2 Timoti 2:15 - Madak

¹⁵ Nenu xa una lolos kusu luruptuvuk taram naba lox avukat at lemeren ne Moroa ngan laradi xopmen na lok mamangan mi lugugu ren, la neni i anasa avukat mi levelinga ruturun at ne Moroa.

2 Timoti 2:15 ပူးပေါင်းရင်းမြစ်များ

Metiu 13:52

La ni ga lok, “Kuren la nedi axap luvuttadi loklox ase at Lenavolo do dina mumu asu levelinga at Linintoo no vana at laxalibet, nedi di lok ngan laradi at loogu i xip asu lempanga maxat mi lempanga maut boro xeneng at loogu lili ren kusu na raba limixin min.”

Lagale Lavavang At Ne Iesu Karisito Mak Ga Malagan I 4:33

Laxampapaase poovo keretnom ni ga vaase asu i ri limixin axap at nom laaleng. Se diga epovo kusu dibaklen ka levelinga ren, ni ga vaase asu i ridi.

Lagale Lavavang At Ne Iesu Karisito Luk Ga Malagan i 12:42

Leeme Silok ga vorang i rin keretna, “Nege mo laradi ruturun la lasaxaruki avukat? Neni mo laradi, leeme silok teren naba lok li i xusu nak lok tatao loogu ren la na raba lavasaxaruki mi lempanga anan tidi at lengkonaleng mokmokso.

Leven Gugu 2:22

La ne Pita ga lok bok, “Leme Israel. Mina ronga na levelinga; na ne Iesu me Nasaret ni laradi ne Moroa ga lox asilox i mi lempanga sangsangu kantubu atnimi la nemi axa miga ven pam mo lempanga ni ga lox i at lekngen ne Moroa.

Leven Gugu 20:27

mila nia a goxo lipe tempanga ketla aga tong asu lempanga axap ne Moroa ga lok do na lox i at lorooro atnimi.

Lovoang At Ne Pol Ti Limixin Nunu to Rom 14:18

La dola nege i lox epovo lugugu ri ne Karisito at na langas, neni ba lox amomo ne Moroa la limixin diba lok momo mi na loklok teren.

Lovoang At Ne Pol Ti Limixin Nunu to Rom 16:10

Lavapaase momo bok ti ne Apelis, ga lox asuusu i do luruburu ren mi ne Karisito i tu atmatkun. Lavapaase momo bok ti ne Aristabalas midi loxoetemen.

Lovoang At Ne Pol Ti Limixin Nunu to Rom 6:13

La nemen gat miguta raba tamangkot at labantuxu atnemi ri laxapmek, kusu mina lok levempanga xapmek. Ketla mina raba axa nemi ri ne Moroa, na ngan laradi ga ravasu at lanmet ti lorooro, la mina raba lorooro axap atnemi rin kusu rik lok lugugu i nunuan la ik mokso.

1 Korin 2:6

Tinedi mo dira mukun pam keneng at lunuunu, nema luvuttadi vavang, ma paase ridi mi lakleklen at ne Moroa, ketla kopmen lakleklen at na lavatbung menemen, kopla levendoxoma at luvuttadi amgomgo at na levenaleng; mo lolos atnedi naba sonao kot.

2 Korin 10:18

Moroa xopmen na siam ka mo laradi ik lox aru axa i, ketla neni i siam ka mo laradi, Leeme Silok ne Moroa ik lox aru i.

2 Korin 3:6

La ne Moroa axa ga lox aepovo nama xusu mana tong asu Lagale Lavavang mumu lekabus maxat. Ana lekabus kopmen boro at Lenavolo, ketla boro at Loroonan Kaala. Lenavolo i lox asuusu lanmet, ketla Loroonan im taba lorooro.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

2 Korin 5:9

Kuren la do nedik tak lok at na lorooro kopla ata met, ata lolos kusu atak lox amomo Leeme Silok;

Galesia 1:10

Nenia xopmen ana vaase i na xusu do ti lok limixin diba lok momo minia, kopmen tinotno. Nenia a vaase i na xusu ti lox amomo ne Moroa. La nenia kopmen ana vaase i na xusu limixin dinaba emi asu minia. Kopmen. Do nenia gita lox i xuren, ixo epovo bok do nenia giba lok ngan lasaxaruki at ne Karisito.

Epesas 1:13

La nemi bok miga ravasu ngan limixin at ne Karisito at loxonaleng miga ronga xisip levelinga ruturun teren, ni Lagale Lavavang i vaase axasep loklox arooro ri limixin. Ap mo loxonaleng miga ru ka lunuunu saparap ne Karisito, Moroa ga lok li nimi ngan limixin teren la ga raba nimi mi loklok katling teren, ni Loroonan Kaala, mo ne Moroa ga paase alii min ti limixin teren.

1 Tesalonia 2:4

Ganoxa ne Moroa ga ven i do lorooro atnama ga lox avukat la ga raba nama mi Lagale Lavavang teren kusu mana tong asu i. Maga xopara na emi asu minama; ketla maga vavang kusu ne Moroa na lok momo minama, neni iklen lodoxoma atnama do i lox avukat kopla kopmen.

1 Tesalonia 5:14

Luvutnetak mi luvurinuk. Ma tong i rinimi do mina paase alolos nedi dik molo. La mina paase tooro nedi dik marat soso. La mina lok tooro nedi lunuunu atdi xopmen na lolos, la minat kis mulus mi limixin axap.

1 Timoti 4:6

Dola una vaase asu na levenngas linga tinedi luvutnetam, uba lok ngan lasaxaruki avukat at ne Iesu Karisito; mila loroonan taram i anan mais at lunuunu la at levenanasa avukat, nu ugara mumu asu vam i.

Ibru 4:11

Kuren la mina raba axap lodoxoma atnimi xusu mina vubeles ap mo loklok mamas la kopmen tara noxo subu kot la na mu asu lampoovo atnedi leme Israel, diga raba arulu ne Moroa.

Jems 1:12

I lox avukat aleng do laradi nuunu na tu tuxuruxun maxopok at leveloklok tong pen. Mo do laradi ira sak tup pam mi leveloklok tong pen, i lox avukat mila ne Moroa naba raba i mi lavatbungorong, i lok ngan luunun tin la neni lorooro avolo. Ganoxa ne Moroa ga paase alii i do ni naba raba i ri mo limixin di balamu i.

Jems 1:18

Neni ga mumu asu lavavara ren la ga raba nedik mi lorooro maxat, mo ga laa boro at levelinga ruturun teren, kusu nedik taba lok ngan levempipisik avot, la taba gomgo ri lempanga axap, ni ga rudum li i.

2 Pita 1:10

Kuren la luvutnetak mi luvurinuk, mina lolos kusu mina doma amuat lorotoro la losoksoxolik at ne Moroa rinemi; la do mina lox i na, kopmen tinotno mi noxo subu basinge lunuunu atnemi.

2 Pita 1:15

Anaba lolos tinotno xusu ana vuse xaka tangas ti lok nemi xusu minabam doma aklen ti na levempanga at levenaleng melemu at lanmet tarak.

2 Pita 3:14

Kuren la, larapen tangas orong tarak, at na nga levenaleng mi ngangais mi lomomo ri mo laaleng, a vara i do, mina tu lolos kusu noxopmen toxot kakapmek kopla toxot ik token nak lok at lorooro atnimi, la minak lox eburu mi ne Moroa keneng at lenmila ren.