2 Timoti 3:16 - Madak

¹⁶ Levelinga axap keneng at Lovoang Kaala, ne Moroa ga lox asuvos i la i lok tooro aleng nedi di anasa limixin; la di paase aronga limixin di lok laxakapmek; la di lox akmokso lorooro at limixin; la di lox ase limixin mi loklok mokmokso;

2 Timoti 3:16 ပူးပေါင်းရင်းမြစ်များ

Sam 119:11

Ara xonom ka axap pam levelinga ram mi leveeve rak, kusu nenia a noxo lok taxakapmek tu.

Sam 119:130

Losoksoxomus at levelinga ram im taba ia mi laxasep, la im taba bok lakleklen avukat tinedi kopmen takleklen atdi.

Sam 119:9

Tamdak aau naba lok lorooro ren kereva xusu na nemen manmanton? Neni na rooro mu mun levelinga ram.

Metiu 13:52

La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Metiu 21:42

La ne Iesu ga lok tidi, “Mina domangke at levelinga at Lovoang Kaala i lok keretna, ‘Nom luat luvuttadi xipkip gu diga sok tixirixes kepe i, ga ravasu ngan luat kis la lugugu ren i silok aleng. Leeme Silok ne Moroa ga lox i na la i lox avukat aleng at lemeren dik.’ Sam 118:22-23

Metiu 22:43

La ni ga lok tidi, “Do kuren, tila ba ne Devit mi lodoxoma at Loroonan Kaala ga soxor i do Leeme Silok teren? Mila levelinga ren at Lovoang Kaala i lok keretna,

Metiu 26:54

Ketla keke nga di mila nia aba lox asorun mo levengkot at Lovoang Kaala i tong asu i do na lavanga naba vot.”

Metiu 26:56

Na levempanga i ravasu keretna xusu na lox asorun levenmamalagan at lavaeme vapaase alii.” La luvuttadi loklok ka anasa ren diga sixiro axap.

Lagale Lavavang At Ne Iesu Karisito Mak Ga Malagan I 12:24

La ne Iesu ga vorang i ridi xeretna, “Nemi mi soogong at na lavanga mila mixo xasep at levelinga xeneng at Lovoang Kaala la mixo xasep at lololos at ne Moroa.

Lagale Lavavang At Ne Iesu Karisito Mak Ga Malagan I 12:36

Mila ne Devit ga tong asu levelinga mi lodoxoma at Loroonan Kaala la nom levelinga ik lok to xeneng at Lovoang Kaala xeretna, ‘Leeme Silok ne Moroa ga lok ti Leeme Silok tarak keretna, una xis de at lakngak tino se nenia ana lok li limixin munepen taram i ngan loxot burubut ti luxangkedek taram.’ Sam 110:1

Lagale Lavavang At Ne Iesu Karisito Jon Ga Malagan I 10:35

Ataklen i do levelinga at Lenavolo i ruturun tinotno; la ne Moroa ga tong di do levenmoroa, ti mo luvuttadi levelinga ren ga vot tidi.

Lagale Lavavang At Ne Iesu Karisito Jon Ga Malagan I 3:20

Do nege i lok lempanga i lok kapmek, neni i xopara aleng tinotno laxasep la ni noxot pas uto at laxasep, mila neni ixo vara i do mo laxapmek teren na nemen at lasaxaven.

Leven Gugu 1:16

la ga lok tidi, “Luvutnetak mi luvurinuk, levelinga keneng at Lovoang Kaala migomgo na ira sorun; kerekngan Loroonan Kaala ga tong asu i at lengkompixan at ne Devit, mu ne Judas, neni laradi gam gomgo rinedi luvuttadi xusu dina ranga alis ka ne Iesu.

Leven Gugu 18:25

Ni ga lok ka levelinga mumu langas at Leeme Silok, la ni ga ruuna langsangan lomomo xusu ni na anasa limixin mi levelinga mumu ne Iesu, la levelinga ren gak mokso. Ketla neni gaklen kusuk mun lesep susu at ne Jon.

Leven Gugu 20:20

Mikleklen i do nia a goxo lipe tekolinga ri lok tooro nemi limixin; ketla nia agak lox ase nimi ro at lengkot potpot buru la to at leventaugu atnimi.

Leven Gugu 20:27

mila nia a goxo lipe tempanga ketla aga tong asu lempanga axap ne Moroa ga lok do na lox i at lorooro atnimi.

Leven Gugu 28:25

Kuren la diga vas kaxat basinge i mila levendoxoma atnedi ga ekarakat melemu at levelinga at ne Pol. Ni ga tong i ridi xeretna, “Loroonan Kaala ga vaase ruturun at lungusno at leeme vapaase alii ne Aisaia tinedi lavalabat atnemi.

Lovoang At Ne Pol Ti Limixin Nunu to Rom 15:4

Levempanga axap ik lok at Lovoang Kaala, diga malagan i gano xusu ri lox ase nedik, kusu nedik ataba lok kaka lodoxoma voovo xeneng at Lovoang Kaala mo im taba dik mi loklox atnaasan la lavapaase tooro.

Lovoang At Ne Pol Ti Limixin Nunu to Rom 2:20

la mi tong i do nemi luvuttadi loklox ase rinedi limixin loklok atdi i bilinga, la nemi luvuttadi loklox ase rinedi limixin kopmen takleklen atdi, mila keneng at Lenavolo mi ruuna levelinga axap i ruturun.

Lovoang At Ne Pol Ti Limixin Nunu to Rom 3:2

Laaba, limixin me Judaia dik lox avot keneng at lodoxoma at ne Moroa, la ne Moroa ga doxoma rinotno i do ni na raba levelinga ren tidi kusu dina lok tatao i.

Lovoang At Ne Pol Ti Limixin Nunu to Rom 4:23

Na levelinga i vaase xeretna do, “Moroa ga siam ka i ngan laradi mokmokso.” Lur 15:6 Di goxo malagan i xusu tin kusuk mun.

1 Korin 12:7

Moroa im taba legetgesa radi mi leventamtaba at Loroonan Kaala kusu rin ti lok tooro limixin axap di nuunu.

Galesia 3:8

Lovoang Kaala ga vaase avot be i xeretna do ne Moroa naba lok li limixin kopmen di me Judaia ngan nedi limixin mokmokso mumu mun lunuunu atnedi. La avot ti lovotpot at Lagale Lavavang keneng at ne Iesu, Lovoang Kaala ga vaase asu i ri ne Abaram keretna, “Mumu mun lunuunu ram, nenia anaba lox anarong limixin axap at na lavatbung menemen.”

2 Timoti 2:25

Neni na lok ngan laradi mulus do ni nak lox akmokso nedi xopmen dina etaba belen min, kusu ne Moroa naba siam ka amlong di la ni na doxoma xepe laxakapmek atnedi la dinabaklen luruturun.

2 Timoti 4:2

Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

Ibru 11:1

Lunuunu neni loklok tim doma ngangais ti leveloklox anarong ne Moroa naba raba limixin teren min; la lunuunu ik lox aklen dik ti mo levempanga nedik kopmen ta reven tu ren.

Ibru 3:7

Nedik limixin at ne Karisito, kuren la nemen mita ronga xepe levelinga ren. I ngan levelinga at Lovoang Kaala, Loroonan Kaala ga vaase i xeretna, “At na loxonaleng do mina ronga levelinga at ne Moroa,

Ibru 4:12

Levelinga at ne Moroa i ruuna lorooro la i lolos aleng; i lok ngan lavarise i anan evan, mo i tara xoxorop laranin etudum la laramomodong atdik; la kerepmo bok levelinga at ne Moroa i pubeles uto xa xeneng at lodoxoma la lorooro atdik kusu na lox asu leveloklok kakapmek; kuren la nedik toxo epovo xusu ata lipe at lemeren ne Moroa, neni ikleklen levendoxoma atdik la levesumsuma at lebelen dik.