2 Pita 3:7 - Madak

⁷ Ketla, laxalibet eburu mi laxangka move duk lok mumu asu levelinga at ne Moroa, la duk lox agagas kusu laxao naba sele utut nedu. La nedu dunabak lok se ap mo laaleng limixin ua dixo mumu asu ne Moroa dinaba ru at lavapaase la ne Moroa naba sele utut nedi.

2 Pita 3:7 ပူးပေါင်းရင်းမြစ်များ

Sam 102:26

Dinaba sonao, ketla nenu unaba nemen amisik; dinaba maut ngan lenbantamon. Unaba lu asu midi ngan lenbantamon, la dina sonao.

Sam 50:3

Moroa atnedik nom boro naba vot, ketla ni noxo vot atnaasan; laxao bokbolot nabam gomgo rin, eburu mi langsangan lamanman bet nabak lok kangkan i.

Metiu 10:15

A tong tuturun i rinimi do at laaleng ete, ne Moroa naba lox asuusu lumumuat ti limixin boro Sodom la Gomora, ketla neni naba lox asuusu lumumuat silok tinotno ri limixin ap mo lemenemen tongtonga xepe!”

Metiu 11:22

Ketla ana tong i rinimi do at laaleng ete, ne Moroa naba lox asuusu lumumuat uto ri limixin at lumenemen Taia la Sidon, ketla langsangan lumumuat naba nemen mavana atnimi.

Metiu 11:24

A tong i rinimi do at laaleng ete, Moroa naba lox asu lumumuat ti limixin kapmek to Sodom, ketla tinemi limixin, lumumuat naba silok aleng tinimi.”

Metiu 12:36

Nia a tong i rinimi. Limixin diba tu at lavapaase ro melamgo at ne Moroa at laaleng ete mumu levelinga xapmek axap diga tong pam i.

Metiu 24:35

Laxalibet mi lavatbung menemen naba sonao, ketla levelinga rak noxo xap.”

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Lagale Lavavang At Ne Iesu Karisito Mak Ga Malagan I 6:11

Do limixin di noxo siam ka nemi la di noxo ronga levelinga atnimi, mina on basinge mo lemenemen la mina semla xepe lengkakup at lengkangkedek atnimi, i ngan loklok katling tidi xusu ri lox asuusu levenmukmusak at ne Moroa.”

Lagale Lavavang At Ne Iesu Karisito Jon Ga Malagan I 12:48

La do tara i raba aralu ia la kopmen na sisiam ka levelinga rak, neni ira sok ka vam lenep tin, mila levelinga mun tarak naba lok li mo lara at lavapaase at laaleng ete.

Lovoang At Ne Pol Ti Limixin Nunu to Rom 2:5

Ketla levendoxoma atnemi i rebonot la mi xopara na leeng; kuren la mi lox asilok nom loklox asongot tinemi ap mo laaleng ne Moroa naba ila mumu loklok at limixin la na lox asu lebelemamao ren ti lasaxaven.

1 Korin 3:13

At laaleng ete, ne Moroa naba lox asuvos ba luruturun at leven gugu at limixin getgesara, i lok ngan ta di lok tong pen leven gol at laxao, la kerepmo ne Moroa naba lok tong pen bok lugugu at limixin getgesara, do kereva i lox avukat kopla xopmen.

Pilipai 1:28

Nemen mita marat atnedi di munepen minimi; amisik mina belemes, la nom lurutu lolos atnimi naba lok ngan loklok katling tidi do nedi dinaba seeve la nemi miba ruuna ka lorooro avolo, mo ne Moroa xa naba raba nimi min.

2 Tesalonia 2:3

Mi guta ke avolo tara na xarang nimi kerepmo, mila lekarakat silok naba rupot avot ti lovotpot at Leeme Silok. Ap mo levenaleng mumuat, buaang limixin dinaba lox abulubun kepe ne Moroa. La lara laradi kapmek naba ru asuvos. Ketla ne Moroa naba lok kapmex i ro at lemenemen songsongot.

1 Timoti 6:9

Ketla nedi di vara i do dinap novos aleng, di ekip tangarang mi leveloklok tong pen la di vonon axa at lara pelixo atnedi limixin tangtangku la mo laxandoxoma xakapmek atnedi i lox asubu di ukopok ti losongsongot la labaava.

Ibru 12:29

mila ne Moroa atdik neni laxao sesele utut.

2 Pita 2:9

Kuren la Leeme Silok ne Moroa i epovo ri lox asepsu limixin avukat basinge levesongsongot, la i epovo bok kusu na lok li limixin tongtonga xepe ro xeneng at loxokoxo la na lox asongot nedi se at laaleng ete.

2 Pita 3:10

Ketla laaleng at Leeme Silok naba vot ngan laradi xipkip pilo. Ap mo laaleng, laxalibet naba sonao eburu mi leretepaavat lolos, la levempanga axap to vana at lamavangkap naba an la na lok kapmek axap; la lavatkangka eburu mi levempanga dik lok keneng teren naba sonao axap at laxao.

2 Pita 3:12

Ap mo levenaleng mina ngangais mi lomomo ti laaleng at ne Moroa, mina lox alolos mo laaleng kusu na vot soso mun. Ap mo laaleng laxalibet naba an, la na rem utut, la levempanga axap naba releus at liplivi.

1 Jon 4:17

At na mun langas labalamu at ne Moroa ik lox ampana avukat keneng at lorooro atdik kusu at laaleng ete ata noxo ruuna lanmarat, mila lorooro atnedik at na lavatbung menemen i lok ngan mun lorooro at ne Iesu.

Lovoang At Ne Jut 1:7

La kerepmo bok limixin diga nemen to at lumenemen Sodom la Gomora la to bok at levenmenemen gak lox auret ti mo lumenemen. Diga lok laxakapmek maxamang at lixitkis epot la lengkot mamangan kerepmo. Monga nedi di nemen keneng at laxao bokbolot naba nemen amisik, la anai neni lavapaase aronga ri limixin axap.

Lisilimet 17:11

La lavatpanga sio, mo ga rooro la na nga i met pam, neni loorong silok sepsev avanuan; la neni bok lara atnedi lavanuti lavaorong silok la ni naba seeve.

Lisilimet 17:8

Mo lavatpanga sio ga rooro gano, kopmen na rooro lingina, ketla melemu naba vasu boro at lemeroon la ba seeve to at lemenemen songsongot. La nedi limixin at na lavatbung menemen, kopmen levenasen atnedi goxok lok keneng at lubuk at lorooro, ga ru ka i at lurutu kaxat at na lavatbung menemen, dinaba sangu aleng do dina ven na lavatpanga sio. Neni ga rooro be, ketla monga neni kopmen na rooro, ketla naba rupot melemu.

Lisilimet 20:11

La nia aga ven langsangan loxonin orong bunbun la mo Laradi gat kis teren; la lavatkangka eburu mi laxalibet duga sixiro basinge i la duga sonao nga.

Lisilimet 21:1

La nia aga ven laxalibet maxat la lavatkangka maxat, mila laxalibet avot mi lavatkangka avot ga xap la laras ga sonao.