2 Timoti 2:24 - Madak

²⁴ Lasaxaruki at Leeme Silok, kopmen noxo lok levenekarakat, neni na etaba belen mi limixin axap, la neni lagale laradi loklox ase.

2 Timoti 2:24 ပူးပေါင်းရင်းမြစ်များ

Metiu 12:19

Neni noxo etep mi levelinga kopla nap kup mukmusak; neni noxo ru asuvos i ro melamgo at limixin axap.

Lagale Lavavang At Ne Iesu Karisito Jon Ga Malagan I 6:52

Anai levelinga ga vaxaru kaxat ka lavapaase mukmusak kantubu at luvuttadi amgomgo la diga esue xeretna, “Na laradi ba raba dik mi levenuut teren kereva xusu ri anan?”

Leven Gugu 15:2

Pol mi ne Banabas duga ronga i na la duga vaase mukmusak aleng la duga etep mi levelinga minedi; kuren la limixin nuunu ro Antiok diga lok katling ne Pol mi ne Banabas la lentaba bok kusu dibat pas uto Jerusalem la dina vot pasa luvuttadi vavang la loxongkulao silok la dina paase mumu na lavanga.

Leven Gugu 23:9

Luxupkup go ga silok la lentaba luvuttadi loklox ase at Lenavolo, nedi at lenep at lubung Parisi diga xatu kaxat la diga vaase lolos, “Maxo vuse ka tavanga i lok kapmek at na laradi. Agut loroonan at na lorooro xopla laangelo mo ga paase rin!”

Leven Gugu 7:26

Ap mo lara laaleng melemu ni ga ven manga legepu radi me Israel duga esep, la ni ga lok do na lok lumulum kantubu atnedu; ni ga lok, ‘Muna ronga i na. Nemu vam nom leton; tila nemu mu esep?’

2 Korin 10:1

Nenia ne Pol; a sing nimi, mi mo loklok mumulus la loklox atnaasan at ne Iesu Karisito. Do nia a nemen eburu minimi, mi lok do nenia ne Pol ak lok mumulus mene; ket do a nemen paxalom basinge nimi, mi lok do nia a paase lolos tinimi.

2 Korin 10:4

Levempanga esep atnama ri esep at na lavatbung menemen kopmen mede at na lavatkangka; ketla ni i ruuna lololos boro at ne Moroa la i epovo xusu ri sele utut kepe lengkot kitkis at laradi munepen atdik min.

2 Korin 6:4

Ketla keneng at levempanga axap ma lox i, ma lox asuusu loklok at lavasaxaruki at ne Moroa, la map kip levenmumuat, la levesongsongot, la levenaknixip mi lumulus.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Epesas 4:2

Lorooro axap atnimi na umsu mi langsangan loklok ngangao la loklox anare; mina nemen mulus mene la mina lox asuusu labalamu rinedi di lok laxakapmek.

Pilipai 2:14

At levempanga axap mi lox i, nemen mita gagalinga la mita etep mi levelinga,

Pilipai 2:3

Nemen mita doma i do mina lox asilok nimi, ketla mina lox asi nimi maxopok at limixin; amisik mina doxoma mumu nunuan nedi avot la melemu ba nemi, la mina umsu mi langsangan loklok ngangao.

Kolosi 3:13

Mina mulus kaka nedi limixin di vamigis nimi la mina domampe laxakapmek atnedi di lok laxakapmek tinimi. Mina domampe laxakapmek atnedi kerekngan Leeme Silok i doxoma xepe laxakapmek atnimi.

1 Tesalonia 2:7

Ketla nema luvuttadi vavang at ne Iesu Karisito; la keneng at na maga epovo ri sing panga nimi, ketla ma goxo lox i xuren. La ma goxo paase lolos tinimi, ketla loklok atnama gak lok mulus atnaasan mun kerekngan latkin i lok tatao laxamdak mi laxaalik kakalik teren.

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

Taitas 1:1

Nenia ne Pol, lasaxaruki at ne Moroa la nenia laradi vavang at ne Iesu Karisito. Nenia a gugu rik lox alolos lunuunu at lavaanat soxolik at ne Moroa. Nia a vanasa nom limixin mi levelinga ruturun at ne Moroa xusu lorooro atdi nak mokso aleng,

Taitas 1:7

Nedi nom luvuttadi amgomgo dina lok tatao lugugu at ne Moroa maxeneng at lotu ren; kuren la lorooro atdi nak mokso aleng at lemeren limixin. Di noxo paase xuxurung. Nemen di tak musak soso, di noxo inin tangtangku mi lengkadan lolos. Nemen di ta vesep. Nemen di ta vavara pilas solo.

Taitas 1:9

Nedi dinam tebeng lolos levelinga ruturun at ne Iesu xerekngan nia aga lox ase vam di min. Dina nemen kuren kusu dina lox alolos lunuunu at limixin mi levelinga ik mokso, la kusu dina lox akmokso lodoxoma atnedi limixin nuunu di xopara levelinga at ne Iesu.

Taitas 3:2

la di noxo paase xapmek mumu tara; ketla limila na nemen at lebelen di; dina balamu limixin; la dina lok ngangao ruturun at limixin axap, limixin nuunu la limixin bok maxamang at lotu.

Jems 1:1

Nenia ne Jems, lasaxaruki at ne Moroa la at Leeme Silok ne Iesu Karisito. Nia a malagan na levelinga ri lasangaun mi legepura larabibinat me Judaia di epeseves at na lavatbung menemen axap. Nia a malagan lavapaase momo rinemi.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

Jems 4:2

Nemi mi vara levempanga, ketla kopmen mina epovo ri lok kaka i. Nemi mi sev amet limixin la mi ngaongao ri lempanga at lentaba vetpes, ketla kopmen mina epovo ri lok kaka nom levempanga mi vara rin. Mi vetep mi levelinga la mi vesep. La kopmen mina lok kaka tempanga avukat mila kopmen mina ngising ne Moroa rin.

1 Pita 3:8

Ti lox axap na levelinga xeretna, nemi axap mina ruuna legesa doxoma eburu mi legesa sumsuma xeretna; mina doma mumu nedi di ruuna levenmumuat, la mina ebalamu ela ngan nemi loxoeton la mina belemumu nedi la mina lox asi nemi.

Lovoang At Ne Jut 1:3

Larapen tangas orong tarak. Nia a vara aleng i xusu ana sok levelinga rinimi mumu mo langas ti lorooro avolo, ne Moroa im taba dik min. Ketla lara lavanga silok ira vot pam la a tong i rinimi do minam tebeng lolos levelinga at ne Moroa, ni ga raba avolo gesara mun i ri limixin teren.