2 Timoti 3:10 - Madak

¹⁰ Ketla nenu u mumu asu avukat levenanasa rak la loklok tarak; ura lok kaka vam lorooro rak, la ura ven kibis lunuunu rak; ngan loklok mulus, labalamu la a tu lolos bok at lunuunu rak.

2 Timoti 3:10 ပူးပေါင်းရင်းမြစ်များ

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

Taitas 2:7

At levempanga axap nenu una lok leveloklok i nunuan ngan lampoovo ridi xusu nedi bok dina lok levempanga nunuan. Dola una lox ase limixin, una paase ruturun tidi la levelinga ram nak sixit nunuan,

1 Timoti 4:6

Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

Pilipai 2:22

La nemi miklen pam i do neni gara lox asuusu vam lugugu avukat teren, atla neni ga gugu eburu minia ri tong asu Lagale Lavavang, kerekngan lamdak i gugu eburu mi ne temen.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

2 Pita 3:11

Kuren la nemi minaba lok ngan limixin sala rinotno, do minaklen i do na lavatbung menemen naba rem utut keretna? Lorooro axa atnemi na xaala la kopmen taxakapmek noxok lok teren.

2 Timoti 4:3

Laaleng naba vot la limixin di noxo ronga xaka na levenanasa ruturun at ne Moroa, ketla dinaba mu asu lavavara atdi xa; diba ro xaka buaang lavaeme loklox ase xaxarang, kusu diba lox ase nedi mi levelinga di vavara nang tonga i.

2 Timoti 2:22

Kuren la una ke xepe leveloklok kakapmek, kerekngan loklok at luvuraau; la una lolos kusu una mu asu leveloklok keretna; loklok mokmokso, lunuunu, labalamu, la limila. Una lok na levempanga eburu minedi limixin di nuunu at Leeme Silok la nedi lorooro atdi i lok nunuan.

1 Tesalonia 1:5

Maklen i na mila ap mo levenaleng nema maga tong asu Lagale Lavavang tinimi, goxopmen levelinga mene nga, ketla levelinga ga lolos la maga lok bok levempanga sangsangu mi lololos at Loroonan Kaala; la miga ven i do nema maga nuunu ruturun at Lagale Lavavang. La luruptuvuk atnama ga lox avukat kusu mana lok tooro nimi.

2 Korin 1:17

Ise nenia aga soxovo li i na, aga soxovo li i mi luruturun, nia xopmen agoxo soxovo li mene i mi loklok at na lavatbung menemen la ana sisiam gamasa mene do tuturun la kopmen.

Lovoang At Ne Pol Ti Limixin Nunu to Rom 16:17

Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

Leven Gugu 26:4

Buaang atnedi leme Judaia diklen avukat lorooro rak ga vaxaru xaka i at laau rak. Diklen avukat luruptuvuk tarak ga lok kereva to at lemenemen tarak la to bok Jerusalem.

Leven Gugu 20:18

Diga vot posiga i la ni ga lok tinedi, “Miklen i do luruptuvuk tarak ga lox avukat ap mo levenaleng nia aga nemen eburu minemi, ga vaxaru ka i at laaleng nia aga rupot de at lenep Asia.

Leven Gugu 2:42

Diga tupot eburu amisik mi luvuttadi vavang kusu rik lok ka levenanasa at ne Moroa; digak lok levengkitkis buru la levenanan buru la levesingising atdi.

Lagale Lavavang At Ne Iesu Karisito Luk Ga Malagan i 1:3

La nenia bok agara sue avukat ka vam levelinga mumu lorooro axap at ne Iesu; kuren la a doma i do i lox avukat kusu ana malagan akmokso lempanga ne Iesu ga lox i.

1 Timoti 1:3

Nia a vara i do una nemen go Epesas, kerekngan aga tong i ru ap mo laaleng nia aga vas kaxat uto Masadonia. Leventaba luvuttadi me go Epesas di vanasa limixin mi levenanasa xaxarang; kuren la una tong i ridi do dina xap ta ap mo loklok.

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

Pilipai 2:20

Kopmen tara i lok ngan ne Timoti, im doma amisik lorooro atnimi.

2 Timoti 4:2

Una vavang mi levelinga at ne Moroa. Una gagas at levenaleng axap ti tong asu i; una lox akmokso lorooro at limixin, una paase aronga di, la una paase tooro di; lorooro ram na umsu mi loklok mulus, ketla una lox ase nunuan limixin.

2 Timoti 4:7

Nenia aga lolos kusu ana sixit avukat at lekampoovo, la arak sixit pam at loxot i vaxalom, ketla am tebeng avarang lunuunu.