2 Pita 3:14 - Madak

¹⁴ Kuren la, larapen tangas orong tarak, at na nga levenaleng mi ngangais mi lomomo ri mo laaleng, a vara i do, mina tu lolos kusu noxopmen toxot kakapmek kopla toxot ik token nak lok at lorooro atnimi, la minak lox eburu mi ne Moroa keneng at lenmila ren.

2 Pita 3:14 ပူးပေါင်းရင်းမြစ်များ

Metiu 24:26

La mo do tentaba dina lok tinimi, ‘Mina ven ba Lanarong, no nga i at lamatbin!’ Nemen gat nimi guta vas kaxat ugo; la do dina lok tinimi, ‘Mina ven ba i, na nga i lipe de at na loogu!’ Nemen gat nimi guta nuunu atdi;

Metiu 25:7

La nedi lasangaun lovosono maxat diga aus kaxat la diga lox agagas levenbabao atdi.

Lagale Lavavang At Ne Iesu Karisito Luk Ga Malagan i 12:43

Naba lox avukat ti mo lasaxaruki, mo do leeme silok teren nabamlong la na long lenget ka i do i lox epovo lugugu ren.

Lagale Lavavang At Ne Iesu Karisito Luk Ga Malagan i 2:29

“Na, Moroa silok! Lavapaase alii ram ira sorun pam, la na nga una ke ia, lasaxaruki taram kusu ana met basinge lugugu ram la ana nemen at lenmila.

1 Korin 1:8

Neni bok naba lox alolos lunuunu atnimi se at laaleng kavaxap la kerepmo at laaleng ete at Leeme Silok ne Iesu Karisito neni noxo ven terek kaka laxakapmek atnimi.

1 Korin 15:58

Kuren la luvutnetak mi luvurinuk orong, mina tu lolos at levelinga at ne Moroa la nemen tara ta sar asoogong ka nimi basinge luruturun teren. Minak lox angtang amisik at leven gugu atnimi ri Leeme Silok, atla mikleklen i do leven gugu atnimi ri Leeme Silok, ni noxo lok ngan lavanga gamasa.

Pilipai 1:10

kusu miba epovo do mina soxolik ka lempanga sala i nunuan la kerepmo lorooro axap atnimi naba dadat, la kopmen teveloklok kakapmek noxo nemen teren se at laaleng ete at ne Karisito;

Pilipai 2:15

kusu luruptuvuk atnimi ba nunuan la miba dadat basinge laxakapmek atnimi la nemi minaba lok ngan laxamdak at ne Moroa ap mo levenaleng mi nemen kantubu at limixin kakapmek at na lavatbung menemen, mo di umsu mi laxapmek. Do lorooro atnimi na nemen kuren, minaba babao ngan laxampenti i soosoo axasep bok lamavangkap.

Pilipai 3:20

Ketla nedik lavaanat boro vana at laxalibet, la di ngangais mi lomomo ti Laradi Loklox Arooro, Leeme Silok ne Iesu Karisito, naba si boro vana at laxalibet.

1 Tesalonia 3:13

La kerepmo neni na lox alolos lorooro atnimi xusu lorooro atnimi nak mokso aleng at lemeren ne Moroa ne Temen dik, ap mo laaleng ne Iesu, Leeme Silok atdik nabamlong eburu mi limixin dadat teren.

1 Tesalonia 5:23

A sing ne Moroa i umsu mi limila, do neni na lox adadat lorooro atnimi la neni na lox alolos lodoxoma eburu mi lorooro la labantuxu atnimi, kusu minaba nemen mokmokso at lemeren ne Moroa ap mo laaleng Leeme Silok, ne Iesu Karisito nabamlong teren.

1 Timoti 6:14

una mu asu ruturun na levelinga la nemen uta ke taxakapmek na nemen at lorooro ram, se at lovotpot at Leeme Silok atdik ne Iesu Karisito.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Jems 1:27

Leveloklok mo i nemen, ne Moroa i vara i do limixin dina lox i. Do dina lox epovo i, i lox asuusu i do di nuunu ruturun. Nom leveloklok i lox avukat aleng la i lok keretna. Limixin dina lok tatao avukat lubungkarun la lavakin, lavatlok atdi diga met pam; la dina lok tooro di at levenmumuat atdi. La lara lavanga bok, nedik ata lok tatao avukat lavatpas atnedik, la loklok at na lavatkangka noxo lox abilingot lorooro atnedik.

1 Pita 1:7

Ketla ana levempanga it pot ti lox asuusu mun i do lunuunu atnemi i lolos. I ngan bok leven gol ni i epovo xusu dina lok kapmex i, din tin tong pen box i ro at laxao; la lunuunu atnemi, neni lavanga i silok aleng ti logol, neni dinaba lok tong pen i xusu ri long lenget ka i do i lolos kopla kopmen. Melemu minaba ruuna ka leemi asu, la lisisixam eburu mi loklok ngangao at laaleng ne Iesu Karisito naba ru asuvos.

2 Pita 3:1

Larapen tangas orong tarak. Neni na lovoang sepsev agepura nenia a malagan i rinemi. La keneng atdu buru na luvoang, aga malagan levelinga xusu ri lox aus levendoxoma atnemi la ti lox adoxoma manga nemi mi levelinga i nunuan.

2 Pita 3:16

Neni i paase amisik keneng at lempoang teren mumu na levempanga. Leventaba levempanga lolos mo ik lok keneng at lempoang teren la i lolos kusu ata xasep teren; la limixin dixo tu lolos at lunuunu atnedi, di ba gili xapmek lempasuun ap mo levelinga ren, la di ba gili xapmek bok levelinga xeneng at Lovoang Kaala. Kuren la mumu mun mo langas dik lox i, dinaba seeve.

1 Jon 3:3

Nedi axap di ngangais mi lomomo ti mo laaleng, amisik di lok kepe laxakapmek at lorooro atdi kusu dina dadat basinge laxakapmek la lorooro atnedi naba dadat axap kerekngan ne Iesu.