2 Pita 2:2 - Madak

² La buaang atnimi minaba mu asu leveloklox ase xaxarang atdi, la laxakapmek atnedi maxamang at lixitkis epot; kuren la mumu mun mo leveloklok atnedi, limixin maxamang at lotu dinaba vaase kapmek ti langas at luruturun.

2 Pita 2:2 ပူးပေါင်းရင်းမြစ်များ

Sam 18:21

Agara mumu asu Lenavolo at Leeme Silok; a goxo raba sinta ne Moroa rak.

Metiu 22:16

La diga riki luvuttadi loklok ka anasa atdi eburu mi limixin diga mumu asu ne Erodes uto saparap ne Iesu. Diga lok tin keretna, “Leeme loklox ase. Maklen i do nenu laradi ruturun la u anasa limixin mi leveloklok at ne Moroa la mo levelinga ram ik mokso. Uxo lok tooro legesa binam tadi xusuk mun mila uxo doxoma solo i do tara i ruuna laasen silok kopla kopmen.

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 7:14

Lumusaragu uto at lorooro ni i veleot mun la langas tin i lolos aleng tino la ixo buaang nedi luvuttadi di pubeles teren.”

Lagale Lavavang At Ne Iesu Karisito Mak Ga Malagan I 12:14

La diga rupot la diga lok tin keretna, “Leeme loklox ase, maklen i do nenu laradi ruturun la u anasa limixin mi leveloklok at ne Moroa la mo levelinga ram ik mokso. Uxo lok tooro legesa binam tadi xusuk mun mila uxo doxoma solo do tara i ruuna laasen silok kopla kopmen. Una tong i rinama do ua lusumsuma ram. Kereva, ik mokso do mana xepe pilas ti ne Kaisar kopla kopmen?

Lagale Lavavang At Ne Iesu Karisito Mak Ga Malagan I 13:22

mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu xusu diba sar asoogong lavaanat soksoxolik at ne Moroa, mo do di epovo.

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Leven Gugu 13:10

la ga lok tin, “Nu lamdak at ne Satan! Nenu u xopara ri leveloklox axap i lox avukat; buaang lempanga xaxarang la laxakapmek i umsu at lorooro ram. Nenu uk lox amisik do una baba gili levenanasa ruturun at Leeme Silok ne Moroa ri laxaxarang!

Leven Gugu 14:2

Ketla lentaba limixin me Judaia no di goxo nuunu, diga lox axatu lodoxoma at lentaba limixin kopmen di me Judaia la diga vaase pe lusumsuma atnedi basinge luradi nuunu.

Leven Gugu 16:17

Ni ga mumu asu nema mi ne Pol, la gap kup keretna, “Na luvuttadi nedi luvuttadi gugu at ne Moroa i silok aleng! Di tong asu langas at lorooro rinimi!”

Leven Gugu 18:26

Ni ga vaase lolos to xeneng at loogu singising. La ne Pirikila mi ne Akuila duga ronga i la duga lam ka i uto at loogu atdu. La duga soxomus avukat box i rin, mi langas nunuan at Leeme Silok.

Leven Gugu 19:9

Ketla lentaba atdi di goxopara levelinga ren la di goxo nuunu, la diga vaase kapmek ti langas at Leeme Silok to melamgo at limixin axap. Kuren la ne Pol ga on basinge di la ga lam ka luvuttadi nuunu eburu min; la at levenaleng axap ni ga paase ro at loogu vapaase at ne Tirinas.

Leven Gugu 22:4

Aga ranga alis buaang nedi limixin diga mumu asu ne Iesu la agap sev amet di. Agang tanga alis lavatlok mi lavakin la agak lok li di at loogu xokoxo.

Leven Gugu 24:14

Ana tong i na ru. Nia a lotu saparap ne Moroa at lavalabat atnama keretna; a mumu asu mo langas di tong i do i xaxarang. Ketla a nuunu at levelinga diga malagan i at Lenavolo at ne Moses, la levenmamalagan at lavaeme vapaase alii.

Lovoang At Ne Pol Ti Limixin Nunu to Rom 2:24

Lovoang Kaala i tong i xeretna, “Limixin kopmen me Judaia di vaase xapmek ti laasen at ne Moroa mumu loklok atnemi leme Judaia.” Ais 52:5

1 Timoti 5:14

Kuren la a vara i do nedi lovosono naa dina epot la dina ruuna madak, la dina lok tatao avukat levempanga ro xeneng at laraugu atnedi, kusu kopmen di noxo raba luvuttadi munepen minedik kusu di noxo vaase xakapmek tidik.

Taitas 2:5

Dina mumu asu loklox avukat; luruptuvuk atdi na dadat; dina gugu avukat to xolonu atdi; dina lok tooro limixin axap; dinang tonga res at levelinga at lavatlok atdi. Dina mumu asu luruptuvuk nunuan, kusu limixin ma xamang at lotu di noxo epovo na tong i do levelinga at ne Moroa i lok kapmek.

Taitas 2:8

la una vavang bok mi levelinga nunuan, kusu nedi di munepen midik, di noxo epovo na vaase mumu dik, ketla diba lok mamangan.

1 Pita 2:12

La minap tuvuk avukat at lemeren nedi lavamolon, la mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.

2 Pita 2:12

Ketla ana limixin, di tu eburu xusu ri paase xapmek mumu limixin keneng at levempanga nedi dixokleklen i, la dip tuvuk baulang ngan levempanga aaxa mi lavanuet kangkedek atnedi; lugugu mun atnedi keretna, diga visik mun di xusu dinabak lox alis kaka di la dinap sev amet nedi; la dinaba seeve ngan laxampanga aaxa mi lavanuet kangkedek atnedi.

2 Pita 2:15

Kerepmo diga on basinge langas lom la dirat pas soogong gamasa nga; dira mumu asu nga langas no ne Balam ne nitna ne Beo ga mumu i, neni ga vavara solo i xusu neni nak lok laxapmek kusu neni nabak lok kaka levempilas.

2 Pita 2:18

Dim simi aurut nedi mi levendoxoma rangtangku la levelinga gamasa. La dik lok lengkot mamangan kusu dinang kan kaka nedi dik lok do dinak sixiro basinge limixin di mumu asu langas kapmek.

2 Pita 2:21

Gitaba lox avukat tinotno rinedi xusu di gitoxoklen langas at lomokmokso; la i lok kapmek tinotno mila di garaklen pam i la melemu diga repukus basinge manga mo levelinga xaala ne Moroa ga raba nedi min.

2 Pita 2:7

Neni ga lox aroo asu laradi mokmokso ne Lot, la neni laradi gak bulu aleng mumu lorooro bilinga at limixin to Sodom la Gomora di goxo mumu asu levelinga at ne Moroa.

Lovoang At Ne Jut 1:10

Ketla nom limixin di paase xapmek mumu lempanga salai nedi xopmen dina xasep teren; nedi di lok ngan mun lempanga mi lavanuet kangkedek atdi la di mumu asu mun lodoxoma atdi xa, la mo loklok naba lok kapmek axap lorooro atdi.

Lovoang At Ne Jut 1:15

la ni naba lok li limixin axap at lavapaase la nedi di goxo nuunu ren la nedi diga lok lempanga xapmek, la nedi diga tong asu levelinga xapmek mumu i, neni naba lok li lumumuat atdi.”

Lovoang At Ne Jut 1:4

Nia a tong i na rinimi mila lentaba limixin kopmen dina nuunu at ne Moroa, dira vubeles nemnem pam keneng at lotu atnimi. Nedi di ba gili xapmek levelinga mumu letaba nabalamu at ne Moroa atdik, kusu dinaba mu arup levelinga atdi ri lok laxakapmek maxamang at lixitkis epot. La di sok tixirixes ne Iesu Karisito, ni Leges Orong Silok kusuk mun atnedik axap la Leeme Silok atnedik. Ganoxa levelinga xeneng at Lovoang Kaala ga tong li i do nedi dinaba ruuna ka levesongsongot silok.

Lovoang At Ne Jut 1:7

La kerepmo bok limixin diga nemen to at lumenemen Sodom la Gomora la to bok at levenmenemen gak lox auret ti mo lumenemen. Diga lok laxakapmek maxamang at lixitkis epot la lengkot mamangan kerepmo. Monga nedi di nemen keneng at laxao bokbolot naba nemen amisik, la anai neni lavapaase aronga ri limixin axap.

Lisilimet 12:9

La ne Mikael eburu mi lubungangelo ren diga lu asi mi mo lavattulaava eburu mi lubungangelo ren. Neni lavattulaava me gaxatnak, luasen teren ne Devel la ne Satan, mo i sasar asoogong limixin axap ti laxapmek; nedi diga lu asi midi ude xopok at na lavatbung menemen.

Lisilimet 13:14

La neni ga ruuna lololos ti lok levempanga sangsangu kusu na lox asilok lavatpanga sio avot, la kerepmo neni ga xarang arup limixin at na lavatbung menemen. Ni ga tong i ridi xusu dina lok lovoovo vanga ap mo lavatpanga sio avot, mo ga ruuna linin kooxing at lavarise sepsep, ketla kopmen goxo met teren.

Lisilimet 13:8

La limixin axap at na lavatbung menemen diba lotu parav i; nedi limixin kopmen levenasen atdi ik lok at lubuk at lorooro, mo lubuk ga nemen avot ti luruntudum li at na lavatbung menemen, la ni lubuk at Lanasip, mo ga uu at laxaba.