Epesas 6:19 - Madak

¹⁹ La mina ngising bok tia, kusu ne Moroa naba raba ia mi levenngas linga at levenaleng nia a lok gagas ti paase, kusu nia noxo marat la anaba lox axasep Lagale Lavavang mo ga nemen alipe.

Epesas 6:19 ပူးပေါင်းရင်းမြစ်များ

Leven Gugu 13:46

Ketla ne Pol mi ne Banabas duga paase lolos aleng la kopmen du goxo marat. Duga lok keretna, “Ik mokso at lemeren ne Moroa do mana tong avot be levelinga at ne Moroa rinemi limixin me Judaia. Ketla nemi mi xopara rin, la kerepmo xopmen mina epovo ri ruuna ka lorooro avolo; mana ke xepe nimi la mana tong asu levelinga at ne Moroa ri limixin kopmen di me Judaia.

Leven Gugu 14:3

Pol mi ne Banabas duga nemen go at lentaba leven gaaling. Du goxo marat la duga paase lolos atla Leeme Silok ga lok tooro levelinga atdu mumu letaba nabalamu mila ni ga lok lempanga sangsangu at levengkikngen du.

Leven Gugu 18:26

Ni ga vaase lolos to xeneng at loogu singising. La ne Pirikila mi ne Akuila duga ronga i la duga lam ka i uto at loogu atdu. La duga soxomus avukat box i rin, mi langas nunuan at Leeme Silok.

Leven Gugu 19:8

Maxeneng at lavantun gaaling Pol ga pubeles at loogu singising, la ni ga paase lolos ti limixin, ni ga vetep mi levelinga eburu minedi la ga lok tong pen i do na sat ka lunuunu atnedi ri Linintoo at ne Moroa.

Leven Gugu 2:4

Loroonan Kaala ga vubeles atnedi axap la diga lox epovo i do dina paase mi lempapaase petpes, i ngan Loroonan Kaala ga raba di min.

Leven Gugu 28:31

Ni ga vavang mi Linintoo at ne Moroa la ga vanasa bok mi laasen at Leeme Silok, ne Iesu Karisito la kopmen tara goxo ru pe lugugu ren; ni ga paase mi lolos la kopmen gita marat.

Leven Gugu 4:13

Luvuttadi amgomgo diga sangu aleng at ne Pita mi ne Jon duga paase lolos la kopmen du goxo marat; diga ven kibis box i do nedu dugat pas amisik eburu mi ne Iesu; la nedu luradi gamasa mun, la kopmen du goxok lok at toloklox ase.

Leven Gugu 4:29

Monga Leeme Silok, u ronga vam mo levelinga lolos di tong i; la una lox abelemes nema lavasaxaruki ram kusu mana vaase asu Lagale Lavavang.

Leven Gugu 4:31

Melemu at lisingising atdi, mo loxot nedi diga vot eburu ren gang nengne. Diga umsu mi lolos at Loroonan Kaala la diga vaxaru ka i xusu dina paase asu levelinga at ne Moroa la kopmen bok ba teanmarat.

Leven Gugu 9:27

Melemu ne Banabas ga lok tooro i la ga lam ka i uto saparap luvuttadi vavang. Ni ga soxomus ba i ridi do ne Sol ga ven Leeme Silok to at langa la Leeme Silok ga paase rin. Ni ga tong box i ridi do ne Sol ga vavang mi laasen at ne Iesu ro Damasko la kopmen goxo marat.

Leven Gugu 9:29

Ni eburu minedi limixin me Judaia mo diga paase Grik diga etep mi levelinga, ketla diga lok tong pen i do dina sev amer i.

Lovoang At Ne Pol Ti Limixin Nunu to Rom 15:30

Luvutnetak mi luvurinuk, a sing nemi xeneng at laasen at Leeme Silok ne Iesu Karisito la labalamu at Loroonan Kaala im taba i. A vara i xusu mina lok tooro ia mi levesingising ti ne Moroa ri loklok tatao ren tia.

Lovoang At Ne Pol Ti Limixin Nunu to Rom 16:25

Ata emi asu mi laasen at ne Moroa. Neni i epovo ri lox aru lolos lunuunu atnemi, mumu Lagale Lavavang nenia a vavang min. Ni Lagale Lavavang at ne Iesu Karisito, mo lavapaase asu at luruturun gak lok lipe at laxanmaares buaang.

1 Korin 1:5

la kantubu at nom mirapnovos pam at leveloklox anarong at ne Moroa, i ngan laramtaba ri tong asu levelinga at ne Moroa la lakleklen nunuan at levelinga at Lovoang Kaala.

1 Korin 2:7

Maga tong asu Lagale Lavavang at ne Moroa rinimi, mo ga nemen alipe. Moroa gara tong li vam i xusu naba lox aurut levenasen atdik, avot ti loklok li at na lavatbung menemen.

1 Korin 4:1

Kuren la mina doxoma mumu nema luvuttadi vavang, ma lok ngan lavasaxaruki at ne Iesu Karisito, la nema mak lok tatao losoxovo at ne Moroa mo ga nemen alipe, kusu mana paase axasep limixin min.

2 Korin 1:11

Nemi bok miba lok tooro nama mi levesingising; kuren la buaang bok atnemi diba tong aorong ti ne Moroa do neni ga vorang levesingising atnimi la ga lox aroo nama basinge lanmet.

2 Korin 3:12

Nedik tam doma voovo ri mo lisisixam at Lagale Lavavang; kuren la nedik di abelemes aleng.

2 Korin 6:11

Larapen tangas atnama dom Korin. Mara paase palas avukat pam levelinga rinimi, la lebelen nama i rem suang tinimi.

2 Korin 7:4

Lunuunu rak i rem saga atnimi, a ruuna lusumsuma momo i umsu aleng mumu nimi. Kuren la a umsu mi lolos la keneng at na laxanmumuat a lok momo aleng.

2 Korin 8:7

Mip novos aleng at levempanga nemi mi ruuna i, ngan lunuunu la levempapaase la at lakleklen bok atnimi, la keneng at lomomo atnimi ri lok tooro, la keneng bok at labalamu atnimi rinama; kuren la mina lolos kusu minak lox aplivi na lugugu tik lox agagas li mo laramtaba.

Epesas 1:9

La at lavavara ren ni ga tong axasep dik mi lodomdoma alii ren, mo ga nemen alipe la ni ga doma alii i do ne Karisito ni lavasuun teren.

Epesas 3:9

kusu nedi eburu mi limixin axap diba xasep ap mo levelinga lipe, ni mo levelinga ne Moroa ga raba ia min kusu ana tong asu i. Nom levelinga Moroa ga lipe i gano la ga nemen kuren at laxanmaares buaang, ga ru ka i at levenaleng ne Moroa ga rudum li lempanga axap.

Kolosi 2:2

Lavavara rak i lok keretna, lorooro atdi na lolos la diba ru buru mi labalamu ela kusu lorooro atdi ba umsu mi laxasep silok, mo i lok ngan lapnovos silok tidi. Ap mo mun langas nedi dibaklen lodomdoma lipe at ne Moroa, la mo lodomdoma lipe neni ne Karisito.

Kolosi 4:3

La mina ngising bok tinema’ kusu ne Moroa naba suang lumusaragu nade rinama’ ti paase asu Lagale Lavavang mumu ne Karisito, gano mo Lagale Lavavang ga nemen alipe. La nenia a nemen at loxokoxo mumu mun i mo Lagale Lavavang.

1 Tesalonia 2:2

Miklen i do maga vavang avot to Pilipai la limixin mego diga lox asongot nama, la diga paase sese kapmek tinama. Melemu magat pas uto at lemenemen atnimi dom Tesalonia, la buaang atnedi diga xopara nama; ketla ne Moroa ga lok kepe lanmarat basinge nama; la maga tong asu Lagale Lavavang tinimi.

1 Tesalonia 5:25

Luvutnetak mi luvurinuk. Mina sing ne Moroa xusu ni naba lok tooro nama.

2 Tesalonia 3:1

Luvutnetak mi luvurinuk. Na laxavaxap at na lovoang. Mina ngising ne Moroa do neni na lok tooro nama xusu levelinga at Leeme Silok na epeseves soso la limixin diba siam kaka i mi lomomo kerekngan nemi miga siam kaka i.

1 Timoti 3:16

I ruturun aleng do lotu atdik, ni lavanga i silok aleng mumu Leeme Silok atdik; “Neni ga rupot ngan laradi; Loroonan Kaala ga lox asuusu i do lorooro ren ga nemen mokmokso; la lubungangelo diga ven i. Limixin diga vavang min to at lengkot axap la limixin diga nuunu ren nade at na lavatbung menemen; la ne Moroa ga lok ka i uto vana at laxalibet.” Sam 9:11

Pilimon 1:22

La lara lavanga bok. Una gagas li toxot mikmidi ria. A lok do ne Moroa naba vorang levesingising atnemi xusu nenia aba vot pasa bok nimi.

Ibru 13:18

Mina ngising amisik ne Moroa do neni na lok tooro nama. Nema xopmen mana ruuna tusumsuma xapmek mila maklen i do lebelen nama ip sepsen tino, la ma vara aleng i do mana ruuna luruptuvuk i nunuan axap.