Galesia 2:14 - Madak

¹⁴ Kuren la at loxonaleng nia aga ven i do nedi di goxo mu asu langas mokmokso mi luruturun at Lagale Lavavang, aga vaase ri ne Pita ro melamgo rinotno atnedi axap keretna, “Nenu laradi me Judaia, ketla nenu nom e, u mumu asu leveloklok at limixin kopmen di me Judaia, la uxop tuvuk ngan laradi me Judaia. Kuren la ua lavasuun teren la u sat ka limixin kopmen di me Judaia xusu dina mumu asu leveloklok at leme Judaia?”

Galesia 2:14 ပူးပေါင်းရင်းမြစ်များ

Sam 141:5

I lox avukat do laradi nunuan na vaase sox ia mumu laxakapmek kopla na sep aleeng ia, ketla a noxo siam kaka loklox asinorong at luvuttadi xapmek; a ngising amisik kusu Leeme Silok na lok kepe mo leveloklok kakapmek atnedi.

Sam 15:2

Neni laradi i mumu asu lavavara at ne Moroa at leventaangas axap, la ik lok amisik leveloklok ik mokso la levelinga ren i ruturun amisik;

Sam 58:1

Nemi luvuttadi amgomgo, kereva, mi lox akmokso levelinga at limixin mi loklok i nunuan? Kereva, mi ronga avukat levelinga atnedi la mi tu xantubu?

Sam 84:11

Leeme Silok neni Lurutu See Pe atnedik la ni Loorong Silok i ruuna lisisinang, la ik lox anarong dik mi lebelemumu la ik lox asilok dik kusu limixin dina lok ngangao atnedik. Neni ixom tebeng alis lempanga avukat basinge nedi dik lok luvukat.

Leven Gugu 10:28

Ni ga lok tidi, “Nemi xa mi xasep do lotu me Judaia kopmen dina mulus do tara atnama nak lox eburu la na etangas minedi limixin kopmen di me Judaia. Ketla ne Moroa ga lox ase ia do nia a noxo tong taradi do i bilinga at lemeren ne Moroa.

Leven Gugu 15:1

Lentaba luvuttadi nuunu diga la boro Judaia uto Antiok la diga lok ti luvuttadi nuunu mego keretna, “Nemi xopmen mi noxo lok ka lorooro do xopmen mi noxo vit kepe lengkontuxu atnimi xerekngan Lenavolo at ne Moses i tong i.”

Leven Gugu 15:24

Maga ronga i do lentaba atnama digat pas udo saparap nimi, la diga lox ekarakat nimi la diga lox abulu nimi mumu loklok ti rivit kepe lengkontuxu; di xopmen di goxo lok ka tevelinga atnama xusu ri lox i mo.

Leven Gugu 15:5

Ketla lentaba luvuttadi nuunu, nedi lubung Parisi diga xatu kaxat la diga vaase lolos keretna, “Nedi mo limixin kopmen di me Judaia dina rivit kepe lengkontuxu atnedi la ata tong box i ridi do dina mumu asu Lenavolo at ne Moses.”

Lovoang At Ne Pol Ti Limixin Nunu to Rom 14:14

Loklok tarak eburu mi Leeme Silok ne Iesu i lox ia la nia aklen tuturun i do kopmen tempanga anan na bilinga varang gamasa mene nga; ketla do taradi xa na nuunu do lempanga anan mo i bilinga, mo lempanga anan naba bilinga rin.

Galesia 1:18

Ga melemu ba at lavantun maares la nenia agarat pas ba uto Jerusalem ti vot pasa ne Pita, la agak lox eburu min at lasangaun mi lavalimo levenaleng.

Galesia 1:6

Nia a sangu aleng atnemi, atla goxo lox abao bok la mira ke xepe nga ne Moroa, mo ga ro xaka nemi mi letaba nabalamu ren keneng at ne Karisito, la mo nga mira sisiam kaka nga lavavang petpes.

Galesia 2:3

Ketla diga siam mu levelinga atnama mi ne Taitas, laradi loklok tooro rak. Neni laradi xopmen i me Judaia, la di goxo tong i do ni na vit kepe toxontuxu ren.

Galesia 2:5

Ketla nema ma goxo ronga res atnedi at tekonaleng, atla ma goxopara i xusu mana lok lodoxoma atnemi na xipgas la mina doma xepe Lagale Lavavang i ruturun.

Galesia 2:7

Ketla nedi diga ven kibis i do ne Moroa ga raba ia mi lugugu silok ti paase asu Lagale Lavavang ti limixin kopmen nedi me Judaia, ga lok ngan pam neni ga raba bok pam ne Pita mi lugugu silok ti vavang mi Lagale Lavavang ti limixin me Judaia.

Galesia 2:9

La ne Jems, ne Pita la ne Jon, nedi na lubung angkipkip at lotu, diga ven kibis i do ne Moroa ga raba nema’ mi ne Banabas mi na lugugu i lok petpes tinotno; kuren la diga etep tikngen minama’ mi ne Banabas, ga lok ngan loklok katling do nema axap ma ruuna legesa gugu mene nga. La diga lok lisisiam do nema’ mi ne Banabas, maba gugu xantubu at limixin kopmen di me Judaia, la nedi diba gugu ro at leme Judaia.

Galesia 6:12

Nedi limixin dik lok tong pen i xusu dinak sok aruru parang nemi do ri rivit kepe lengkontuxu atnemi; nedi luvuttadi dim simi aurut nedi mumu lavatpas atdi keneng at Lenavolo. La dik lok mene nga i xusu di naba sepsu basinge losongsongot mumu laxaba at ne Karisito.

Kolosi 1:5

Na lunuunu la labalamu atnimi i nemen lolos at lorooro atnimi, mila mi ngangais mi lomomo ri mo leveloklox anarong i nemen tangais nimi ro vana at laxalibet; mo leveloklox anarong miga ronga vam i ap mo levenaleng diga vavang mi levelinga ruturun tinimi, mo levelinga ni Lagale Lavavang.

1 Timoti 5:20

Do tara atdi na lok taxakapmek, una vaase sox i ro melamgo at limixin, kusu dinaba marat.

Ibru 12:13

Mina lok tatao avukat lavatpas atnimi, xusu do teventaba atnimi mo lunuunu atdi xopmen na lolos, di noxo soxepe axap lunuunu atdi at ne Karisito, ketla diba ven mo leveloklox avukat atnimi, la diba mu asu i la kerepmo lunuunu atdi naba lolos.

Ibru 9:10

Mo leveloklok ti laanan la liinin la leventaangas ti sogos panga, mo leventaangas ga nemen mun kusu mo limixin dina mumu asu i se at laaleng lekabus maxat ga vot.