2 Tesalonia 1:5 - Madak

⁵ Lunuunu atnimi i tu lolos, la na i lox asuusu i do lodoxoma at ne Moroa ik mokso aleng la at laaleng ete neni naba ila mumu loklok atnimi la minaba epovo xusu mina vubeles uto xeneng at Linintoo ren. Ni lavasuun at levesongsongot atnimi.

2 Tesalonia 1:5 ပူးပေါင်းရင်းမြစ်များ

Sam 111:7

Leven gugu axap at lukngen i nunuan la ik mokso; la mo levelinga axap teren i epovo xusu nedik ata mumu asu i.

Sam 33:5

Leeme Silok i vavara mo leveloklok ik mokso la i ruturun. Labalamu lexen teren i umsu at lavatbung menemen.

Sam 50:6

Laxalibet i tong asuusu i do ne Moroa neni laradi mokmokso, la neni xa laradi rongtonga linga

Sam 72:2

kusu neni naba viila mumu avukat limixin taram at levenaleng neni naba nemen ngan lamgomgo atnedi; la neni nabam gomgonga nedi luvuttadi ua di baava. Neni naba lox i na mi levelinga mokmokso.

Sam 99:4

Loorong Silok nenu Lanaraavuk, u vavara aleng leveloklok in manton; ugara vaxaru vam leventaangas manmanton kusu limixin diba mumu asu i ro xeneng Israel; ugara xip pot pam mi loklok mokmokso la levelinga rurutun.

Lagale Lavavang At Ne Iesu Karisito Luk Ga Malagan i 20:35

Ketla lavatlok mi lavakin mo di epovo xusu dina rooro xat amlong at lanmet la dina nemen at lorooro melemu, kopmen di noxo epot.

Lagale Lavavang At Ne Iesu Karisito Luk Ga Malagan i 21:36

Mina reven avukat ti na lempanga xapmek la mina ngising amisik kusu miba ruuna lololos la mi noxo subu ap mo levenmumuat naba vot, la kusu miba epovo do mina ru ro melamgo rak, Laradi Mevana.”

Leven Gugu 13:46

Ketla ne Pol mi ne Banabas duga paase lolos aleng la kopmen du goxo marat. Duga lok keretna, “Ik mokso at lemeren ne Moroa do mana tong avot be levelinga at ne Moroa rinemi limixin me Judaia. Ketla nemi mi xopara rin, la kerepmo xopmen mina epovo ri ruuna ka lorooro avolo; mana ke xepe nimi la mana tong asu levelinga at ne Moroa ri limixin kopmen di me Judaia.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Lovoang At Ne Pol Ti Limixin Nunu to Rom 2:5

Ketla levendoxoma atnemi i rebonot la mi xopara na leeng; kuren la mi lox asilok nom loklox asongot tinemi ap mo laaleng ne Moroa naba ila mumu loklok at limixin la na lox asu lebelemamao ren ti lasaxaven.

Lovoang At Ne Pol Ti Limixin Nunu to Rom 8:17

La nedik luvutnitna, kuren la atanaba ruuna xaka leveloklox anarong ne Moroa ga lok li ri limixin teren, la nedik eburu mi ne Karisito atanaba ruuna ka bok leveloklox anarong no ne Moroa ga lok li i rin; atla do nedik ata xip tooro ne Karisito mi losongsongot teren, nedik tanaba ruuna ka bok loxot at lisisixam teren.

Epesas 4:1

Nenia ak lok at loxokoxo mumu lugugu at Leeme Silok. Kuren la nia a sing nimi do lorooro atnimi naba lok nunuan axap, i epovo mi lorotoro at ne Moroa tinimi la i epovo mi lavavara at ne Moroa.

Pilipai 1:28

Nemen mita marat atnedi di munepen minimi; amisik mina belemes, la nom lurutu lolos atnimi naba lok ngan loklok katling tidi do nedi dinaba seeve la nemi miba ruuna ka lorooro avolo, mo ne Moroa xa naba raba nimi min.

Kolosi 1:12

la miba tong loklox avukat ti ne Temen dik, ni ga lok nimi xusu miba epovo rinotno ri ruuna ka loxot atnimi ap mo luunun ni ga lox agagas li vam i ri limixin teren to xeneng at Linintoo i umsu mi laxasep.

1 Tesalonia 2:14

Luvutnetak mi luvurinuk. Lorooro atnemi ga vee ngan lorooro at limixin nuunu at ne Moroa to Judaia, mo di nuunu at ne Iesu Karisito; nedi digap kip levesongsongot mumu lunuunu atdi, mila limixin me Judaia axa diga lox asongot di; la kerepmo nemi bok migap kip levesongsongot, mila limixin mi legesa vapaase atnimi axa diga lox asongot nimi.

2 Tesalonia 1:11

Kuren la ma ngising amisik ne Moroa do neni na lox epovo nimi ri mo lorooro melemu, mo ne Moroa atdik ga ro ka nimi rin. La neni na lok tooro nimi mi lololos teren kusu miba epovo do mina lok leven gugu nunuan kerekngan limixin nuunu di vara na lox i.

2 Timoti 2:12

Do dik tana tu lolos keneng at levesongsongot, dik tanaba lok tatao limixin eburu min. Do dik ata sev apkap kepe i, neni bok naba sev apkap kepe dik.

Lisilimet 15:4

Leeme Silok. Limixin axap dinaba lok ngangao ram la di naba emi asu mi laasen taram, mila nenu xusuk mun u melemelengan. Limixin axap at na lavatbung menemen dinaba vosiga u la dinaba lotu parav u, mila levendomdoma mokmokso ram ga ravasu at lasaxaven.” Sam 111:2; 145:7; Jer 10:7 Sam 86:9

Lisilimet 16:7

La melemu aga ronga lempapaase boro at loxonin laplavang ga lok keretna, “I ruturun aleng. Nenu ne Moroa, Leeme Silok, u lolos aleng. La lodoxoma ram ti lox asuusu mo levesongsongot, ik mokso la i epovo rinotno at loklok, mo limixin diga lox i.”

Lisilimet 19:2

mila lodoxoma ren ti raba limixin mi levesongsongot ik mokso aleng la i ruturun. Moroa ira lok li vam lumumuat at latkin ngarangat, mo ga lox abilinga limixin at na lavatbung menemen mi loklok ti elongka. La ne Moroa ira vorang pam laxakapmek ap mo latkin ga sev amet lavasaxaruki at ne Moroa.”

Lisilimet 3:4

Ketla lentaba mun atnimi ro Sadis kopmen di goxo lok laxakapmek. Nedi mo diba sigaara mi levesingsiga bunbun la dinaba emu minia mila nedi mo di epovo rinotno.