxop tuvuk ngan laradi me Judaia. Kuren la ua lavasuun teren la u sat ka limixin kopmen di me Judaia xusu dina mumu asu leveloklok at leme Judaia?”

Galesia 3:3

Ming tangku solo xereva? Miga ru kaxat avot lunuunu atnimi mi Loroonan at ne Moroa; la mo nga mi lok do mina ruuna ka lunuunu ngan limixin mukun mi lololos axa atnimi. Ketla kopmen mina epovo.

Galesia 4:9

Ketla amo manga miraklen ne Moroa, i ruturun aleng do ne Moroa iklen nemi; ira lok bok ba mo xereva la miramlong mu manga mo leveloklok la leventaangas gamasa at Lenavolo la mira lok li nimi maxopok teren? Tila la mira vara manga i xusu mina lok ngan lavaanat saxaruki at na laxaloklok?

Galesia 5:11

Luvutnetak mi luvurinuk. Lentaba di tong i do nenia move a vavang do loklok ti rivit kepe levengkontuxu i lox avukat. Do kuren, tila ba la leme Judaia move di lox asongor ia? Dola amo langas ti rivit kepe lengkontuxu i ruturun, naba milik ngan ta do levempavang tarak mumu laxaba at ne Karisito, noxo vaxaru kaxat tepenekarakat.

Epesas 3:8

Nenia laradi lixilik tinedi axap limixin at ne Moroa, ketla neni ga lox asu letaba nabalamu ren tia kusu nenia ana vavang mi ne Karisito, ni i lok ngan lapnovos i silok aleng la kopmen tara i epovo na vuse ka tempanga silok kerekngan neni. La a vavang ti limixin kopmen di me Judaia,

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

Epesas 5:15

Nemi mina lok tatao avukat lavatpas atnemi. Nemen mitat pas ngan laradi kopmen takleklen teren. Minat pas ngan laradi i ruuna lakleklen.

2 Tesalonia 1:8

La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu.

1 Timoti 6:4

neni i umsu mi loklox asilok la kopmen naklen tevempanga. Lorooro ren kopmen na lox avukat; ni i vavara mun i xusu ni na etep mi levelinga la nak musak amisik; la na, i lox asuusu mun leretere mumu, lekarakat, la lavapaase xapmek, la lodoxoma xapmek;

Ibru 11:8

Abaram ga ruuna lunuunu. Kuren la at lara laaleng ne Moroa ga tong i rin do na on basinge lemenemen teren kusu nat pas ti lara lemenemen to vaxalom; Moroa ga vaase alii rin do neni naba raba i min melemu ngan lemenemen tino rin. La ne Abaram ga ronga res teren la ga vas kaxat, neni goxoklen i do mo lemenemen gak lok ua.

Ibru 5:9

Kerepmo la ne Moroa ga lox agagas li i, la neni ga ravasu ngan ta lavasuun at lorooro avolo rinedi ding tonga res teren,

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 4:17

Laaleng ira auret pam ti laaleng ete na ru kaxat, la ne Moroa naba viila mumu avot be loklok at limixin tinotno ren. Do na ru kaxat avot minedik, naba lok kapmek tinotno rinedi, dixo ronga res at Lagale Lavavang at ne Moroa.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

Lisilimet 18:3

La limixin boro at levennep silok axap dira in pam laxandan vaen teren, mo i ru katling loklok ti elongka; la lavaorong silok axap at na lavatbung menemen diga elongka min, la nedi limixin diga sesep mi lempanga atdi digap novos aleng mila mo latkin, lebelen ga ngaongao aleng ti mo lempanga diga sesep min.”

Lisilimet 2:20

Ketla axo lok momo minimi mumu i na; mi siam kaka nom latkin ne Jesebel, i tong i do neni latkin papaase alii at ne Moroa, ketla neni i sar asoogong limixin tarak ti lok laxakapmek maxamang at lixitkis epot la i lok nedi kusu dina anan leveluxa diplavang min ti lempoovo moroa.