Galesia 2:20 - Madak

²⁰ I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Galesia 2:20 ပူးပေါင်းရင်းမြစ်များ

Metiu 20:28

Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”

Metiu 4:3

Satan ga vot pasa i la ga lok tin, “Mo do nenu ne Nitna ne Moroa, una tong i ri na laxanuat la dina vee xongkide.”

Lagale Lavavang At Ne Iesu Karisito Jon Ga Malagan I 1:49

Natanael ga lok, “Rabai. Nenu ne Nitna ne Moroa. Nenu loorong silok mede Israel.”

Lagale Lavavang At Ne Iesu Karisito Jon Ga Malagan I 10:11

Nenia laradi nunuan ti lok tatao laxasipsip la a gagas bok kusu ana met ti laxasipsip.

Lagale Lavavang At Ne Iesu Karisito Jon Ga Malagan I 15:13

Do tara na soxepe lorooro ren ti lok tooro larapen tangas teren, nom i lox asuusu i do labalamu ren i silok aleng.

Lagale Lavavang At Ne Iesu Karisito Jon Ga Malagan I 17:21

A sing u do nedi dina lok ngan mun legesara, Tamak, kerekngan mun nenu uk lok keneng tarak la nia ak lok keneng taram. Una lok li di xusu dinak lok keneng atda, kusu limixin mun at lavatbung menemen diba nuunu do nenu uga riki ia ude.

Lagale Lavavang At Ne Iesu Karisito Jon Ga Malagan I 3:16

Moroa ga balamu rinotno limixin axap at na lavatbung menemen, kuren la ni gam taba mi legesa madak mun teren, kusu do nege i nuunu ren, neni noxo seeve, ketla neni naba ruuna ka lorooro avolo.

Lagale Lavavang At Ne Iesu Karisito Jon Ga Malagan I 3:35

Moroa i balamu aleng ne Nitna la ira lok li vam levempanga axap maxopok at loklok tatao ren.

Lagale Lavavang At Ne Iesu Karisito Jon Ga Malagan I 6:57

Ne Tamak neni im taba lorooro, neni ga riki ia, la keneng mun teren, la nenia bok a rooro. Kuren la, do tara na anan at levenuut tarak, neni naba ruuna ka lorooro xeneng mun tarak.

Lagale Lavavang At Ne Iesu Karisito Jon Ga Malagan I 6:69

La monga ma nuunu la maklen i do nenu laradi melemelengan boro at ne Moroa.”

Leven Gugu 8:36

Nedu dugat pas ap mo langa la duga rupot to at lara loxot ladan ga nemen teren. La mo laradi gomgo ga lok, “Ladan na ik lok. Lai mo ik lok pe ia do ana lok kaka lesep susu?”

Leven Gugu 9:20

Sol ga beles to xeneng at laraugu singising la soso mun ni ga vaxaru ka i xusu na vavang mi laasen at ne Iesu. Ni ga lok, “Iesu neni Nitna ne Moroa.”

Lovoang At Ne Pol Ti Limixin Nunu to Rom 1:17

atla Lagale Lavavang i lox asuusu i do ne Moroa ik lox akmokso limixin mi legesa ngas mene nga, neni lunuunu la kopmen tangas petpes bok ba, kerekngan Lovoang Kaala i tong i xeretna, “Laradi ip sep sogo at ne Moroa mi lunuunu ren, ni naba roo suu.” Abk 2:4

Lovoang At Ne Pol Ti Limixin Nunu to Rom 14:7

Kopmen teta atdik na ruuna torooro xusu tin kusuk mun, la kopmen bok teta atdik na see ka lanmet do tin kusuk mun.

Lovoang At Ne Pol Ti Limixin Nunu to Rom 3:22

Ketla ne Moroa ik lok li akmokso limixin mumu lunuunu atnedi saparap ne Iesu Karisito. La ne Moroa ik lox i na rinedi axap di nuunu at ne Karisito. Kopmen tevereven petpes atnedi leme Judaia la limixin kopmen me Judaia,

Lovoang At Ne Pol Ti Limixin Nunu to Rom 4:25

Moroa ga song araba i xusu naba met mumu laxakapmek atnedik, la ni ga roo xat amlong kusu ri lox asepmus dik.

Lovoang At Ne Pol Ti Limixin Nunu to Rom 5:2

La neni gara siam ka vam nedik mumu lunuunu atnedik, la levereven kibis atnedik ti letaba nabalamu at ne Moroa, mo nga nedik di rooro ren. Nedik di momo mumu levendoxoma voovo atnedik do neni naba lox asuusu lisisixam teren tidik.

Lovoang At Ne Pol Ti Limixin Nunu to Rom 5:6

La at levenaleng nedik move digoxo ruuna tololos, ne Karisito ga met tinedi limixin kapmek, at loxonaleng ne Moroa ga vit li i.

Lovoang At Ne Pol Ti Limixin Nunu to Rom 5:8

Ketla ne Moroa gara lox asuusu vam labalamu rinotno ren tinedik keretna; at loxonaleng nedik move diga nemen at laxapmek, neni ga riki ne Nitna kusu ri met nop loklok atdik.

Lovoang At Ne Pol Ti Limixin Nunu to Rom 6:13

La nemen gat miguta raba tamangkot at labantuxu atnemi ri laxapmek, kusu mina lok levempanga xapmek. Ketla mina raba axa nemi ri ne Moroa, na ngan laradi ga ravasu at lanmet ti lorooro, la mina raba lorooro axap atnemi rin kusu rik lok lugugu i nunuan la ik mokso.

Lovoang At Ne Pol Ti Limixin Nunu to Rom 6:8

Do nedik taga met pam eburu mi ne Karisito, nedik ta nuunu do atanaba rooro bok eburu min.

Lovoang At Ne Pol Ti Limixin Nunu to Rom 8:10

Ketla do ne Karisito nak lok keneng atnemi, labantuxu atnemi naba met mumu laxapmek, ketla loroonan atnemi naba rooro atla ne Moroa naba siam kaka nimi ngan limixin mokmokso.

Lovoang At Ne Pol Ti Limixin Nunu to Rom 8:37

Keneng at na levempanga axap, dik digara lok ka vam lixitkis nunuan mumu langas at laradi ua i balamu nedik!

1 Korin 6:17

Ketla laradi na xis etangas mi Leeme Silok, loroonan teren i lok ngan legesara eburu mi Leeme Silok.

2 Korin 1:24

Ma xopara i do mana pu soso nimi ri levelinga salai miba nuunu ren, mila mi tu lolos pam at lunuunu atnimi. Ketla ma gugu xantubu atnimi xusu miba ruuna ka lomomo.

2 Korin 10:3

I ruturun do mat pas at na lavatbung menemen, ketla maxo vesep mi levendoxoma mun at limixin at na lavatbung menemen.

2 Korin 11:10

Luruturun at ne Karisito ik lok tarak, la kerepmo kopmen tara medo Grik naba rupe ia at na levelinga loklox aru do nenia axo lok kaka levempilas ti lugugu rak do.

2 Korin 13:3

la minaba ven kisip avukat ba i do ne Karisito i paase keneng tarak. Neni kopmen lavanga mokmolo, ketla neni naba lox asuusu lololos teren kantubu atnimi.

2 Korin 13:5

Mina ila mumu lorooro atnimi kusu miba ven kibis i do nemi mi ruuna lunuunu ruturun. Kereva, mixokleklen i do ne Iesu Karisito i nemen keneng atnimi? Do xopmen, i lox asuusu i do mira subu vam at loklok tong pen.

2 Korin 5:14

Labalamu at ne Karisito i sasat dik, la atakleklen tuturun i do legesara mun ga uu nop loklok at limixin axap, i lok ngan ta do limixin axap diga met.

2 Korin 5:15

Neni ga uu nop loklok at limixin axap kusu do nege nedi di rooro at na lavatbung menemen, di noxo rooro rinedi xa, ketla dina rooro ri ne Karisito mo ga doma di la ga met la ga roo xat amlong.

2 Korin 5:7

La nedik dit pas mi lunuunu, keke i do nedik taxo reven mo lempanga dik di nuunu ren.

Galesia 1:4

Iesu ga raba lorooro ren ti ru korop ti laxapmek atnedik kusu neni naba lox asepmus nedik basinge leveng kakapmek at na levenaleng lolos; ana ga ravasu ngan lavavara at ne Moroa ne Temen nedik.

Galesia 2:16

Ketla nema leme Judaia maklen i do, laradi mun i nuunu at ne Iesu Karisito, neni mun i sepmus basinge loklok kakapmek, la kopmen do i mumu asu Lenavolo. La kerepmo bok ma nuunu at ne Iesu Karisito xusu manaba sepmus basinge loklok kakapmek, kopmen do ti mumu asu Lenavolo. Ana kopmen noxo ravasu at loklok ti mumu asu Lenavolo, atla kopmen teta naba sepmus basinge loklok kakapmek do neni na mumu asu mun Lenavolo.

Galesia 3:11

Amo nga, i xasep tinotno do, kopmen teta naba sepmus basinge loklok kakapmek mumu mun lumumu asu ren at Lenavolo; i ngan Lovoang Kaala i vaase i xeretna, “Laradi xusuk mun ua neni i sepmus keneng at lunuunu ren, neni naba ruuna ka lorooro avolo.” Abk 2:4

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Galesia 6:14

Ketla nenia anaba lolos kusuk mun ti paase aurut laxaba at Leeme Silok atdik ne Iesu Karisito; mumu mun mo laxaba ren, levendoxoma momo rak ti loklok at na lavatbung menemen ga met axa gano, la levempanga bok gak lox angtang ia at na lavatbung menemen ga met axa gano.

Epesas 3:17

La at lunuunu atnemi, ne Karisito naba nemen to at lebelen nimi. La a sing ne Moroa do mina umsu mi labalamu kusu lunuunu atnimi na tu lolos, kerekngan levenixe at luuna ing tanga alis laxangka la luuna ira tu lolos;

Epesas 5:2

La lorooro atnimi na umsu mi labalamu kerekngan ne Karisito ga lox asuusu labalamu ren tidik la ga raba lorooro ren; mo loklok at ne Karisito i lok ngan laramtaba i so misigisigis la lavanga laplavang saparap ne Moroa.

Epesas 5:25

Nemi lavatlok. Mina balamu lavakin atnemi, kerekngan ne Karisito ga balamu limixin lotu la ni ga raba lorooro ren tidi.

Pilipai 1:21

Lavanga salai lorooro? Tia ne Karisito mun. Do nia ana met, naba lox avukat aleng.

Pilipai 4:13

Nenia a epovo xusu ana lok levempanga axap mi lololos mun, ne Karisito im taba ia min.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

1 Tesalonia 1:10

La di tong i do nemi mit kis tangais ne Nitna, mo naba ravasi boro vana at laxalibet. Moroa ga lox arooro amlong ne Iesu basinge lanmet, la ni naba lox arooro bok dik basinge lebelemamao at ne Moroa, mo naba rupot.

1 Tesalonia 5:10

Ni ga met kusu dik taba nemen eburu min. Do nedik taga met pam kopla move taba rooro se at lomlong teren, tanaba nemen amisik eburu min.

Taitas 2:14

Neni ga raba i xusu neni na un kaka amlong nedik basinge laxakapmek atdik ngan limixin dadat la kusu tana nemen ngan limixin teren kusuk mun la tana lolos ti lok leven gugu nunuan.

Ibru 8:3

Nedi axap, lavamaasa amgomgo dip kip lugugu xusu dina raba ne Moroa mi leventamtaba la levempanga laplavang, la kerepmo bok i epovo do Lamaasa gomgo ne Iesu na ruuna tavanga xusu ni na raba ne Moroa min.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

1 Jon 4:14

La nema magara ven pam ne Nitna la ma tong asu i dola ne Temen dik ga riki ne Nitna ngan Laradi Loklox Arooro ri limixin at na lavatbung menemen.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Lisilimet 3:20

Mina ronga i na. A tu ro at lumusaragu la ap dipdi; la do tara i ronga xibis laxaka rak la na suang lumusaragu, aba vubeles ukeneng at loogu ren la mana anan eburu.