2 Tesalonia 2:10 - Madak

¹⁰ La neni naba lok leveloklok i lok kapmek kusu na xarang arup limixin mo dinaba seeve, dinaba onon uto at lemenemen songsongot mila diba ronga xepe levelinga ruturun mo im taba limixin mi loklox arooro.

2 Tesalonia 2:10 ပူးပေါင်းရင်းမြစ်များ

1 Korin 1:18

Lagale Lavavang mumu laniu at ne Iesu rovana at laxaba i lok ngan lavanga gamasa rinedi diba seeve; ketla tinedik, limixin atanaba roo suu, Lagale Lavavang i lok ngan lololos at ne Moroa rinedik.

2 Pita 2:12

Ketla ana limixin, di tu eburu xusu ri paase xapmek mumu limixin keneng at levempanga nedi dixokleklen i, la dip tuvuk baulang ngan levempanga aaxa mi lavanuet kangkedek atnedi; lugugu mun atnedi keretna, diga visik mun di xusu dinabak lox alis kaka di la dinap sev amet nedi; la dinaba seeve ngan laxampanga aaxa mi lavanuet kangkedek atnedi.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

Lovoang At Ne Pol Ti Limixin Nunu to Rom 16:18

Leventaba dik lok mo leveloklok, kopmen dina gugu ri Leeme Silok atnedik, ne Karisito, ketla di gugu mun tinedi xa. Levempapaase atnedi ik lox avukat tinotno eburu mi levendoxoma atnedi; kerepmo dik lox atdan kaka limixin, lunuunu atdi xopmen na lolos, kusu dina sar asoogong di.

2 Korin 11:15

Kuren la ixo lolos ti luvuttadi gugu ren kusu dinak lok poovo nedi ngan luvuttadi gugu at levelinga mokmokso. Laxavaxap at lorooro atdi diba lok ka akmokso luunun ti levempanga nedi diga lox i.

1 Timoti 2:4

Neni i vara i do limixin axap dinaba ruuna ka lorooro avolo, la dinabaklen avukat levelinga ruturun teren,

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

2 Korin 2:15

Nedik di ru katling ne Karisito ngan lavanga i so misigisigis ti ne Moroa; la nedi dik lok ka lorooro maxat, la nedi bok dinaba seeve, dim somax i.

Lovoang At Ne Pol Ti Limixin Nunu to Rom 10:1

Luvutnetak mi luvurinuk. Lodoxoma rinotno ro xeneng at laxat tarak do limixin tinotno rak dinaba roo suu. La a ngising amisik ne Moroa rinedi.

Lovoang At Ne Pol Ti Limixin Nunu to Rom 6:17

Ketla a tong loklox avukat tinotno ri ne Moroa. Gano nemi migak lok ngan lavaanat saxaruki at laxapmek; ketla melemu ren mi lorooro axap atnemi, miga ronga res at levelinga ruturun miga ronga i.

Lagale Lavavang At Ne Iesu Karisito Jon Ga Malagan I 5:34

Axok pakes ti levelinga at tentaba vetpes kusu ri lox axasev i do nia nege; ketla a tong na levelinga at ne Jon kusu nemi mina siam ka i la ne Moroa naba lox arooro nimi.

Lagale Lavavang At Ne Iesu Karisito Jon Ga Malagan I 3:17

Moroa ga riki ne Nitna ude at na lavatbung menemen kopmen do neni na lok li loxokoxo ri limixin. Ketla Moroa ga riki ne Nitna xusu neni Laradi Loklox Arooro ridi.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

Ibru 3:13

Ketla at na levenaleng nemi move mi rooro ren, mina epang aru xusu laxakapmek noxo solo arup tara atnimi la lebelen na repe ri levelinga at ne Moroa.

1 Tesalonia 2:16

digak lok pe nama xusu ma noxo tong asu bok Lagale Lavavang tinedi limixin kopmen di me Judaia, kusu di noxo vubeles at Linintoo at ne Moroa. Laxakapmek atnedi limixin me Judaia i silok la mo laxakapmek ti lok pe limixin kopmen di me Judaia i lox asilok laxakapmek atdi. Kuren la lebelemamao at ne Moroa ira rupot pam saparap di.

2 Korin 11:13

Limixin kerepmo kopmen di luvuttadi vavang tuturun. Nedi luvuttadi vavang kaxarang la di xaxarang mi leven gugu atdi la dik lok poovo i xusu dina ven ngan luvuttadi vavang at ne Karisito.

Metiu 13:11

La ne Iesu ga vorang i ridi xeretna, “Moroa ira raba vam nimi mi lakleklen at Linintoo no vana at laxalibet; gano ga nemen alipe; ketla tinedi limixin petpes kopmen.

2 Tesalonia 2:12

la kusu dinaba lok kaka lumumuat silok, ni lemenemen songsongot, mila di noxo nuunu at levelinga ruturun teren la dibak lok momo mene mi levempanga kopmen nak mokso.

2 Tesalonia 2:13

Luvutnetak mi luvurinuk. Leeme Silok i balamu nimi. La ik mokso do mana tong avukat amisik ti ne Moroa mumu nimi, mila ne Moroa gara soxolik ka vam nimi ganoxa at lereot kusu neni na lox arooro nimi. Na loklox arooro ga ravasu keretna; miga nuunu at levelinga ruturun at ne Moroa, la Loroonan Kaala ga lox adadat lorooro atnimi.