2 Pita 2:3 - Madak

³ La loklok ti belegaao bok at na lavaeme loklox ase xaxarang naba silok la dinaba lok ka lempilas atnimi mi leventetere xaxarang diga doxoma xaka i. La at laxanaleng buaang, ne Moroa ira gagas pam kusu na lok li lumumuat atdi la naba sele utut nedi.

2 Pita 2:3 ပူးပေါင်းရင်းမြစ်များ

Sam 18:44

Limixin boro xadiong dit kis tintiding mi levempatgulom atnedi saparav ia; dola di ronga ia, di ronga res at levelinga rak.

Sam 66:3

Mina tong i ri ne Moroa xeretna, “Levempanga uk lox i, i nunuan aleng! Lolos taram i silok aleng, kuren la limixin munepen minu di xis tintiding to melamgo ram mi lanmarat.

Sam 81:15

Nedi ua digang long angtungun tia, dinabak milik tiding mi lanmarat to melamgo rak; la mo loklox asongot tinedi naba nemen amisik noxo xap.

Metiu 23:14

[Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mip kip pilo lempanga at lempatnaa sioxo rixin, la melemu at na mik lok levesingising to melamgo at limixin kusu rik lox ase di do loklok atnimi i nunuan axap. Kuren la ne Moroa naba lok li lumumuat silok atnimi.]

Lagale Lavavang At Ne Iesu Karisito Luk Ga Malagan i 18:8

A tong i rinimi do, neni naba ronga linga atdi la soso mun na lox epovo i. Ket do Laradi Mevana nabamlong ude at lavatbung menemen, kereva, nenia anaba long lenget ka limixin di nuunu?”

Lagale Lavavang At Ne Iesu Karisito Luk Ga Malagan i 20:20

Diga ngangais ti toxonaleng petpes kusu ri ranga alis i. Diga un ka lentaba luvuttadi xusu diba lok ngan luvuttadi vapaase ruturun, la diga riki nedi xusu dina bala arup ne Iesu mi lususue, kusu diba ranga ka i la dina lok li i at lavapaase ro melamgo at laradi gomgo.

Lagale Lavavang At Ne Iesu Karisito Luk Ga Malagan i 22:47

Iesu move ga paase la buaang nedi limixin diga vot, la lara laradi laasen teren ne Judas gat pas to melamgo atdi; neni legesara atnedi lasangaun legepura luvuttadi loklok ka anasa, la neni ga vas auret ne Iesu la ga nes i.

Lagale Lavavang At Ne Iesu Karisito Jon Ga Malagan I 2:16

La ni ga lok ti luvuttadi diga sesep mi levenamno xeretna, “Mina lok kepe nom lavapixa uto xamang basinge na loogu. Nemen mita lok loogu at ne Tamak na lok ngan ta loogu sesep.”

Lovoang At Ne Pol Ti Limixin Nunu to Rom 16:18

Leventaba dik lok mo leveloklok, kopmen dina gugu ri Leeme Silok atnedik, ne Karisito, ketla di gugu mun tinedi xa. Levempapaase atnedi ik lox avukat tinotno eburu mi levendoxoma atnedi; kerepmo dik lox atdan kaka limixin, lunuunu atdi xopmen na lolos, kusu dina sar asoogong di.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

1 Tesalonia 2:5

Ap mo laaleng maga vavang tinimi, ma goxo lox atdan kaka tevempanga atnimi la ma goxo ruuna loklok belegaao. Nemi miklen i na la ne Moroa bok iklen i do loklok atnama ga lox avukat mun.

1 Tesalonia 5:3

Dola limixin dina lok keretna, “Limila ik lok at na lavatbung menemen; lanmarat kopmen nak lok de,” losongsongot silok ba vot saparap limixin at na lavatbung menemen. Mo laaleng naba rupot soso mun; naba lok ngan mo losongsongot it pot at latkin i suma lamdak. La kopmen tara noxo epovo na sixiro basinge i.

1 Timoti 3:3

neni ixo inin tangtangku mi levengkadan lolos la kopmen nak musak soso, ketla neni it kis atnaasan la lorooro ren i umsu mi lumumulus la limila; neni ixo vara solo ri levempilas;

1 Timoti 3:8

Luvuttadi loklok tooro xeneng at lotu dina umsu mi luruptuvuk avukat at lemeren limixin, la levelinga atdi nak mokso; di noxo inin tangtangku levengkadan lolos, la di noxok lok kaka levempilas at langas kopmen nak mokso;

1 Timoti 6:5

la lumukmusak naba nemen alolos amisik kantubu atnedi la lodoxoma atdi ba lok kapmek tino. La di doxoma i do lotu ni langas tip novos.

Taitas 1:11

Una sep pepe di xusu di noxo vaase bok ba ro xeneng at laraugu lotu, mila dik lox ase limixin mi levelinga xopmen nak mokso la kerepmo dik lok kapmek lunuunu at limixin la dik lok kapmek bok lixitkis koetemen. Di lox i xerepmo xusu dina lok kaka levempilas la na loklok atdi i lok kapmek tinotno.

Taitas 1:7

Nedi nom luvuttadi amgomgo dina lok tatao lugugu at ne Moroa maxeneng at lotu ren; kuren la lorooro atdi nak mokso aleng at lemeren limixin. Di noxo paase xuxurung. Nemen di tak musak soso, di noxo inin tangtangku mi lengkadan lolos. Nemen di ta vesep. Nemen di ta vavara pilas solo.

1 Pita 2:8

La loxot bok at Lovoang Kaala i vaase xeretna, “Na luat naba lok limixin kusu dina sak kikixin la naba lox asubu nedi.” Ais 8:14 Di sak kikixin atla xopmen dina nuunu at levelinga at ne Moroa; anai i epovo mi lavavara at ne Moroa rinedi.

1 Pita 5:2

mina lok tatao avukat laxasipsip ne Moroa gara raba vam nemi min, la minak lok tatao nedi mi lavavara axap atnimi, ngan ne Moroa i vara i xuren. Nemen gat miguta lok lugugu atnemi mi lodoxoma rip kip unun teren, ketla mina lox i mi lodoxoma rinotno ri gugu.

2 Pita 1:16

Nema ma goxo mumu asu mun tekonterepi gamasa mene nga boro at levendoxoma at limixin at levenaleng maga tong asu Lagale Lavavang tinimi mumu lololos la lovotpot at Leeme Silok atnedik ne Iesu Karisito. Ketla nema maga ven tinotno lisisilok teren mi levengkatli atnema.

2 Pita 2:1

Luvuttadi vapaase alii xaxarang diga ravasu gano xeneng at limixin me Israel, la lavaeme loklox ase xaxarang bok, dinaba ravasu xa maxeneng atnemi. La dinaba lox abeles nemnem levenanasa xaxarang kusu ri lox asubu lunuunu atnimi. Dinaba sok tixirixes Leeme Silok mo ga un kaka amlong nedi, kuren la nedi xa dinaba ekip tangarang soso mi labaava.

2 Pita 2:9

Kuren la Leeme Silok ne Moroa i epovo ri lox asepsu limixin avukat basinge levesongsongot, la i epovo bok kusu na lok li limixin tongtonga xepe ro xeneng at loxokoxo la na lox asongot nedi se at laaleng ete.

Lovoang At Ne Jut 1:11

Naba lok kapmek aleng tidi. Nedi di mu asu loklok at ne Kaen. La di ke lodoxoma avukat tik lok ka lempilas kerekngan ne Balam. Nedi limixin tongtonga xepe xerekngan ne Kora la diba uu bok kuren.

Lovoang At Ne Jut 1:15

la ni naba lok li limixin axap at lavapaase la nedi di goxo nuunu ren la nedi diga lok lempanga xapmek, la nedi diga tong asu levelinga xapmek mumu i, neni naba lok li lumumuat atdi.”

Lovoang At Ne Jut 1:16

Nedi na limixin di paase xuxurung amisik, la dik sok taba xusuk mun limixin petpes mi laxapmek atdi; di mumu asu mun lavavara xapmek atdi xa, la di lox asilok levenasen atdi; la dik lox atdan limixin petpes kusu dinap kip paxat ka lempanga atnedi.

Lovoang At Ne Jut 1:4

Nia a tong i na rinimi mila lentaba limixin kopmen dina nuunu at ne Moroa, dira vubeles nemnem pam keneng at lotu atnimi. Nedi di ba gili xapmek levelinga mumu letaba nabalamu at ne Moroa atdik, kusu dinaba mu arup levelinga atdi ri lok laxakapmek maxamang at lixitkis epot. La di sok tixirixes ne Iesu Karisito, ni Leges Orong Silok kusuk mun atnedik axap la Leeme Silok atnedik. Ganoxa levelinga xeneng at Lovoang Kaala ga tong li i do nedi dinaba ruuna ka levesongsongot silok.

Lovoang At Ne Jut 1:7

La kerepmo bok limixin diga nemen to at lumenemen Sodom la Gomora la to bok at levenmenemen gak lox auret ti mo lumenemen. Diga lok laxakapmek maxamang at lixitkis epot la lengkot mamangan kerepmo. Monga nedi di nemen keneng at laxao bokbolot naba nemen amisik, la anai neni lavapaase aronga ri limixin axap.