2 Timoti 2:10 - Madak

¹⁰ Kuren la nia a tu lolos keneng at levesongsongot kusu ri lok tooro mo lavaanat soxolik at ne Moroa la kusu nedi bok dinaba lok kaka loklox arooro at ne Iesu Karisito la ri lox asuusu bok lisisixam avolo ren.

2 Timoti 2:10 ပူးပေါင်းရင်းမြစ်များ

Metiu 24:22

La mo levenaleng ti mo levenmumuat do ne Moroa noxo lox atmur i, kopmen teta naba roo suu; ketla ne Moroa naba lox asuusu labalamu ren ti mo limixin neni gara soxolik ka vam di, la ni naba lox atmut mo levenaleng.

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 24:31

La lubung angelo diba ronga lerengteng at luru la nia aba riki di uto at lengkot axap kusu dina lam kaka lavaanat soxolik at ne Moroa boro at lavanuet laramesuluk at lavanuet laramera manman at na lavatbung menemen.”

Lagale Lavavang At Ne Iesu Karisito Luk Ga Malagan i 18:7

La kereva, ne Moroa? Neni naba ronga linga at limixin axa ren, mo di ngising amisik tin kusu ri loklok tooro at lengkangking la at lengkanimin. La neni noxo lok sila bok kusu ri lok tooro di.

Lagale Lavavang At Ne Iesu Karisito Luk Ga Malagan i 22:57

Ketla ne Pita ga sev apkap, ga lok keretna, “Axoklen mo laradi!”

Lagale Lavavang At Ne Iesu Karisito Jon Ga Malagan I 11:52

la kopmen tinedi xusuk, ketla tinedi bok limixin kopmen di me Judaia no diga epeseves la neni naba lox asi buru du ngan legesa bungmixin.

Lagale Lavavang At Ne Iesu Karisito Jon Ga Malagan I 17:24

Tamak. Uga raba vam ia midi, la a vara i xusu dina nemen eburu minia ap mo lenep nenia ana nemen e, kusu diba ven lisisixam tarak, mo lisisixam nenu ga raba ia min, mila uga balamu ia avot ti luruntudum li at na lavatbung menemen.

Lagale Lavavang At Ne Iesu Karisito Jon Ga Malagan I 17:9

Nia a sing tidi. Nia xopmen na sing ti limixin at na lavatbung menemen ketla a sing tinedi uga raba ia midi, mila nedi ataram.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

Lovoang At Ne Pol Ti Limixin Nunu to Rom 9:23

La ni ga vara box i xusu neni na lox asu lagale lisisixam teren, no ni ga soli asu i rinedik limixin ua neni ga belemumu dik, la ti nege atdik no neni gara gagas pam di xusu dinaba lok kaka lisisixam teren,

1 Korin 1:21

Moroa i ruuna lakleklen solo la ni ga lok pe limixin akleklen kusu kopmen di noxo epovo na vuse sa ren mi lakleklen atdi xa. Ketla ne Moroa ga lok losoxovo do ni naba lox arooro nedi dina nuunu at Lagale Lavavang, keke i do limixin di tong i do Lagale Lavavang ni lavanga gamasa.

1 Korin 9:22

Kantubu atnedi lunuunu atdi ixo lolos, ana nemen ngan bok di, kusu aba lok ka bok di la ana lox alolos lunuunu atdi. La kerepmo a lox ia ngan limixin axap, kusu aba sat ka bok tentaba atnedi uto xeneng at Linintoo at ne Moroa.

2 Korin 1:6

Mo do mana songot at lorooro axap atnama mumu nimi, naba lox avukat aleng mila losongsongot atnama naba lox asuusu loklox amenemen eburu mi lorooro rinimi; la mo do mana lok kaka loklox amenemen ukeneng ti lorooro atnama, na bok naba ravasu ngan loklox amenemen ti lok tooro nimi, mo loklox amenemen i su auru nimi xusu mina tu lolos tip kip mo levesongsongot ngan nema map kiv i.

2 Korin 12:15

Kerepmo aba lok momo aleng do ana raba axap lorooro rak, mi levenaleng tarak, la lololos tarak kusu ri lok tooro nimi. Kereva, ixo epovo do mina balamu lixilix ia xerekngan nia a balamu aleng tinotno nimi?

2 Korin 4:15

Ma suma levesongsongot nop nimi; kuren la do letaba nabalamu at ne Moroa na vot saparap bok teventaba tuvuttadi, nedi diba umsu aleng mi levelinga loklox avukat la diba lox asuusu leemi asu ri ne Moroa.

2 Korin 4:17

La na levesongsongot lixilik i lox asuusu i do langsangan luunun avolo i umsu aleng mi lisisixam at ne Moroa mo i gagas kusu rinama; la i silok aleng ti levesongsongot man tuuna xaka i.

Epesas 3:13

Kuren la nia a sing nimi do mina lolos la nemen mita subu kot kantubu at lunuunu atnimi mumu levesongsongot nia ap kiv i. Na levesongsongot ga vot mila agak lok tooro nimi, ketla mina lok momo mun maxeneng teren.

Kolosi 1:24

La na nga nia a lok momo mumu levesongsongot tarak nia ap kiv i ti lok tooro nimi; la kerepmo a lox epovo levesongsongot no ne Moroa ga lok katling i ria kusu na lok tooro limixin at lotu min, mo i lok ngan labantuxu at ne Karisito.

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

1 Tesalonia 5:9

Moroa xopmen goxo soxolik ka nedik kusu tana ekip tangarang mi lebelemamao ren; ketla neni ga soxolik ka dik kusu taba lok kaka loklox arooro at Leeme Silok, ne Iesu Karisito.

2 Tesalonia 2:14

Moroa ga ro ka nimi ri lorooro avolo xeneng at Lagale Lavavang, maga tong i rinimi. Neni ga ro xaka nimi xusu mina ruuna xaka loxot at lisisixam at Leeme Silox atdik ne Iesu Karisito.

2 Timoti 1:1

Nenia ne Pol, Luun Pavang at ne Iesu Karisito; Moroa ga soxolik ka ia xusu ana tong asu levelinga at lorooro keneng at ne Iesu Karisito.

2 Timoti 2:1

Timoti, nenu lamdak tarak. Nia a tong i na ru do una lolos at letaba nabalamu nedik tan tuuna ka i at ne Iesu Karisito.

2 Timoti 2:3

Do levesongsongot na vot saparav u, una tu lolos at lunuunu ram kerekngan laradi esep at ne Iesu Karisito.

Taitas 1:1

Nenia ne Pol, lasaxaruki at ne Moroa la nenia laradi vavang at ne Iesu Karisito. Nenia a gugu rik lox alolos lunuunu at lavaanat soxolik at ne Moroa. Nia a vanasa nom limixin mi levelinga ruturun at ne Moroa xusu lorooro atdi nak mokso aleng,

1 Pita 2:10

Ketla avot be at na, nemi goxo ngan limixin at ne Moroa, ketla amo nga nemi mi lok ngan limixin teren; i ngan bok gano nemi mi goxoklen lebelemumu at ne Moroa, ketla amo nga, mira ruuna ka vam lebelemumu ren.

1 Pita 5:10

Noxo lox abao la levesongsongot atnimi naba xap, la ne Moroa i umsu mi letaba nabalamu la ni ga ro xaka nimi kusu mina ruuna ka lisisixam avolo ren keneng at ne Karisito la neni naba lox axatu nimi, la neni naba lox alolos nimi la na lok li nemi ro at lixitkis avukat.