2 Timoti 4:18 - Madak

¹⁸ La neni naba lox aroo ia basinge leveloklok kakapmek axap, la neni naba lam abeles ia uto vana at laxalibet at Linintoo ren. Leemi asu amisik tin la kopmen taxavaxap teren. I ruturun.

2 Timoti 4:18 ပူးပေါင်းရင်းမြစ်များ

Sam 121:7

Leeme Silok axa nabak lox asepsu amisix u basinge levenaniu; la ni naba kok avukar u.

Sam 37:28

atla Leeme Silok, i vavara ri loklok i lox avukat, la kopmen ni na raba arulu luvuttadi di nemen turuturun teren, i kok avukat amisik di. Ketla livipisik li at limixin kakapmek ni naba saksu di basinge mo lenep kangka aulis atdi.

Sam 73:24

Um lam ase ia mi levenanasa ram la at laxavaxap teren, unaba siam ka ia mi leemi asu ram tia.

Sam 92:10

Ugara lox alolos pam ia ngan lavatbulumaxao aaxa; ugara lox anarong pam ia mi lomomo.

Metiu 13:43

La limixin mokmokso diba soosoo ngan laxangking to at Linintoo at ne Temen di. Do lenbaalung mo atnimi, minang tonga avukat!”

Metiu 25:34

La nenia, Loorong Silok, anaba lok ti limixin to saparap lakngak tino xeretna, ‘Ude nimi, limixin ne Tamak ira lox anarong pam nimi. Minat pas ude la mina ruuna ka leveloklox anarong at Linintoo, ne Moroa ga gagas pam min tinimi at lurutu kaxat at lavatbung menemen,

Metiu 6:13

Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Lagale Lavavang At Ne Iesu Karisito Luk Ga Malagan i 11:4

Doxoma xepe laxakapmek atnema, kerekngan nema ma doxoma xepe laxakapmek atnedi di lox i rinema; la nemen uta lok li nema ri leveloklok tong pen i lolos.”

Lagale Lavavang At Ne Iesu Karisito Luk Ga Malagan i 12:32

La ne Iesu ga lok bok, “Limixin tarak, nemen mita marat, mila ne Temen nemi, i momo xusu naba raba nemi mi Linintoo ren.

Lagale Lavavang At Ne Iesu Karisito Luk Ga Malagan i 22:29

Ne Tamak ga lok li ia xusu ri vaxaxis avukat limixin, la ana lok li nimi xusu ri vaxaxis avukat limixin.

Lagale Lavavang At Ne Iesu Karisito Jon Ga Malagan I 17:15

Lisingising tarak kopmen do una lam ka di basinge na lavatbung menemen, ketla una lok tatao di basinge mo laradi xapmek.

Lovoang At Ne Pol Ti Limixin Nunu to Rom 11:36

Levempanga axap neni xa ga rudum li di, la levempanga axap ga ravasu mumu xa i la ateren axa, la ata emi asu mi laasen teren amisik la kopmen taxavaxap teren. Tuturun.” Ais 40:13, Jop 41:11

Lovoang At Ne Pol Ti Limixin Nunu to Rom 16:27

Ata emi asu kusuk mun mi laasen at ne Moroa neni laradi ak leklen la leemi asu bok tin mumu lugugu at ne Iesu Karisito amisik la kopmen taxavaxap teren. I ruturun.

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

1 Korin 10:13

Leveloklok tong pen axap it pot saparap nimi, ni i lok ngan mun mo leveloklok tong pen it pot saparap limixin axap. La ne Moroa i ruturun; la ni noxo ke xepe nimi ri loklok tong pen, nemi xopmen mina epovo xusu miba xip tutu min. Se at nom laaleng do loklok tong pen na vot saparap nimi, neni naba lox alolos nimi xusu minaba tu lolos la minaba vas su basinge mo loklok tong pen kusu mi noxo subu.

1 Korin 15:50

Luvutnetak mi luvurinuk. Nia a tong tuturun i do labantuxu atdik at na lorooro xopok, kopmen na epovo ri vubeles at Linintoo at ne Moroa. La levempanga i mau, kopmen na epovo xusu na lok ka tenep at lorooro avolo.

2 Korin 1:10

Neni ga ranga asepsu nama basinge mo langas ti lanmet la neni nabak lox amisik box i. La ma lok li lodoxoma voovo mavana ren do neni mo nabang tanga axatu bok nama at levenmumuat i nemen tangais nama at na levenaleng i tu umelamgo atnama.

Galesia 1:5

Ata xip aurut laasen at ne Moroa, la leemi asu rin amisik la kopmen taxavaxap teren. I ruturun.

1 Tesalonia 5:23

A sing ne Moroa i umsu mi limila, do neni na lox adadat lorooro atnimi la neni na lox alolos lodoxoma eburu mi lorooro la labantuxu atnimi, kusu minaba nemen mokmokso at lemeren ne Moroa ap mo laaleng Leeme Silok, ne Iesu Karisito nabamlong teren.

2 Tesalonia 3:3

Ketla Leeme Silok i lok tooro ruturun amisik limixin teren la neni naba lox alolos lorooro atnimi la naba lok tatao nimi basinge ne Satan.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

1 Timoti 6:16

Neni xusuk mun naba roo avolo la i nemen keneng at langsangan laxasep la kovisi tara goxo ven tu ren, la tara noxo ven box i. Loklok ngangao xusuk tin eburu mi lololos amisik! Tuturun.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

2 Timoti 4:1

At lemeren ne Moroa la at lemeren ne Iesu Karisito, mo naba ila mumu lorooro at limixin di rooro la at limixin diga met pam; la neni nabamlong la naba nemen ngan Loorong Silok. Kuren la a sing alolos u xeretna.

Ibru 11:16

Ketla lodoxoma atdi move ga vara ri temenemen avukat tinotno, mo lemenemen ik lok to vana at laxalibet. Kuren la ne Moroa i lok momo xusu dina soxor i do ne Moroa atdi mila neni ga lox agagas lemenemen tidi.

Ibru 12:22

Ketla nemi mi goxo ekip tangarang mi tevempanga xeretna at lovotpot atnimi saparap ne Moroa. I lok ngan ta do mira vot pam to saparap lakaana Saion la lemenemen Jerusalem, neni lemenemen at ne Moroa, mo i rooro. Mira vot pam ap mo lemenemen i umsu aleng mi lubung angelo, kopmen tara i epovo ri exes di, mo dik lok buru la dik pixan emi asu saparap ne Moroa.

Ibru 13:21

A sing ne Moroa do na lox agagas avukat nimi xusu minaba mu asu lavavara ren la neni na gugu at lebelen nimi xeneng at loklok tooro at ne Iesu Karisito. Ata ba lok mo levempanga neni naba momo ren la ata emi asu min la na leemi asu rin noxo xap. Tuturun.

Jems 2:5

Luvutnetak mi luvurinuk orong. Nemi axap mina ronga ia. Luvuttadi mo di lok ngan lavanga gamasa at lemeren limixin at na lavatkangka, Moroa ga soxolik ka vam di kusu diba umsu mi lunuunu la dina nemen ngan lavaanat too at Linintoo ren. Neni ga paase alii i do nedi limixin di balamu i, diba lok ka loxot at Linintoo ren.

1 Pita 1:5

La ne Moroa ik lok li i rinemi limixin mi ruuna lunuunu la neni ik lok tatao nemi mi lololos teren kusu ri loklox arooro, mo ne Moroa naba lox asuvos i at laxavaxap at na lavatbung menemen.

1 Pita 5:11

La ateren kusuk mun lololos amisik la kopmen taxavaxap teren. Tuturun.

2 Pita 1:11

Do mina mu asu na langas, lumusaragu naba rem suang tinotno xusu miba vubeles ukeneng at Linintoo ik lox amisik la neni Linintoo at Laradi Loklox Arooro atnedik, Leeme Silok ne Iesu Karisito.

2 Pita 3:18

Ketla minak lox epasum i xusu mina susu xeneng at letaba nabalamu la lakleklen at Leeme Silok atnedik la Laradi Loklox Arooro ne Iesu Karisito. La leemi asu xusuk tin, ningina la amisik! I ruturun.

Lovoang At Ne Jut 1:1

Nenia ne Jut, lasaxaruki at ne Iesu Karisito, la neton ne Jems. Nia a malagan na lovoang tinemi limixin, mo ne Moroa gara ro xaka vam nimi do tin, la mi rooro xeneng at labalamu at ne Moroa ne Temen dik, la mik lok keneng at loklok tatao at ne Iesu Karisito.