2 Pita 2:1 - Madak

¹ Luvuttadi vapaase alii xaxarang diga ravasu gano xeneng at limixin me Israel, la lavaeme loklox ase xaxarang bok, dinaba ravasu xa maxeneng atnemi. La dinaba lox abeles nemnem levenanasa xaxarang kusu ri lox asubu lunuunu atnimi. Dinaba sok tixirixes Leeme Silok mo ga un kaka amlong nedi, kuren la nedi xa dinaba ekip tangarang soso mi labaava.

2 Pita 2:1 ပူးပေါင်းရင်းမြစ်များ

Metiu 10:33

Ket do tara na sok tixirixes ia ro melamgo at limixin axap, aba sok tixirixes kepe box i ro melamgo at ne Tamak to vana at laxalibet.”

Metiu 24:11

la buaang lavaeme vapaase alii xaxarang dinaba vot la diba sar asoogong buaang limixin.

Metiu 24:24

Mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu kusu diba sar asoogong lavaanat soxolik at ne Moroa, mo do di epovo.

Metiu 24:5

mila buaang luvuttadi diba rupot mi laasen tarak la diba lok, ‘Nenia Lanarong!’ La diba sar asoogong buaang limixin mi laxalinga xaxarang atdi.

Metiu 7:15

La ne Iesu ga lok bok, “Mina lok tatao nemi mumu loklok atnedi lavaeme vapaase alii xaxarang; di vosiga nimi mi levelinga xaxarang la diba tong i do nedi luvuttadi at ne Moroa. Ketla di lok ngan lempatman atat, di siga lempanga singsiga diga lox i mi lengkabinim at levesipsip kusu dina xarang limixin.

Lagale Lavavang At Ne Iesu Karisito Mak Ga Malagan I 13:22

mila buaang nedi limixin babala diba lok do nedi mo lavanarong at ne Moroa la lavaeme vapaase alii ren; diba lok tempanga sangsangu xusu diba sar asoogong lavaanat soksoxolik at ne Moroa, mo do di epovo.

Lagale Lavavang At Ne Iesu Karisito Luk Ga Malagan i 12:9

Ket do nege i tong i do i xopara ia ro melamgo at limixin la i lok do neni kopmen atarak, nenia, Laradi Mevana, anaba sok tixirixes box i ro melamgo at lubung angelo at ne Moroa.

Lagale Lavavang At Ne Iesu Karisito Luk Ga Malagan i 21:8

La ne Iesu ga lok, “Mina lok tatao avukat nimi; lavanga tara na xarang nimi mumu na lempanga, mila buaang nedi luvuttadi dibat pas mi laasen tarak la diba lok, ‘Nenia Lanarong!’ La diba lok bok, ‘Laaleng at lovotpot at Leeme Silok mo ia vot auret ta.’ Ketla nemen mita mumu asu di.

Lagale Lavavang At Ne Iesu Karisito Luk Ga Malagan i 6:26

Naba lok kapmek tinimi, do limixin axap dina paase avukat mumu nimi, mila lavalabat atnedi mo limixin kapmek diga paase avukat mumu nedi lavaeme vapaase alii xaxarang.”

Lovoang At Ne Pol Ti Limixin Nunu to Rom 16:18

Leventaba dik lok mo leveloklok, kopmen dina gugu ri Leeme Silok atnedik, ne Karisito, ketla di gugu mun tinedi xa. Levempapaase atnedi ik lox avukat tinotno eburu mi levendoxoma atnedi; kerepmo dik lox atdan kaka limixin, lunuunu atdi xopmen na lolos, kusu dina sar asoogong di.

1 Korin 11:19

Lixitkis epeseves ik lok kantubu atnimi, la kerepmo i lox asuusu i do leventaba mene atnimi di mumu asu ruturun ne Moroa.

1 Korin 6:20

Neni ga xuruse ka vam nemi mi luunun. Kuren la mina ke xepe loklok kakapmek keneng at labantuxu atnimi la kerepmo miba lox asuusu loklok ngangao ri ne Moroa.

1 Korin 7:23

Moroa gara xuruse ka vam nimi mi luunun; kuren la nemen mita mumu asu levelinga at tara vetpes.

Galesia 2:4

Ketla leventaba diga vara i xusu dina vit kepe lengkontuxu at luvuttadi nuunu xopmen di me Judaia, la digak lok labala ngan nedi luvuttadi nuunu la nedi na lemet tadi digak beles mun at libinam atnema ngan luvuttadi vereven alii; la diga vavara mun i xusu dinang long terek lesepsepmus tinotno basinge Lenavolo nema magak lok kaka i xeneng at ne Iesu Karisito. Diga vara mun i xusu dinak lok ka nema ukeneng at leveloklok atnedi, la manak lok maxopok at leventaangas at Lenavolo.

Galesia 3:13

Ketla ne Karisito ga ruuna ka lasaxaek at loxonaleng neni ga ru korop ka lasaxaek, no ne Moroa im taba nedi di mumu asu Lenavolo min; kerepmo neni ga un ka amlong nema basinge nom lasaxaek; i ngan Lovoang Kaala i vaase i xeretna, “Do nege na rem to vana at laxaba, neni i ruuna xaka lasaxaek boro at lebelemamao at ne Moroa.” Len 21:23

Galesia 4:17

Limixin petpes mo di tong asu lavavang petpes di doma solo nimi la di lok tong i xusu dina sat kaka nimi, ketla na loklok atdi i lok kapmek tinotno, atla di vara mun i xusu dinak lox epeseves nemi basinge ia, kusu nemi minaba etangas eburu minedi.

Galesia 5:20

loklok ti lotu saparap laxampoovo vanga la lasangsanga xapmek. La limixin ua di munepen la dira vesep; la levereven peves eburu mi lebelemamao la laradi itlasi polo limixin axap. La levenekarakat la loklok ti vepeseves ti lara nep binam axap;

Epesas 1:7

Ni ga met la lada ren ga sen su kusu ri un ka amlong dik, la kusu ne Moroa naba doxoma xepe leveloklok kakapmek atdik. Kerepmo ne Moroa ga lox asuusu letaba nabalamu ren i silok aleng,

Epesas 4:14

Do lorooro atdik nak lok kuren, lunuunu atdik noxo lok ngan lunuunu at laxamdak lixilik, it los ekat ngan laras i repit la iap sep tang at lisim la ira onon taba ugo la ude to at lamaxat. Kerepmo lavaeme loklox ase xaxarang di lok tong i xusu dina sar asoogong lunuunu atdik basinge ne Karisito mi leveloklox ase xaxarang la levelinga babala arup.

Pilipai 3:19

Nedi dinabat pas uto at lemenemen songsongot, dim doma mun levempanga anan la lavavara mun at labantuxu. Di momo mun ti levempanga i raba di mi lainmangan silok, la dim doma mun levempanga at na lavatbung menemen.

Kolosi 2:18

Ixok mokso do tara na tong i rinimi do mixo epovo kusu mina lok kaka leveloklox anarong at ne Moroa. Laradi xerepmo i lok poovo i do i lox asi aleng lorooro ren; i nua i do i ruuna laasen silok mila i lotu saparap lubungangelo la mumu bok levesilimet teren, ketla i ruuna loklok papavas la i mumu asu mene lodoxoma kopmen tavasuun teren boro at na lavatkangka.

Kolosi 2:8

Mina lok tatao avukat nimi kusu teta noxo lox asoogong nimi mi leventetere xaxarang, kopmen tavasuun teren; mo lakleklen i laa boro at leveloklox ase at limixin mun la boro bok at leveloklok mede xopok at na lavatkangka, kopmen boro at ne Karisito.

1 Timoti 5:8

Ketla do tara xopmen na lok tatao avukat leventaba akmokso ren, neni ira sev apkap pam at lunuunu la neni i lok kakapmek tinotno ri laradi kopmen na nuunu.

2 Timoti 4:3

Laaleng naba vot la limixin di noxo ronga xaka na levenanasa ruturun at ne Moroa, ketla dinaba mu asu lavavara atdi xa; diba ro xaka buaang lavaeme loklox ase xaxarang, kusu diba lox ase nedi mi levelinga di vavara nang tonga i.

Taitas 1:11

Una sep pepe di xusu di noxo vaase bok ba ro xeneng at laraugu lotu, mila dik lox ase limixin mi levelinga xopmen nak mokso la kerepmo dik lok kapmek lunuunu at limixin la dik lok kapmek bok lixitkis koetemen. Di lox i xerepmo xusu dina lok kaka levempilas la na loklok atdi i lok kapmek tinotno.

Taitas 3:10

Una vaase sok nege taradi i lok leven ekarakat. Do neni move na lox axis epeseves limixin, una vaase sok box i. Dola neni noxo ronga res at levelinga ram, una ke xepe i.

Ibru 10:29

Kerepmo la do tara na sok kepe lunuunu ren at ne Iesu, i lok ngan ta dola i vas axangka ne Nitna ne Moroa; la neni i lok lada at ne Iesu ngan ta lavanga gamasa, mo lada at lekabus maxat ga sen kusu na lok kepe laxakapmek teren, la ira vaase vupu vam ti Loroonan Kaala, mo i lox asuusu letaba nabalamu at ne Moroa ridik. Do tara na lok na leveloklok kakapmek, neni naba lok ka loklox asongot silok.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

2 Pita 2:3

La loklok ti belegaao bok at na lavaeme loklox ase xaxarang naba silok la dinaba lok ka lempilas atnimi mi leventetere xaxarang diga doxoma xaka i. La at laxanaleng buaang, ne Moroa ira gagas pam kusu na lok li lumumuat atdi la naba sele utut nedi.

1 Jon 2:26

Nia a malagan na levelinga rinemi ri lox axasep nimi mi loklok at limixin di lok tong i xusu dina sar asoogong nimi.

1 Jon 4:1

Larapen tangas orong tarak. Nemen gat mita rebeng alis soso levenanasa atnedi di tong i do di ruuna Loroonan Kaala; ketla mina viila mumu avot be levenanasa atdi do i sixit epovo mi levenanasa at ne Moroa. Mina lox i xuren atla buaang lavaeme vapaase xaxarang dit pas tangtagap at lengkot axap.

Lovoang At Ne Jut 1:18

Diga paase rinimi xeretna, “At levenaleng kavaxap at na lavatbung menemen, limixin mo dinaba rupot la diba paase sese xapmek leventaangas nunuan at limixin nuunu. La diba mumu lavavara xapmek atdi mo xopmen na sixit emu mi lavavara at ne Moroa.”

Lovoang At Ne Jut 1:4

Nia a tong i na rinimi mila lentaba limixin kopmen dina nuunu at ne Moroa, dira vubeles nemnem pam keneng at lotu atnimi. Nedi di ba gili xapmek levelinga mumu letaba nabalamu at ne Moroa atdik, kusu dinaba mu arup levelinga atdi ri lok laxakapmek maxamang at lixitkis epot. La di sok tixirixes ne Iesu Karisito, ni Leges Orong Silok kusuk mun atnedik axap la Leeme Silok atnedik. Ganoxa levelinga xeneng at Lovoang Kaala ga tong li i do nedi dinaba ruuna ka levesongsongot silok.

Lisilimet 13:14

La neni ga ruuna lololos ti lok levempanga sangsangu kusu na lox asilok lavatpanga sio avot, la kerepmo neni ga xarang arup limixin at na lavatbung menemen. Ni ga tong i ridi xusu dina lok lovoovo vanga ap mo lavatpanga sio avot, mo ga ruuna linin kooxing at lavarise sepsep, ketla kopmen goxo met teren.

Lisilimet 2:13

Akleklen i do mik lok at lemenemen, ne Satan i nemen keneng teren ngan loorong silok. Ketla laasen tarak mim tebeng alolos i. La nemi xopmen mi goxo soxepe lunuunu atnimi ap mo levenaleng ne Antipas ga uu ren; neni ga nemen ngan laradi ruturun la laradi vapaase asu levelinga rak. Limixin at ne Satan diga sev i dom kantubu at lemenemen silok atnimi, nom ne Satan i nemen teren.

Lisilimet 2:9

Aklen levesongsongot nemi mip kiv i, la aklen i do mit kis pakpakes, ketla nemi mip novos aleng mi lempanga boro vana at laxalibet. Aklen levelinga xaxarang atnedi limixin di tong i rinimi do nedi me Judaia, ketla kopmen, nedi mun limixin lotu at ne Satan.

Lisilimet 3:8

Akleklen leveloklok atnimi. Ketla mina ronga i na, ara suang taba vam nimi mi lumusaragu, la ixo epovo do tara na sat pe i. Aklen i do nemi mi ruuna lololos lixilik mene la aklen box i do nemi migang tonga res at levelinga rak, la kopmen migoxo sok tixirixes laasen tarak.

Lisilimet 5:9

La nom lavanuet levempanga rooro eburu minedi loxongkulao amgomgo diga vixan lara loxompixan maxat, i lok keretna, ‘Nenu u epovo rinotno xusu una lok ka lugun linga la una ba kaxat kepe mo levelumlut teren mila limixin diga sev amer u; ketla uga roo xat amlong la at nom mun lada ram uga un ka amlong limixin ti ne Moroa. Nedi at levenabung mixin axap la boro bok at levempapaase vetpes, la boro bok at lenbantuxu vetpes, la boro bok at larabibinat petpes.

Lisilimet 6:10

Digap kup lolos mi laxaka linga xeretna, “Moroa lolos aleng, nenu u melemelengan la u ruturun aleng. Lingisa ba uba vaxaru li limixin at lavapaase la una sev amet di ri vorang laniu nema maga ekip tangarang min?”