2 Tesalonia 3:4 - Madak

⁴ La nema ma nuunu bok do Leeme Silok i lok tooro ruturun nimi la na mi mumu asu levelinga atnama la melemu bok minaba mumu asu i.

2 Tesalonia 3:4 ပူးပေါင်းရင်းမြစ်များ

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Lovoang At Ne Pol Ti Limixin Nunu to Rom 15:14

Luvutnetak mi luvurinuk. Nenia a suma rinotno i dola nemi mi umsu mi luvukat, la mi umsu bok mi lakleklen, la mi epovo xusu mina elox ase ela.

Lovoang At Ne Pol Ti Limixin Nunu to Rom 15:18

Anaba paase xusuk mun at levempanga ne Karisito gara lok tooro vam ia min la ti lam kaka limixin kopmen di me Judaia xusu dina ronga res at ne Moroa xeneng at levelinga rak la leven gugu rak,

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

1 Korin 14:37

Mo do tara i doxoma i do neni laradi vavang at ne Moroa xopla i ruuna laramtaba at Loroonan Kaala, neni na ven kisiv i do na levelinga rak nia a malagan i, ni levelinga lolos at Leeme Silok.

1 Korin 7:19

La kerepmo loklok ti rivit kepe loxontuxu kopla loklok ti ke xepe i, ni lavanga gamasa mun. Lavanga mun i mumuat ni laradi ing tonga res at levelinga at ne Moroa.

2 Korin 2:3

Ni lavasuun teren la nia aga malagan mo lovoang petpes tinimi. Agoxopara i do ana vot pasa nimi la ana ruuna ka lainbulu mila nemi vam nom limixin do ri lox amomo ia. Aga nuunu do miba momo eburu minia.

2 Korin 2:9

Aga malagan mo lovoang tinemi mumu mun i na. Aga vara i do ana long lenget ka i do mina ronga res ap mo levelinga rak keneng at nom lumumuat la mibang tonga res amisik at levelinga rak.

2 Korin 8:22

La maba riki aonon bok neton nedik petpes eburu midu; buaang levenaleng neni gara lox asuusu vam i rinama do i gagas amisik kusu na lok tooro; la mo nga i lolos aleng ti lok tooro mila lunuunu ren i rem saga atnimi.

Galesia 5:10

Keneng at Leeme Silok nia a nuunu rinotno do nemi mi noxo mu bok ba langas petpes, la neni no nege ga lok ekarakat lodoxoma atnemi, ne Moroa naba lok li lumumuat teren.

Pilipai 1:6

Kuren la aklen tinotno i do ne Moroa, ni ga vaxaru ka i na lugugu nunuan keneng atnimi, neni naba lox epovo na lugugu nunuan keneng at lorooro atnimi at na levenaleng la naba se at laxavaxap at lugugu atdik at laaleng ete at ne Iesu Karisito.

Pilipai 2:12

Larapen tangas orong tarak. Migang tonga res amisik tarak ap mo levenaleng, nenia aga nemen eburu minemi, la nemi move mirang tonga res bok tarak at na levenaleng nia a nemen paxalom basinge nemi. Kuren la mina gugu lolos kusu lorooro atnimi naba lok nunuan at lemeren ne Moroa, eburu mi loklok ngangao,

1 Tesalonia 4:10

Luvutnetak mi luvurinuk. I ruturun do mi balamu nedi axap luvutneton dik to at lenep silok Masadonia; ketla ma tong alolos i rinimi do mina balamu aleng di.

2 Tesalonia 3:12

At laasen at Leeme Silok ne Iesu Karisito ma tong lolos i ridi do dina nemen atnaasan la dina gugu ri levempanga dik pakes tin.

2 Tesalonia 3:6

Luvutnetak mi luvurinuk. Ma sing nimi at laasen at Leeme Silok atdik ne Iesu Karisito, do mina ru asepsu basinge di nom limixin nuunu dik molo at lugugu, la kopmen dina mumu asu mo levenanasa nia aga anasa nimi min.

Pilimon 1:21

A malagan na levelinga la aklen tinotno i do nenu unaba ronga res tarak la uba lok levempanga vetpes bok tia.